ઉર્ફી જાવેદને બળાત્કાર અને હત્યાની ધમકી આપનારની ધરપકડ, વોટ્સએપ કોલ પર અશ્લીલ મેસેજ કરતો

મુંબઈ : સોશિયલ મીડિયા સ્ટાર ઉર્ફી જાવેદને વારંવાર મારી નાખવાની અને બળાત્કારની ધમકી આપવા બદલ મુંબઈ પોલીસે એક યુવકની ધરપકડ કરી છે. આ અંગે ઉર્ફી જાવેદે ગોરેગાંવ પોલીસ સ્ટેશનમાં ફરિયાદ નોંધાવી હતી. આ પછી પોલીસે બિહારના પટનાથી નવીન ગિરી નામના યુવકની ધરપકડ કરી હતી. ઉર્ફીએ જણાવ્યું હતું કે આરોપી વોટ્સએપ કોલ પર અશ્લીલ ભાષાનો ઉપયોગ કરીને સતત ધમકી આપી રહ્યો છે. ઉર્ફીએ જણાવ્યું હતું કે આરોપી યુવક તેની ફેશન સ્ટાઈલ સામે પણ વાંધો ઉઠાવી રહ્યો હતો.

આ મામલામાં પોલીસ અધિકારીએ કહ્યું કે ટેકનિકલ તપાસ બાદ જાણવા મળ્યું કે પટના શહેરના નવીન ગિરી ધમકી આપી રહ્યા હતા. આ પછી મુંબઈ પોલીસ પટના પહોંચી અને તેની ધરપકડ કરી. પોલીસ અધિકારીએ જણાવ્યું કે પટના કોતવાલી પોલીસની મદદથી આરોપી નવીન ગિરીને એક હોટલમાંથી પકડીને મુંબઈ લાવવામાં આવ્યો હતો. તેની પૂછપરછ ચાલી રહી છે.

આ પણ વાંચો : 'તારે જમીન પર' ફિલ્મે બધાને સ્તબ્ધ કરી દીધા હતા... Dyslexia પર બનેલી ફિલ્મ જોઈને વિદેશીઓ પણ રડી પડેલા!

બીજી તરફ ઉર્ફીએ ઈન્સ્ટાગ્રામ પર જણાવ્યું હતું કે નવીન ત્રણ વર્ષ પહેલા તેનો બ્રોકર હતો અને તેની પાસે તેનો ફોન નંબર પણ હતો. હવે અચાનક તેણે તે નંબર પર મેસેજ મોકલીને ધમકી આપવાનું શરૂ કર્યું. નવીન તે નંબર પર ફોન કરીને બળાત્કાર અને જાનથી મારી નાખવાની ધમકી પણ આપતો હતો. ઉર્ફીએ તેની ફરિયાદ સાથે કોલ રેકોર્ડિંગ પણ પોલીસને સોંપ્યું હતું.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Case, Urfi javed bold, Urfi Javed controversy, Urfi jawed