Birth Anniversary: વીમા કંપનીનાં કર્મચારીથી બોલિવૂડ સુધી, આવી હતી અમરીશ પુરીની જીવન સફર

આજે બોલીવુડના 'મોગામ્બો' એટલે કે અમરીશ પુરીની જન્મજયંતિ છે. પોતાના ઊંચા કદ, ખતરનાક અવાજ અને મજબૂત વ્યક્તિત્વ દ્વારા વર્ષોથી ફિલ્મ પ્રેમીઓના દિલમાં ધાક પેદા કરનાર અભિનેતાની યાદ આજે પણ આપણા હૃદયમાં જીવંત છે. કેટલાક લોકો હજી પણ માને છે કે અમરીશ પુરી બોલિવૂડના અત્યાર સુધીના સૌથી ખતરનાક વિલન હતા. તેમના જેવું આજ સુધી કોઈ આવ્યું નથી. આજે તેમની જન્મજયંતિ નિમિત્તે જાણીશું કેટલીક વિશેષ બાબતો...

આ પણ વાંચો- Taarak Mehta: નટુકાકાને કેન્સરનો ઊથલો, કિમોથેરપીની વચ્ચે સિરિયલનું શૂટિંગ પણ કર્યું



સિમરનના 'બાબુજી' અથવા મિસ્ટર ઈન્ડિયાના 'મોગામ્બો' તરીકે અમરીશ પુરીએ તેમના જીવનમાં ઘણી યાદગાર ભૂમિકાઓ ભજવી હતી. અમરીશ પુરી એક એવું વ્યક્તિત્વ હતું, જેની સામે ફિલ્મોના હીરોનું પાત્ર પણ નાનું લાગતું હતું. તેમને બોલિવૂડના સૌથી મોટા વિલન તરીકે ઓળખવામાં આવતા હતા. શું તમે જાણો છો કે અમરીશ પુરીએ બોલીવુડમાં જોડાતા પહેલાં તેમના જીવનના લગભગ બે દાયકા વીમા કંપનીને આપ્યા હતા. તેમણે બે દાયકા સુધી વીમા કંપનીમાં કર્મચારી તરીકે કામ કર્યું હતું.

આ પણ વાંચો- કપિલ શર્માએ ફેન્સની ભારે ડિમાન્ડ કરી પૂર્ણ, બંને બાળકો અનાયરા અને ત્રિશાનની તસવીર કરી શેર

અમરીશ પુરીએ બોલીવુડમાં આવવા અને તેની અભિનય પ્રેમને પામવા માટે 21 વર્ષની નોકરી છોડી દીધી હતી. તેઓ લાંબા સમયથી થિયેટરના શોખીન હતા, પરંતુ તેમને કોઈ ખાસ તક મળી નહોતી. ત્યારે એક સમય એવો પણ આવ્યો જ્યારે તેમને એક નાટક મળ્યું અને તે એક પ્રખ્યાત થિયેટર કલાકાર તરીકે ઓળખ પામ્યા. વર્ષ 1961માં અમરીશ પુરીએ ઘણા નાટકોમાં કામ કર્યું. થિયેટરમાં ઘણું કામ અને નામ કમાયા પછી પણ અમરીશ પુરીને બોલિવૂડમાં કામ ન મળ્યું.

આ પછી સત્યદેવ દુબે તેમના જીવનમાં આવ્યા. સત્યદેવ દુબે તે યુગના મહાન અભિનેતા, લેખક અને દિગ્દર્શક હતા. તેમણે નાની ઉંમરે એટલું બધું હાંસલ કરી લીધું હતું કે દરેક જણ તેમની પ્રશંસા કરતા થાકતા નથી. સત્યદેવ દુબે અમરીશ પુરી કરતા ઘણા મોટા હતા, છતાં અમરીશ પુરી સત્યદેવ દુબેને પોતાના ગુરુ માનતા હતા. વર્ષ 1971માં ફિલ્મ 'રેશ્મા ઔર શેરા'માં અમરીશ પુરીના અભિનયની ખૂબ પ્રશંસા કરવામાં આવી હતી. જે બાદ અમરીશ પુરીએ ક્યારેય પાછળ ફરીને જોયું નહીં. 400 ફિલ્મોમાં કામ કરનાર અમરીશ પુરી હજી તેમના યાદગાર પાત્રો માટે યાદ છે.