Home /News /entertainment /World AIDS Day: આ 8 ફિલ્મો તોડશે AIDS સાથે જોડાયેલા તમામ ભ્રમ

World AIDS Day: આ 8 ફિલ્મો તોડશે AIDS સાથે જોડાયેલા તમામ ભ્રમ

ફાઇલ ફોટો

World AIDS Day, 1 December - મનોરંજનની સાથે, ફિલ્મો પણ ઘણા મુદ્દાઓ પર લોકોમાં જાગૃતિ વધારવાનું કામ કરે છે. આજે, વિશ્વ HIV/AIDS દિવસ પર, આપણે બોલીવુડ અને હોલીવુડની ફિલ્મો વિશે વાત કરીશું, જેણે આ અસાધ્ય રોગ વિશેની માન્યતાઓને તોડીને લોકોમાં જાગૃતિ ફેલાવવાનું કામ કર્યું હતું.

વધુ જુઓ ...
    મુંબઈઃ HIV/એઇડ્સના લક્ષણો, કારણો અને બચવાના ઉપાયોને લઈને લોકોમાં જાગૃતતા ફેલાવવા માટે દુનિયાભરમાં 1 ડિસેમ્બરે વર્લ્ડ એઇડ્સ ડે મનાવવામાં આવે છે. આ બીમારીના કારણે અત્યાર સુધીમાં દુનિયાભરમાં લાખો લોકોએ પોતાનો જીવ ગુમાવ્યો છે. યુનાઈટેડ નેશન્સ પ્રોગ્રામ ઑન HIV/એઈડ્સ (UNAIDS)ના રિપોર્ટ 'ઈન ડેન્જરઃ ગ્લોબલ એઇડ્સ અપડેટ 2022'ના અનુસાર ફક્ત 2021માં એચઆઈવી સંક્રમણના 15 લાખ નવા દર્દી સામે આવ્યા છે. તેમાં 6.5 લાખ લોકોને પોતાનો જીવ ગુમાવવો પડ્યો હતો. બીજા શબ્દોમાં કહીએ તો દરરોજ એચઆઈવી/એઇડ્સના 4,000 નવા કેસ સામે આવી રહ્યા છે. વળી, દરરોજ 1,800 લોકો આ બીમારીના કારણે મોતને ભેટે છે.

    દુનિયાભરમાં જ્યાં એક તરફ હજારો સરકારી અને બીનસરકારી સંસ્થાઓ એઇડ્સ અવેરનેસ પ્રોગ્રામ ચાલી રહ્યો છે. વળી, બોલિવૂડ અને હોલિવૂડ પણ એચઆઈવી/એઇડ્સ સાથે જોડાયેલા ભ્રમને તોડવા માટે અમુક ફિલ્મો બનાવીને પોતાનું યોગદાન આપ્યુ છે. તે સિવાય કોરિયાઈ, ચીની ફિલ્મ નિર્માતાઓએ આ દિશામાં કામ કર્યુ છે. આજે અમે વાત કરીશું 8 બોલિવૂડ અને હોલિવૂડ ફિલ્મો વિશે, જેના દ્વારા એઇડ્સ સાથે જોડાયેલા અલગ-અલગ એન્ગલ લઈને જાગૃતતા ફેલાવવાનો પ્રયાસ કરવામાં આવ્યો છે. આ ફિલ્મોને સેન્ટ્રલ આઈડિયા એચઆઈવી/એઇડ્સ જ છે.

    આ પણ વાંચોઃ લાઈગર ફન્ડિંગ કેસઃ ED ઓફિસમાં 9 કલાક વિજય દેવરકોન્ડાની કરાઈ પુછપરછ, એક્ટરને પુછ્યા આ સવાલ


    'ફિલાડેલ્ફિયા'થી પ્રભાવિત હતી ફિલ્મ 'ફિર મિલેગે'


    સલમાન ખાન, શિલ્પા શેટ્ટી અને અભિષેક બચ્ચન સ્ટારર બોલિવૂડ ફિલ્મ 'ફિર મિલેંગે' વર્ષ 2023માં રિલીઝ થઈ હતી. આ ફિલ્મ ડેન્જેલ વોશિંગ્ટન (Denzel Washington) અને ટૉમ હેંક્સ (Tom Hanks) સ્ટારર હોલિવૂડ ફિલ્મ 'ફિલાડેલ્ફિયા'થી પ્રભાવિત છે. આ ફિલ્મમાં એક કર્મચારીના એચઆઈવી પોઝિટીવ આવ્યા બાદ તેને ખોટી રીતે નોકરીમાંથી હાંકી કાઢવામાં આવ્યા હતાં. ફિલ્મોમાં જણાવવામાં આવ્યુ હતું કે એચઆઈવી પોઝિટીવ આવ્યા બાદ દર્દીને નોકરીમાંથી કાઢી દેવું તે ખોટુ છે. જો તેના પરફોર્મન્સ પર બીમારીની કોઈ અસર જોવા મળતી નથી તો તેને કામ કરવા માટે એક સારુ વાતાવરણ આપવું જોઈએ. આ ફિલ્મનું ડિરેક્શન રેવતી દ્વારા કરવામાં આવ્યુ હતું.


    શાનદાર કોર્ટરુમ ડ્રામા છે 'ફિલાડેલ્ફિયા'


    હોલિવૂડ ફિલ્મ 'ફિલાડેલ્ફિયા' (Philadelphia) એડ્સના દર્દીઓ સાથે લોકો ખરાબ વ્યવહાર અને સમલૈંગિકતા પ્રતિ સમાજના ડર વિશે ચર્ચા કરે છે. વર્ષ 1993માં આવેલી ફિલ્મમાં ડેન્જેલ વૉશિંગટનના પાત્ર જૉ મિલરને કોઈ ભૂલી નથી શકતું. તે ક્લાઇન્ટ એન્ડ્રયૂ બેકેટ માટે કોર્ટમાં દલીલ કરતો જોવા મળે છે. ટૉમ હેન્ક્સે ફિલ્મમાં એન્ડ્રયુ બેકેટનું પાત્ર ભજવ્યુ હતું. આ પાત્ર માટે હેન્ક્સને બેસ્ટ એક્ટરનો એકેડમી એવોર્ડ મળ્યો હતો. આ એઇડ્સને લઈને બનાવવામાં આવેલી યાદગાર ફિલ્મોમાંથી એક ગણવામાં આવે છે.

    આ પણ વાંચોઃ FIFA વર્લ્ડકપના મેદાનમાં ગૂંજ્યો નોરા ફતેહીનો અવાજ, ધાકડ ડાન્સ પરફોર્મન્સથી ઝૂમી ઉઠ્યું કતાર


    'નિદાન'માં લોહી ચઢાવવાથી થયું એઇડ્સ


    મહેશ માંજરેકરની વર્ષ 2000માં આવેલી ફિલ્મ 'નિદાન'માં એક કિશોરીને લોહી ચઢાવવાથી એઇડ્સ થઈ જાય છે. આ ફિલ્મની સંપૂર્ણ સ્ટોરી આ છોકરીની આસપાસ ફરે છે. જ્યારે તેના પરિવારને તેણીની બીમારી વિશે જાણ થાય છે તો તે વધારે સમય વિતાવવાનું શરુ કરી દે છે. આ ફિલ્મમાં રીમા લાગૂ, સુનીલ બરવે અને શિવાજી સાટમે શાનદાર અભિનય કર્યો છે.


    'માય બ્રધર...નિખીલ' અદ્ભૂત ફિલ્મ


    ઓનીર નિર્દેશિત 2005માં આવેલી 'માય બ્રધર...નિખિલ' એચઆઈવી/એઇડ્સ પર આવેલી સૌથી શાનદાર ફિલ્મ માનવામાં આવે છે. આ ફિલ્મ સ્વિમિંગ ચેમ્પિયનવ નિખિલ ચોપડાની આસપાસ ફરે છે. જ્યારે જાણવા મળે છે કે તેને એઇડ્સ છે તો તેની આખી જીંદગી બદલાઈ જાય છે. આ દરમિયાન તેની સાથે તેની બહેન અનામિકા (જૂહી ચાવલા) ઉભી રહે છે. આ ફિલ્મ સમલૈંગિક સંબંધોને પણ સામે લાવે છે.

    આ પણ વાંચોઃ લિગર મની લોન્ડરિંગ કેસ: EDએ 'લાઈગર' ફેમ વિજય દેવરકોંડાને સમન્સ પાઠવ્યું


    'ઝહીર' એઇડ્સના મુદ્દે કરે છે વાત


    છ અલગ-અલગ ડિરેક્ટર્સની 10 શોર્ટ ફિલ્મને મળાવીને બનેલી 'દર કહાનિયા'માં એક 'ઝહિર' એઇડ્સના મુદ્દા પર છે. તેને સંજય ગુપ્તાએ ડિરેક્ટ કરી છે. મુખ્ય ભૂમિકાઓમાં આપેલી મિર્ઝા અને મોજ વાજપેયી છે. તેમાં સિયા (દિયા મિર્ઝા)ની દોસ્તી પોતાના પાડોશી સાહિલ (મનોજ વાજપેયી)થી થઈ જાય છે. દોસ્તી વધવા પર સાહિલ સિયાની સાથે ફિઝીકલ થવા લાગે છે ત્યારે તેણી ઈન્કાર કરી દે છે. એક દિવસ સાહિલ પોતાના મિત્રની સાથે એક બારમાં જાય છે ત્યારે તેને ખબર પડે છે કે તેણી બાર ડાન્સર છે. ત્યારબાદ નશામાં ધુત સાહિલ તેણીનો બળાત્કાર કરે છે. પાછળથી તેને જાણ થાય છે કે સિયાને એઇડ્સ હોય છે.


    રૉન વુડરુફની સત્ય હકીકત છે 'ડેલાસ બાયર્સ ક્લબ'


    મેથ્યુ મેકકોય અને જેરેડ લેટોને 'ડેલાસ બાયર્સ ક્લબ' માટે બેસ્ટ એક્ટર અને બેસ્ટ સપોર્ટિંગ એક્ટરનો એકેડેમી એવોર્ડ 2014 મળ્યો. તે રૉન વુડ્રફની સત્ય ઘટના પર આધારિત હતી. તે એઇડ્સના દર્દીઓ અંગે લોકોમાં ફેલાયેલી ગેરસમજને શ્રેષ્ઠ રીતે દર્શાવે છે. એઇડ્સ પછી હોમોફોબિક પાત્રના જીવનમાં આવેલા ફેરફારોની આ સ્ટોરી છે.

    એઇડ્સ ગ્રસ્ત પિતા અને પુત્રની સ્ટોરી છે 'પોઝિટીવ'


    ફરહાન અખ્તરની 'પોઝિટિવ' એક એવા માણસની વાર્તા છે જેને ખબર પડે છે કે તેના પિતા ઘણા વર્ષોથી એઇડ્સથી પીડિત છે. સમય જતાં, તે તેના પિતાને તેની માતા સાથે દગો કરવા બદલ માફ કરે છે જેથી તેના મૃત્યુ પામેલા પિતા શાંતિથી મરી શકે. ફિલ્મમાં શબાના આઝમી અને બોમન ઈરાની પણ મહત્વની ભૂમિકામાં છે.


    ઐતિહાસિક છે ફિલ્મ 'પાર્ટિંગ ગ્લાંસેસ'


    પાર્ટિંગ ગ્લાંસેસ એઇડ્સ પર બનેલી ફિલ્મોની હિસ્ટ્રીમાં એક ખાસ જગ્યા બનાવી છે. 1984માં આવેલી ફિલ્મના ડિરેક્ટર બિલ શેરવુડે જ્યારે આ ફિલ્મ બનાવી ત્યારે તે પોતે પણ એઇડ્સ ગ્રસ્ત હતાં. શેરવુડ ત્યાર બાદ ફિલ્મ ના બનાવી શક્યા કારણકે, એઇડ્સના કારણે 1990માં તેમનું મૃત્યુ થઈ ગયું હતું. આ ફિલ્મ એક ગે-કપલના જીવનના 24 કલાક પર આધારિત છે.

    આ ફિલ્મની સૌથી મોટી ખાસિયત છે કે તેમાં એઇડ્સ જેવા જટિલ મુદ્દાને હસતાં-હસતાં રજૂ કર્યો છે.
    Published by:Hemal Vegda
    First published:

    Tags: AIDS, Bollywood બોલિવૂડ, World Aids Day, મનોરંજન

    विज्ञापन
    विज्ञापन