ઑસ્કર માટે શોર્ટલિસ્ટ નથી થઈ 'દ કશ્મીર ફાઈલ્સ', વિવેક અગ્નિહોત્રીએ કરેલા દાવામાં કેટલી સચ્ચાઈ?

10 જાન્યુઆરીના રોજ 'દ કશ્મીર ફાઈલ્સ' ફિલ્મના ડિરેક્ટર વિવેક અગ્નિહોત્રીએ ઓસ્કર્સ 2023ને લઈને એક ટ્વિટ કર્યું હતું. ટ્વિટમાં વિવેકે દાવો કર્યો છે કે, તેમની ફિલ્મ 'દ કશ્મીર ફાઈલ્સ' ઓસ્કર્સ 2023 માટે પહેલી યાદીમાં શોર્ટલિસ્ટ થઈ છે. વિવેકે ટ્વિ કરીને જે લખ્યું છે, તે અમે અહીં આપને ગુજરાતીમાં જણાવીએ છીએ...

દ કશ્મીર ફાઈલ્સને ઓસ્કર્સ 2023 માટે The Academy ની પ્રથમ લિસ્ટમાં શોર્ટલિસ્ટ કરવામાં આવી છે. આ ભારતની 5 ફિલ્મોમાંથી એક છે. હું એ તમામને ખૂબ ખૂબ શુભકામના આપું છું. ભારતી સિનેમા માટે એક મહાન વર્ષ.

BIG ANNOUNCEMENT: #TheKashmirFiles has been shortlisted for #Oscars2023 in the first list of @TheAcademy. It’s one of the 5 films from India. I wish all of them very best. A great year for Indian cinema. 🙏🙏🙏

— Vivek Ranjan Agnihotri (@vivekagnihotri) January 10, 2023

અન્ય એક ટ્વિટમાં વિવેક લખે છે કે..પલ્લવી જોશી, મિથુન ચક્રવર્તી, દર્શન કુમાર, અનુપમ ખેર તમામ સર્વશ્રેષ્ઠ અભિનેતા કેટેગરી માટે પસંદ થયા છે. આ તો બસ શરુઆત છે, આગળ લાંબી સફર છે. આ તમામને શુભકામનાઓ આપો.

#PallaviJoshi #MithunChakraborty @DarshanKumaar @AnupamPKher are all shortlisted for best actor categories. It’s just the beginning. A long long road ahead. Pl bless them all. pic.twitter.com/fzrY9VKDcP

— Vivek Ranjan Agnihotri (@vivekagnihotri) January 10, 2023

દ કશ્મીર ફાઈલ્સના એક્ટર અનુપમ ખેરે ટ્વિટ કરીને લખ્યું છે કે...TheKashmirFiles અને મારુ નામ ઓસ્કર 2023 માટે સર્વશ્રેષ્ઠ અભિનેતાની શ્રેણીમાં પસંદ થવા બદલ ખુશી થઈ. શોર્ટ લિસ્ટ તરીકે અમારી આ મોટી જીત છે. લિસ્ટમાં અન્ય ભારતીય ફિલ્મોને પણ શુભકામના. ભારતીય સિનેમાની જય હો!

Deeply humbled to see #TheKashmirFiles as a film and my name shortlisted in #BestFilm and #BestActor catagory for the #Oscars2023! Even as a short list it is a big triumph for us. Congratulations also to other Indian films in the list. भारतीय सिनेमा की जय हो! 🙏😍 @TheAcademy pic.twitter.com/VtaGLywtZQ

— Anupam Kher (@AnupamPKher) January 10, 2023

સચ્ચાઈ-

વિવેક અગ્નિહોત્રી જે લિસ્ટની વાત કરી રહ્યા છે, તેને શોર્ટલિસ્ટ નહીં પણ હકીકતમાં રિમાંઈડર લિસ્ટ કહે છે. The Academyએ આ લિસ્ટને લઈને ઓસ્કર્સની સત્તાવાર વેબસાઈટ પર 9 જાન્યુઆરી, 2023ના રોજ પ્રેસ રિલીઝ જાહેર કર્યું હતું. તેમાં દુનિયાભરની કુલ 301 ફિલ્મો સામેલ છે, જે 95માં એકેડમી એવોર્ડ્સ અથવા ઓસ્કર્સ માટે એલિજીબલ એટલે કે, યોગ્ય માનવામાં આવી છે. અહીં એલિજીબલ શબ્દ પર ધ્યાન આપવાની જરુર છે, કેમ કે તેનો અર્થ શોર્ટ લિસ્ટેડ જરાં પણ થતો નથી.

ધ્યાન આપનારી વાત એ છે કે, લિસ્ટ માટે કોઈ પણ વ્યક્તિ અરજી કરી શકે છે, પણ અરજીકરનારા વ્યક્તિએ અમુક શરતો પુરી કરવાની હોય છે, જે ઓસ્કર્સની સત્તાવાર વેબસાઈટ પર આપેલી છે, તેમાંથી અમુક જરુરી શરતો અમે અહીં આપને જણાવીએ છીએ.

• એકેડમી પુરસ્કાર માટે લાગૂ નિયમો અંતર્ગત ફિલ્મ કંસીડર કરવા માટે, ફીચર ફિલ્મોને છ અમેરિકી શહેરોમાં કમ સે કમ એક શહેરમાં સાત દિવસ સુધી ન્યૂનતમ ક્વાલિફાઈંગ રન પુરો કરવાનો રહેશે. આ શહેર છે લોસ એંજેલિસ, શિકાગો, ન્યૂયોર્ક સિટી, મિયામી, ફ્લોરિડા અને ઈલેનોય.


• બેસ્ટ પિક્ચરમાં એલિજિબલ હોવા માટે ફિલ્મને એક એકેડમી પ્રેજેંટેશન અને ઈન્ક્લૂઝન સ્ટેન્ડર્ડ ઉપરાંત સર્ટિફિકેટ આપવાનું હોય છે, જે ગોપનિય હોય છે.


• આ સમગ્ર પ્રેસ રિલીઝમાં ક્યાંય પણ શોર્ટલિસ્ટ શબ્દનો ઉલ્લેખ કર્યો નથી, જેવો વિવેક અગ્નિહોત્રી દાવો કરી રહ્યા છે.


• સરળ ભાષામાં કહીએ તો, વિવેકની ફિલ્મ દ કશ્મીર ફાઈલ્સે ફક્ત ઓસ્કર માટેના માપદંડો પુરા કર્યા છે, પણ કોઈ ફિલ્મનું શોર્ટલિસ્ટ હોવું અલગ પ્રક્રિયા છે. આ વાતની કોઈ ગેરેન્ટી નથી કે, કશ્મીર ફાઈલ્સ રિમાંઈડર લિસ્ટમાં છે, તો તેને શોર્ટલિસ્ટ પણ થશે. આમ પણ મેજર કેટેગરીમાં ફિલ્મો શોર્ટલિસ્ટ થઈ ચુકી છે.

• ડોક્યુમેન્ટ્રી ફીચર ફિલ્મ


• ડોક્યુમેન્ટ્રી શોર્ટ ફિલ્મ


• ઈંટરનેશનલ ફીચર ફિલ્મ


• મેકઅપ એન્ડ હેરસ્ટાઈલિંગ


• મ્યૂઝિક (ઓરિજિનલ સ્કોર)


• મ્યૂઝિક (ઓરિજિનલ સોંગ)


• એનિમેટેડ શોર્ટ ફિલ્મ


• લાઈવ એક્શન શોર્ટ ફિલ્મ


• સાઉંડ


• વિઝ્યુઅલ ઈફેક્ટ્સ

તેમાં ઈંટરનેશનલ ફીચર ફિલ્મ કેટેગરીમાં ભારત તરફથી ગુજરાતી ફિલ્મ 'છેલ્લો શો' મોકલવામાં આવી છે. આ ફિલ્મને શોર્ટલિસ્ટ પણ કરવામાં આવી છે. RRR ફિલ્મના ગીત નાટૂ નાટૂને બેસ્ટ ઓરિજિનલ સોંગ કેટેગરીમાં શોર્ટલિસ્ટ કરવામાં આવી છે. સાથે જ કાર્કિત ગોન્ઝાલ્વેસની ડોક્યુમેન્ટ્રી The Elephant Whisperers ડોક્યુમેન્ટ્રી શોર્ટ કેટેગરીમાં શોર્ટ લિસ્ટ થઈ છે. તો વળી શૌનક સેનની ચર્ચિત ડોક્યુમેન્ટ્રી All That Breathes ને ડોક્યુમેન્ટ્રી ફીચર કેટેગરીમાં પસંદ કરાઈ છે. બસ આ ચાર નામ છે, બાકી કોઈને પણ કંસિડર કરવામાં નહીં આવે.

95માં એેકેડમી એવોર્ડ માટે નોમિનેશનની વોટિંગ 12-17 જાન્યુઆરી સુધી થશે. જે 301 ફિલ્મો રિમાંઈડર લિસ્ટમાં રાખવામાં આવી છે. તેમના માટે પણ એકેડમીના એક્ટિવ મેમ્બર્સ આ પીરિયડમાં વોટિંગ કરશે, જો કોઈની પસંદગી થશે, તો ફિલ્મ નોમિનેશન લિસ્ટમાં જગ્યા બનાવી શકશે. ઓસ્કર 2023ની ફાઈનલ નોમિનેશનની ઘોષણા 24 જાન્યુઆરી 2023ના રોજ થશે. બાદમાં ફાઈનલ 12 માર્ચ 2023ના રોજ ઓસ્કર એવોર્ડ સેરેમની યોજાશે. જ્યાં નોમિનેટેડ ફિલ્મોમાંથી વિજેતાઓને એવોર્ડ આપવામાં આવશે.

અંતમાં એટલું દ છે કે કુલ મળીને દ કશ્મીર ફાઈલ્સને ઓસ્કર એવોર્ડ સાથે જોડતા વિવેક અગ્નિહોત્રી અને અનુપમ ખેર જે દાવો કર્યો છે, તે ભ્રામક છે. ફિલ્મને ફક્ત રિમાંઈડર લિસ્ટમાં નાખી છે, તેને શોર્ટલિસ્ટ કરવામાં આવી નથી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Oscar Award, The kashmir files