Home /News /entertainment /

અજય દેવગણના ભાઈ અનિલ દેવગણનું નિધન, અભિનેતાએ સોશિયલ મીડિયા પર મૂકી ભાવુક પોસ્ટ

અજય દેવગણના ભાઈ અનિલ દેવગણનું નિધન, અભિનેતાએ સોશિયલ મીડિયા પર મૂકી ભાવુક પોસ્ટ

અજય અને અનિલ દેવગણ

અભિનેતા અજય દેવગણ (Ajay Devgn)ના ભાઈ અનિલ દેવગણ (Anil Devgan)નું નિધન થયું છે. ખુદ અજય દેવગણે સોશિયલ મીડિયા પર પોસ્ટ મૂકીને આ વાતની પુષ્ટિ કરી છે.

    મુંબઈ: બોલિવૂડ અભિનેતા અજય દેવગણ (Ajay Devgn)ના ભાઈ અનિલ દેવગણ (Anil Devgan) તમાને આંચકો આપીને દુનિયાને અલવિદા કહી ગયા છે. પોતાના ભાઈના નિધનના સમાચાર ખુદ અજય દેવગણે સોશિયલ મીડિયા (Social Media)ના માધ્યમથી આપ્યા છે. અજય દેવગણે પોતાના સોશિયલ મીડિયા પર ભાઈ અનિલ દેવગણની એક તસવીર મૂકીને ખૂબ જ લાગણીસભર સંદેશ લખ્યો છે. જોકે, આ પોસ્ટમાં અજય દેવગણના ભાઈના મોતનાં કારણ અંગે લખવામાં આવ્યું નથી. આ પોસ્ટ પર ફેન્સ અને સિલિબ્રિટી વિવિધ પ્રતિક્રિયા આપી રહ્યા છે. તમામ લોકો દુઃખની લાગણી વ્યક્ત કરતાની સાથે સાથે અનિલ દેવગણની આત્માની શાંતિ માટે પ્રાર્થના કરી રહ્યા છે.

    અજય દેવગણે પોતાના અધિકારિક ફેસબુક અને ટ્વિટર એકાઉન્ટ પર ભાઈ અનિલ દેવગણની એક તસવીર મૂકી છે. આ તસવીર સાથે અજય દેવગણે લખ્યું છે કે, "મેં ગત રાત્રે મારા ભાઈને ગુમાવો દીધો છે. તેમના અચાનક જવાથી અમારો પરિવાર તૂટીને રહી જશે. ADFF અને હું તેમને ખૂબ યાદ કરીશું. તેમની આત્માની શાંતિ માટે પ્રાર્થના કરો." સાથે જ અજય દેવગણે માહિતી આપી છે કે, "કોરોના મહામારીને કારણે અમે પ્રાર્થના સભાનું આયોજન નથી કરી રહ્યા."

    નીચે જુઓ અજય દેવગણે સોશિયલ મીડિયા પર મૂકેલી પોસ્ટ-

    અજય દેવગણે સોશિયલ મીડિયા પર મૂકેલી તસવીર પર લોકો પોતાનો પ્રતિભાવ આપી રહ્યા છે, તમામ લોકો અનિલ દેવગણના નિધનથી આઘાતમાં નજરે પડી રહ્યા છે. અનેક હસ્તીઓએ અનિલ દેવગણને યાદ કરીને દુઃખ વ્યક્ત કર્યું છે.

    આ પણ વાંચો: સ્કૂલ સંચાલકોની દાદાગીરી સામે DEOનું કડક વલણ, વાલીઓને ફી ભરવા દબાણ કરશો તો થશે કાર્યવાહી

    અનિલ દેવગણનું નિધન બોલિવૂડ માટે ખરેખર મોટો ઝટકો છે. નોંધનીય છે કે અનિલ દેવગણે બોલિવૂડની અનેક પ્રસિદ્ધ ફિલ્મનું દિગ્દર્શન કર્યું છે. અનિલ દેવગણે 'રાજૂ ચાચા', 'બ્લેકમેલ' અને 'હાલ-એ-દિલ' જેવી ફિલ્મના દિગ્દર્શન માટે ઓળખવામાં આવે છે. તેઓ અજય દેવગણની ફિલ્મ 'સન ઑફ સરદાર'ના ક્રિએટિવ દિગ્દર્શક હતા.
    Published by:Vinod Zankhaliya
    First published:

    Tags: Movie, અજય દેવગન, બોલીવુડ, મુંબઇ

    विज्ञापन

    विज्ञापन

    આગામી સમાચાર

    विज्ञापन
    विज्ञापन