Bangladesh Iskcon Temple attack : બાંગ્લાદેશમાં ઈસ્કોન મંદિર પર હુમલો, 150 લોકોના ટોળાએ કરી તોડફોડ

Bangladesh Iskcon Temple attack: ગુરુવારે, હોળી (Holi) ના એક દિવસ પહેલા, બાંગ્લાદેશ (Bangladesh) ની રાજધાની ઢાકા (Dhaka) સ્થિત ઇસ્કોન મંદિર (Iskcon Temple) માં હુમલો થયો હતો. મળતી માહિતી મુજબ લગભગ 150 લોકોનું ટોળું મંદિરમાં ઘૂસી ગયું હતું અને તોડફોડ કરી હતી. આ સાથે ત્યાં લૂંટફાટ પણ કરવામાં આવી છે. આ હુમલામાં અનેક લોકો ઘાયલ થયા હોવાના પણ અહેવાલ છે. જણાવવામાં આવી રહ્યું છે કે, આ હુમલો ઢાકાના રાધાકાંતા મંદિરમાં થયો હતો, જે ઈસ્કોનનો ભાગ છે.

બાંગ્લાદેશમાં હિન્દુ સમુદાય માટે કામ કરતી સંસ્થાએ પોતાના ટ્વિટર એકાઉન્ટ પર આ હુમલાની કેટલીક તસવીરો અને માહિતી શેર કરી છે. આ તસવીરોમાં જોઈ શકાય છે કે, મંદિરની એક દિવાલ તોડી પાડવામાં આવી છે. આ સાથે ત્યાંથી માલ-સામાનની પણ લૂંટ થઈ છે.



જેમાં જણાવવામાં આવ્યું છે કે, દર્શન કરવા આવેલા ભક્તોએ પોલીસને પણ હુમલાની જાણ કરી હતી પરંતુ પોલીસે કોઈ કાર્યવાહી કરી નથી. આ પહેલા પણ બાંગ્લાદેશમાં મંદિરોને નિશાન બનાવવામાં આવ્યા છે.

આ પણ વાંચો - OICએ હુર્રિયત કોન્ફરન્સને પાકિસ્તાનમાં બેઠક માટે આમંત્રણ આપ્યું, ભારતે કહ્યું-અમે આ પ્રવૃત્તિને ગંભીરતાથી લઇશું

ગયા વર્ષે ઓક્ટોબરમાં, ચૌમુની સ્થિત ઇસ્કોનના શ્રી શ્રી રાધાકૃષ્ણ ગૌરા નિત્યાનંદ જ્યુ મંદિર પર પણ ટોળા દ્વારા હુમલો કરવામાં આવ્યો હતો અને તોડફોડ કરવામાં આવી હતી. આ હુમલામાં 6થી વધુ લોકોના મોત થયા હોવાના અહેવાલ પણ છે. આ સાથે અન્ય ઘણા શહેરોમાં મંદિરો પર પણ હુમલા કરવામાં આવ્યા હતા.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: India vs Bangladesh, ISKCON, Iskcon temple, World news, World News in gujarati