Biggest Controversies of 2022: રણવીર સિંહના ન્યૂડ ફોટોશૂટથી લઈને લલિત મોદી-સુસ્મિતા સેનનું ઇલુ-ઇલુ, જાણો બોલિવૂડના તમામ વિવાદ

Biggest Controversies of 2022: વર્ષ 2022નો આજે છેલ્લો દિવસ છે. ત્યારે આવનારું વર્ષ બોલિવૂડ માટે શુભદાયક બને તેવી આશા રાખીએ. બોલિવૂડની ફિલ્મો માટે આ વર્ષ ખૂબ જ કપરું હતું. માત્ર ગણતરીની ફિલ્મો જ બોક્સ ઓફિસ પર જાદુ પાથરી શકી હતી. તો કેટલીક બોલિવૂડ ફિલ્મોને વિરોધનો સામનો કરવો પડ્યો હતો. માત્ર બોલિવૂડ ઇન્ડસ્ટ્રી જ નહીં, ઘણી હસ્તીઓ પણ વિવાદોનો ભાગ રહી છે. રણવીર સિંહના નગ્ન ફોટોશૂટથી લઈને મની લોન્ડરિંગ કેસમાં અભિનેત્રી જેકલીન ફર્નાન્ડીસનું નામ આવવા સુધી. ફિલ્મો સિવાય બોલિવૂડ જગતમાં ઘણું બધું ચાલી રહ્યું છે. આવો આ વર્ષના સૌથી મોટા વિવાદ પર એક નજર કરીએ...

રણવીર સિંહનું ન્યૂડ ફોટોશૂટ

જુલાઈ મહિનામાં ઉનાળો બરાબર જામ્યો હતો અને રણવીર સિંહે આંતરરાષ્ટ્રીય મેગેઝિન માટે નગ્ન ફોટોશૂટ કરાવી તાપમાન વધાર્યુ હતું. તેણે કલ્પના પણ નહોતી કરી કે તેની સામે પોલીસ ફરિયાદ થશે. અભિનેતા વિદ્યા બાલન, મસાબા ગુપ્તા, નકુલ મહેતા અને ફિલ્મ નિર્માતા અનુરાગ કશ્યપ જેવી ઘણી હસ્તીઓએ તેમની આ કામ બદલ પ્રશંસા પણ કરી હતી. ત્યારે મુંબઈ સ્થિત એક NGOએ મહિલાઓની લાગણીઓને ઠેસ પહોંચાડવા બદલ તેમની વિરુદ્ધ FIR દાખલ કરવાની માંગ કરી હતી.

આ પણ વાંચોઃ જાણો સૌથી પહેલા અને ક્યાં સૌથી છેલ્લે ન્યૂયર પાર્ટી થાય છે

લલિત મોદીએ સુષ્મિતા સેન માટે પ્રેમ જાહેર કર્યો

ભૂતપૂર્વ IPL અધ્યક્ષે લલિતે અચાનક જુલાઈમાં લોકોનું ધ્યાન ખેંચ્યું હતું. કારણ કે તેમણે સુષ્મિતા સેન સાથે મૉલદિવ્ઝ વેકેશનના રોમેન્ટિક પિક સાથે પ્રેમ જાહેર કર્યો હતો. તેમણે સુષ્મિતા સેનને 'બેટર હાફ' કહી હતી. કારણ કે, 2018માં પત્નીના મૃત્યુ પછી 'નવી શરૂઆત અને નવી જિંદગી' વિશે લખ્યું હતું. તેમણે ઉમેર્યું હતુ કે, ‘પરણ્યા નથી, ફક્ત એકબીજાને ડેટ કરી રહ્યા છીએ. તે પણ એક દિવસ થશે.’ અભિનેતાએ આ મામલે કંઈ પણ કહેવાની ના કહી હતી. ત્યારબાદ થોડા અઠવાડિયા પછી લલિતે પણ તેની ઇન્સ્ટાગ્રામ પ્રોફાઇલ તસવીરને સુષ્મિતા સાથેના ફોટોમાંથી બદલીને સોલો કરી દીધી હતી. નોંધનીય છે કે, બંનેએ આ વર્ષે સૌથી વધુ ગૂગલ કરવામાં આવેલા લોકોમાં પણ સ્થાન મેળવ્યું છે.

200 કરોડના મની લોન્ડરિંગ કેસમાં જેકલીન ફર્નાન્ડીસનું નામ

જેકલીન ફર્નાન્જિસનું નામ 200 કરોડના મની લોન્ડરિંગ કેસમાં આરોપી તરીકે આપવામાં આવ્યું હતું. તેમાં કોનમેન સુકેશ ચંદ્રશેખર સામેલ હતા. તે નિયમિતપણે એન્ફોર્સમેન્ટ ડિરેક્ટોરેટની સામે પૂછપરછ માટે હાજર રહે છે અને તેને વિદેશ જવાની મંજૂરી નથી. EDની અગાઉની ચાર્જશીટ મુજબ, તે અને અભિનેતા-ડાન્સર નોરા ફતેહીને સુકેશ પાસેથી કરોડોની કિંમતની મોંઘી ભેટ મળી હતી. આ કેસમાં સાક્ષી તરીકે નામ ધરાવતી નોરાએ દિલ્હીની કોર્ટમાં જેક્લીન સામે માનહાનિનો દાવો દાખલ કર્યો હોવાથી બાબતો વધુ ગૂંચવાઈ ગઈ હતી.

આ પણ વાંચોઃ ન્યૂઝીલેન્ડના ઓકલેન્ડમાં આતશબાજી સાથે નવા વર્ષનું સ્વાગત

‘બિગ બોસ 16’માં સાજિદ ખાનની એન્ટ્રી

લોકો હજુ સુધી MeToo ચળવળને ભૂલી શક્યા નથી, જેમાં હાઉસફુલના ડાયરેક્ટર સાજિદ ખાન પણ જાતીય શોષણ કરનારા લોકોની યાદીમાં સૌથી મોટા નામોમાં સામેલ હતા. ઘણાં કલાકારોએ તેમના પર છેડતીનો અને જાતીય સંબંધ બાંધવા માટે પૂછવાનો આરોપ લગાવ્યો હતો. તેમની સહભાગિતા પર અનેક વાંધાઓ ઉઠાવવા છતાં ચેનલે તેમની હકાલપટ્ટીની માંગણીઓ પર કોઈ ધ્યાન આપ્યું ન હતું. સાજિદ ઘરમાં નોમિનેશનથી સુરક્ષિત રહેતો હોવાથી આશ્ચર્ય થવું જોઈએ કે શું તે શો જીતી જશે!

અજય દેવગણ અને કિચ્ચા સુદીપ વચ્ચે વિવાદ

સાઉથ સ્ટાર કિચ્ચા સુદીપે એપ્રિલમાં એક કાર્યક્રમમાં તેમના નિવેદન સાથે હોર્નેટના માળામાં હિટ કર્યું હતું કે, ‘હિન્દી હવે રાષ્ટ્રભાષા નથી અને બોલિવૂડ સંઘર્ષ કરી રહ્યું છે. તેથી તેઓ સમગ્ર ભારતમાં ફિલ્મો બનાવી રહ્યા છે’. તેમના નિવેદન પર વાંધો ઉઠાવતા અજયે તેમને ટ્વિટર પર હિન્દીમાં પૂછ્યું, 'જો હિન્દી આપણી રાષ્ટ્રભાષા નથી તો તમે તમારી ફિલ્મોને હિન્દીમાં કેમ ડબ કરો છો?' જો કે, સુદીપે શાંતિ પસંદ કરી અને કહ્યું કે તેનું નિવેદન સંદર્ભની બહાર લેવામાં આવ્યું છે. પરંતુ તેણે અજયને પૂછ્યું કે, શું તે તેનો જવાબ સમજી શક્યો હોત જો તેણે તેને કન્નડમાં ટાઇપ કર્યો હોત. સુદીપે ટ્વીટ કર્યું, ‘શું આપણે પણ ભારતના નથી, સર.’

સોશિયલ મીડિાયમાં ‘લાલ સિંહ ચઢ્ઢા’ બોયકોટ થઈ

આમિર ખાનની ‘લાલ સિંહ ચઢ્ઢા’ આ વર્ષની બહુ અપેક્ષિત ફિલ્મોમાંની એક હતી, પરંતુ સકારાત્મકથી મિશ્ર સમીક્ષાઓ હોવા છતાં ફિલ્મ બોક્સ ઓફિસ પર અપેક્ષિત કલેક્શન લાવી શકી નથી. રિલીઝ ડેટ વખતે ટ્વિટર પર #BoycottLaalSinghCaddha ટ્રેન્ડ કરતું હતું. ઘણો ખરો શ્રેય તેને જાય છે. કેટલાક ટ્વિટર યુઝર્સે 2015થી આમિરના ‘ભારતની વધતી અસહિષ્ણુતા’ના નિવેદનની સાથે તેની પૂર્વ પત્ની કિરણ રાવના તેમના બાળકની સુરક્ષા માટે દેશ છોડવા અંગેના જૂના નિવેદનને ટાંક્યું હતું. કો-સ્ટાર કરીના કપૂરનો જૂનો વીડિયો જેમાં તેણે કહ્યું હતું કે ‘તે ટ્રોલ્સની પરવા નથી કરતી’ તે પણ વાયરલ થયો હતો.

દીપિકા પાદુકોણનો ‘બેશરમ રંગ’

બોલિવૂડ માટે 2022નું વર્ષ નીરસ વર્ષ હતું, જેમાં માત્ર થોડાં જ એક્ટર્સ બ્લોકબસ્ટર હતા. પરંતુ અભિનેતા શાહરૂખ ખાન અને દીપિકા પાદુકોણે તેમની આગામી ફિલ્મ ‘પઠાણ’ના પ્રથમ ગીત ‘બેશરમ રંગ’ના રિલીઝ સાથે વિવાદોમાં સપડાયા હતા. કેટલાક રાજકીય નેતાઓએ ગીતમાં દીપિકા દ્વારા પહેરવામાં આવેલી કેસરી બિકિનીના રંગ પર વાંધો ઉઠાવ્યો હતો. ઘણા લોકોએ ફિલ્મ પર પ્રતિબંધ મૂકવાની માગ કરી હતી. મધ્યપ્રદેશના ગૃહમંત્રી નરોત્તમ મિશ્રાએ કહ્યું કે, ‘તેને ગંદી માનસિકતાથી શૂટ કરવામાં આવ્યું છે.’ તો અયોધ્યાના એક મંદિરના મુખ્ય પૂજારીએ તો ત્યાં સુધી કહ્યું કે, તે શાહરૂખને જીવતો સળગાવી દેશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bollywod, Bollywood affairs, Bollywood Celebrities, Bollywood Gossip, Bollywood News in Gujarati, Bollywood બોલિવૂડ