Anuradha Paudwal B'day: એક સમયે લતા મંગેશકર માટે બની ગઈ હતી ચેલેન્જ, એક નિર્ણયથી બદલાયુ કરિયર

મખમલી વોઈસની મલ્લિકા અનુરાધા પૌડવાલ આજે તેનો 66મો જન્મદિવસ ઉજવી રહી

મખમલી વોઈસની મલ્લિકા અનુરાધા પૌડવાલ આજે તેનો 66મો જન્મદિવસ (Anuradha Paudwal Birthday) ઉજવી રહી છે. તે તેના સમયની સૌથી લોકપ્રિય ગાયિકાઓ (Famous Singer)માંની એક છે.

  • Share this:
    મખમલી વોઈસની મલ્લિકા અનુરાધા પૌડવાલ આજે તેનો 66મો જન્મદિવસ (Anuradha Paudwal Birthday) ઉજવી રહી છે. તે તેના સમયની સૌથી લોકપ્રિય ગાયિકાઓ (Famous Singer)માંની એક છે. અનુરાધા પૌડવાલ (Anuradha Paudwal)નો અવાજ એટલો સરસ હતો કે તેની સરખામણી લતા મંગેશકર (Lata mangehkar) સાથે કરવામાં આવી. મોટા મોટા મ્યુઝિક ડાયરેક્ટર પણ તેમને તેમની ફિલ્મોમાં ગાવાનું કહેતા હતા. તેણે બોલિવૂડમાં પણ એકથી એક ચઢીયાતા ગીતો ગાયા છે. અનુરાધા પૌડવાલ તેની કારકિર્દીની ઉંચાઈ પર હતી અને એવું માનવામાં આવતું હતું કે, તે આવનારા સમયમાં સંગીત જગત પર રાજ કરશે.

    પ્રસિદ્ધ સંગીતકાર ઓ.પી. નય્યરે જ્યારે અનુરાધા પૌડવાલને સાંભળ્યા ત્યારે તેઓ તેનો અવાજ સાંભળીને દંગ રહી ગયા. ત્યારે તેમણે કહ્યું હતું કે, હવે લતા મંગેશકરનો યુગ ગયો. અનુરાધા પૌડવાલે તેમની જગ્યા લીધી છે. પરંતુ અનુરાધા પૌડવાલના એક નિર્ણયે તેમની આખી કારકિર્દી બદલી નાખી. તમને જણાવી દઈએ કે, અનુરાધા પૌડવાલે પહેલીવાર અમિતાભ બચ્ચનની ફિલ્મ 'અભિમાન'માં ગીત ગાયું હતું. આ ફિલ્મમાં તેણે એક શ્લોકા ગાયું હતું જે ખૂબ જ લોકપ્રિય બન્યું હતું. તેમના અવાજમાં એટલી મધુરતા હતી કે, બોલિવૂડ સિવાય ભક્તિ સંગીતના લોકો પણ તેમની પાસે આવવા લાગ્યા.

    અનુરાધા પૌડવાલ તેની કારકિર્દીમાં ઝડપથી આગળ વધી રહી હતી. એવું કહેવાય છે કે, દરેક સંગીતકાર માનતા હતા કે, તે સૌથી મોટી ગાયિકા બનવા જઈ રહી છે. T-Seriesના માલિક ગુલશન પણ મક્કમ હતા કે, તેઓ અનુરાધા પૌડવાલને આ જમાનાની લતા મંગેશકર બનાવશે. અનુરાધા પૌડવાલે ટી-સિરીઝ માટે ઘણા ગીતો ગાયા છે.

    આ પણ વાંચોમુંબઈમાં શાહરૂખ ખાનનું ઘર 'મન્નત' એક મોટો વારસો છે. જાણો SRK પહેલા અહીં કોણ રહેતું હતું?

    1990માં પતિનું અવસાન થયું

    અનુરાધા પૌડવાલના પતિનું 1990માં નિધન થયું હતું. પતિના અવસાન બાદ અનુરાધા પૌડવાલ સંપૂર્ણપણે ભાંગી પડી હતી. આ પછી તેણે કહ્યું કે તે માત્ર ટી સિરીઝ માટે જ ગીત ગાશે. આ નિર્ણય પછી લોકોએ તેની પાસે જવાનું બંધ કરી દીધું અને તે સંગીતની દુનિયાથી દૂર થઈ ગયા. આ પછી, મોટાભાગના અનુરાધા પૌડવાલે ભક્તિ ગીતો ગાવાનું શરૂ કર્યું. અનુરાધા પૌડવાલ કહેતી હતી કે તે આમાં આનંદ લે છે.
    Published by:kiran mehta
    First published: