Home /News /entertainment /

આશુતોષ રાણા B'Day : જ્યારે અભિનેતાનો લુક જોઈને લોકો દંગ રહી ગયા હતા, આ કૃત્યથી ડિરેક્ટરે ભગાડી દીધો હતો

આશુતોષ રાણા B'Day : જ્યારે અભિનેતાનો લુક જોઈને લોકો દંગ રહી ગયા હતા, આ કૃત્યથી ડિરેક્ટરે ભગાડી દીધો હતો

આશુતોષ રાણા જન્મદિવસ

આ ફિલ્મમાં લજ્જા શંકર પાંડેનું પાત્ર ભજવીને તે હિન્દી સિનેમાના એવા વિલન બન્યો, જેને જોઈને આજે પણ લોકોનો આત્મા કંપી જાય છે

    મુંબઈ: ફિલ્મો (Films)માં પોતાના અલગ-અલગ પાત્રો માટે જાણીતા આશુતોષ રાણા (Ashutosh Rana) 54 વર્ષના થઈ ગયા છે. તેમનો જન્મ (Birth) 10 નવેમ્બર, 1967ના રોજ નરસિંહપુર (મધ્યપ્રદેશ)માં થયો હતો. આશુતોષે 1995માં ટીવી શો 'સ્વાભિમાન' (Swabhiman)માં ત્યાગીના રોલથી પોતાના કરિયર (Career)ની શરૂઆત કરી હતી. જોકે, 1998માં આવેલી ફિલ્મ દુશ્મન (Dushman)માં તેમના દ્વારા ભજવવામાં આવેલા ગોકુલ પંડિત (Gokul Pandit)ના પાત્રથી તેમને ઓળખ મળી હતી. તે પછી આશુતોષે ક્યારેય પાછું વળીને જોયું નથી. સંઘર્ષ (Sangharsh) ફિલ્મમાં લજ્જા શંકર પાંડેનું પાત્ર ભજવીને તે હિન્દી સિનેમાના એવા વિલન બન્યો, જેને જોઈને આજે પણ લોકોનો આત્મા કંપી જાય છે. તેણે ઘણી સુપરહિટ ફિલ્મોમાં કામ કર્યું છે. આટલું જ નહીં તેણે બોલિવૂડ (Bollywood)ની સાથે સાઉથની ઘણી ફિલ્મોમાં પણ કામ કર્યું છે.

    આશુતોષ બાળપણમાં રામલીલામાં રાવણનું પાત્ર ભજવતો હતો. જો કે, તે અભિનેતા નહીં પણ વકીલ બનવા માંગતો હતો. તેમનો અભિનય જોયા પછી, તેના ગુરુજી, જેમને તેઓ દાદાજી કહેતા, તેમણે તેને અભિનેતા બનવાની સલાહ આપી.

    દાદાએ તેમને ગામ છોડતા પહેલા S અક્ષરથી શરૂ થતા તમામ પ્રોજેક્ટ પર સહી કરવાની સલાહ આપી હતી. તેણે નેશનલ સ્કૂલ ઓફ ડ્રામામાંથી એક્ટિંગનો કોર્સ કર્યો છે. પાસ આઉટ થયા બાદ તેને NSDમાં જ સારા પગારની નોકરીની ઓફર કરવામાં આવી હતી. જોકે, તેણે આ છોડીને ફિલ્મમાં અભિનયનો રસ્તો પસંદ કર્યો.

    આશુતોષની સિરિયલ સ્વાભિમાનનું નિર્દેશન મહેશ ભટ્ટે કર્યું હતું. આ સિરિયલમાં રોલ માટે તે મહેશ ભટ્ટની ઓફિસે જતો હતો. મહેશ ભટ્ટ સાથેની પહેલી મુલાકાતમાં તેમણે તેમના ચરણ સ્પર્શ કર્યા હતા. તેને આ વાત પસંદ ન આવી અને તેણે સિક્યોરિટી ગાર્ડને બોલાવીને સેટમાંથી બહાર કાઢ્યો.

    મહેશ ભટ્ટ તેમના પગને સ્પર્શ કરનારા લોકોને નફરત કરતા હતા. ભટ્ટે એક દિવસ પૂછ્યું કે તે આવું કેમ કરે છે. તેણે જવાબ આપ્યો કે આ તેના સંસ્કારો છે અને તે તેને છોડી શકતા નથી. આશુતોષની આ વાત સાંભળીને મહેશ ભટ્ટે તેને પોતાની સીરિયલમાં વિલનનો રોલ આપ્યો.

    જ્યારે આશુતોષ હૈદરાબાદમાં અક્ષય કુમાર સાથે ફિલ્મ બીસ્ટનું શૂટિંગ કરી રહ્યા હતા. એક દિવસ મહેશ ભટ્ટે તેમને ફોન કરીને કહ્યું- હું સંઘર્ષ ફિલ્મ બનાવી રહ્યો છું. તેમાં વિલનનું પાત્ર છે. તેમનાથી મોટો વિલન ક્યારેય થયો નથી. પણ હું તમને આ રોલ નહીં આપીશ. હું તે અન્ય અભિનેતાને આપીશ.

    મહેશ ભટ્ટની વાત સાંભળીને આશુતોષ સવારે પહેલી ફ્લાઈટ લઈને ચેમ્બુર પહોંચ્યો, જ્યાં મહેશ ભટ્ટ એક ફિલ્મનું શૂટિંગ કરી રહ્યા હતા. રાણાએ મહેશ ભટ્ટને કહ્યું કે કાં તો તમે મને કહો કે હું ખરાબ એક્ટર છું અથવા તમે મને આ રોલ આપવા માંગતા હોય એવા કોઈપણ એક્ટરનું અને મારુ ઑડિશન લઇ શકો છો. જો હું ઓડિશનમાં નિષ્ફળ જઈશ તો તમે મને કહો કે હું તમને આ રોલ માટે રિજેક્ટ કરું છું. રાણાની આ વાત સાંભળીને મહેશ ભટ્ટ હસવા લાગ્યા.

    ત્યારે મહેશ ભટ્ટે આશુતોષ રાણાને કહ્યું કે હકીકતમાં હું તમને ઘણા સમયથી મળ્યો નથી અને હું મળવા માંગતો હતો, તેથી મેં તમને ફોન પર આ વાત કહી. આ રોલ માટે રાણા ભટ્ટના મગજમાં પહેલેથી જ બેસી ગયો હતો. તે જાણતો હતો કે આ પાત્ર તેના કરતાં વધુ સારી રીતે બીજું કોઈ ભજવી શકે તેમ નથી.

    આ પણ વાંચોસાઉથની ફિલ્મોના 9 કોમેડિયન્સ વિશે રસપ્રદ માહિતી, જેમની એક્ટિંગ સામે હીરો પણ નથી ટકી શકતા

    વર્ક ફ્રન્ટની વાત કરીએ તો આશુતોષે 1996માં આવેલી ફિલ્મ મોડિફિકેશનથી તેની કારકિર્દીની શરૂઆત કરી હતી. તે હાસિલ, દુશ્મન, ઝખ્મ, સંઘર્ષ, કુસૂર, ગુનાહ, કર્જ, એલઓસી કારગિલ, હમ્પ્ટી શર્મા કી દુલ્હનિયા, ડર્ટી પોલિટિક્સ, બ્રધર્સ અને મુલ્ક જેવી ફિલ્મોમાં જોવા મળ્યો હતો. તેની આગામી ફિલ્મો શમશેરા, હંગામા 2, પાગલત અને પૃથ્વીરાજ છે.
    Published by:kiran mehta
    First published:

    Tags: Birthday Special, Birthday જન્મદિવસ, Bollywood Interesting story, Celebrities Birthday

    विज्ञापन

    विज्ञापन

    આગામી સમાચાર

    विज्ञापन
    विज्ञापन