સલમાન ખાનના બનેવી આયુષ શર્માએ ચૂંટણીમાં પિતાની જીત પર ખૂશી વ્યક્ત કરી, કહ્યું- ‘અભિનંદર પાપા!’

નવી દિલ્હી: હિમાચલ પ્રદેશ વિધાનસભા ચૂંટણીના પરિણામો બાદ બોલિવૂડ એક્ટર આયુષ શર્માના ઘરે પણ ખુશીનો માહોલ છે. આયુષના પિતા અનિલ શર્મા હિમાચલની મંડી વિધાનસભા બેઠક પરથી જીત્યા છે. ભારતીય જનતા પાર્ટીના ઉમેદવાર અનિલ શર્માએ મંડી બેઠક પરથી કોંગ્રેસના ઉમેદવાર ચંપા ઠાકુરને 10,000થી વધુ મતોથી હરાવ્યા છે. સોશિયલ મીડિયા દ્વારા તેમના પિતાની ચૂંટણી જીત પર અભિનંદન આપતાં તેમણે કહ્યું હતું કે, ‘કે વારસો જીવે છે.’

અનિલ શર્મા પૂર્વ કેન્દ્રીય મંત્રી પંડિત સુખરામના પુત્ર

તમારી જાણકારી માટે કે, મંડી વિધાનસભા સીટ પરથી ભાજપની ટિકિટ પર જીતેલા અનિલ શર્મા પૂર્વ કેન્દ્રીય મંત્રી પંડિત સુખરામના પુત્ર છે. સુખ રામ કોંગ્રેસના નેતૃત્વવાળી યુપીએ સરકારમાં કેન્દ્રીય મંત્રી રહ્યા હતા. હિમાચલ પ્રદેશમાં સત્તારૂઢ ભાજપ દ્વારા આ વખતે તેમને મંડી બેઠક પરથી પોતાના ઉમેદવાર તરીકે જાહેર કરવામાં આવ્યા હતા. રાજ્યના ચૂંટણી પરિણામમાં ભાજપને માત્ર 25 બેઠકો જ મળી છે. 68 સભ્યોની વિધાનસભાની ચૂંટણીમાં કોંગ્રેસે 40 બેઠકો પરથી જીતી મેળવીને સૌથી મોટી પાર્ટી બની છે.. મંડી સીટ પર કોંગ્રેસ અને ભાજપના ઉમેદવારો વચ્ચે જોરદાર ટક્કર થઈ હતી, જેમાં અનિલ શર્માનો વિજય થયો હતો.

આ પણ વાંચો: પ્રવિણ માળીની ભવ્ય જીત તો કોંગ્રેસ આ વખતે પણ નિષ્ફળ

આયુષ શર્માએ અભિનંદન સંદેશ મોકલ્યો

પિતા અનિલ શર્માની આ જીત પર પુત્ર આયુષ શર્માએ સોશિયલ મીડિયા દ્વારા અભિનંદન સંદેશ મોકલ્યો હતો. ઈન્સ્ટાગ્રામ પર પોતાની સ્ટોરી શેર કરતી વખતે આયુષે તેના પિતાને આ જીત માટે અભિનંદન પાઠવ્યા અને મંડીના લોકોનો પણ આભાર માન્યો. આયુષે લખ્યું, ‘વારસો જીવતો રહે છે, પપ્પા અભિનંદન, મંડીના મતદારોનો આભાર કે, જેમણે આપણા પરિવારમાં વિશ્વાસ રાખ્યો.’

આ પણ વાંચો: પાલનપુરમાં ભાજપના ઉમેદવાર અનિકેત ઠાકરનો 26,980 મતોથી ભવ્ય વિજય

ગુજરાતમાં ભાજપની ભવ્ય જીત

ઉલ્લેખનીય છે કે, હિમાચલ પ્રદેશની સાથે ગુજરાતમાં પણ વિધાનસભાની ચૂંટણીના પરિણામ આજે જાહેર થઈ ગયા છે. આ સિવાય દેશના અન્ય પાંચ રાજ્યોમાં 6 વિધાનસભા સીટો અને એક લોકસભા સીટ માટેની ચૂંટણીના પરિણામો પણ ગુરુવારે આવ્યા છે. ગુજરાતમાં ભારતીય જનતા પાર્ટીએ ભારે બહુમતી સાથે જીત મેળવી છે. ચૂંટણી પંચના જણાવ્યા અનુસાર પાર્ટીએ 150થી વધુ બેઠકો જીતી છે. બીજી તરફ કોંગ્રેસ માત્ર 17 બેઠકો જીતવામાં સફળ રહી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Election Results 2022, Himachal pradesh election results, બોલીવુડ