Amitabh Bachachan: મહાનાયક અમિતાભ બચ્ચન એક્શન સીન કરતાં થયા ઘાયલ, પાંસળીમાં થઇ ઇજા

Amitabh Bachachan Injured: મેગાસ્ટાર અમિતાભ બચ્ચનના ફેન્સ માટે માઠા સમાચાર છે. હૈદરાબાદમાં એક ફિલ્મના શૂટિંગ દરમિયાન બિગ બી ગંભીર રીતે ઘાયલ થયા હતા. આ ઘટના ત્યારે બની જ્યારે અમિતાભ ફિલ્મ 'પ્રોજેક્ટ કે' માટે એક્શન સિક્વન્સનું શૂટિંગ કરી રહ્યા હતા.

દુર્ઘટના બાદ ફિલ્મનું શૂટિંગ રોકી દેવામાં આવ્યું હતું. હૈદરાબાદમાં સારવાર લીધા બાદ એક્ટર મુંબઈમાં પોતાના ઘરે પરત ફર્યા છે. જે બાદ ફિલ્મનું શૂટિંગ હાલ પુરતું અટકાવી દેવામાં આવ્યું છે. સિનિયર બચ્ચને એક બ્લોગ લખીને આ માહિતી આપી હતી.

આ પણ વાંચો: 'તમે તો સની દેઓલ જેવા લાગો છો', અસલી તારા સિંહને જોઇને ચકરાવે ચડ્યો ખેડૂત, જોવા જેવો છે આ મજેદાર Video

પાંસળીની ઇજા

આ અકસ્માત અંગે અમિતાભ બચ્ચને માહિતી આપી છે. અભિનેતાએ જણાવ્યું કે હૈદરાબાદમાં પ્રોજેક્ટ 'કે'ના શૂટિંગ દરમિયાન તેને ઈજા થઈ હતી. આ ઘટના એક્શન શોટ દરમિયાન બની હતી. અમિતાભને પાંસળીમાં ઈજા થઈ છે.

અમિતાભ બચ્ચને પોતાના બ્લોગમાં જણાવ્યું છે કે તેમને પાંસળીમાં ઈજા થઈ છે. તેણે લખ્યું, "હું હૈદરાબાદમાં પ્રોજેક્ટ કે માટે એક એક્શન સીન શૂટ કરતી વખતે ઘાયલ થયો હતો...શૂટિંગ કેન્સલ કરવામાં આવ્યું છે...ડોક્ટરોએ ચેકઅપ કર્યુ અને હૈદરાબાદની AIG હોસ્પિટલમાં સીટી સ્કેન કર્યું અને ઘરે પાછો આવી ગયો છું. સ્ટ્રેપિંગ કરવામાં આવી રહ્યું છે અને અન્ય વસ્તુઓ કહેવામાં આવી રહી છે… હા ખૂબ પીડા થઇ હતી. હલનચલન અને શ્વાસ લેવામાં પણ.

સ્વસ્થ થવામાં થોડો સમય લાગશે

અમિતાભ બચ્ચને કહ્યું છે કે તેને સાજા થવામાં થોડા અઠવાડિયા લાગશે. તેમને દુખાવાની દવા આપવામાં આવી છે. તેણે લખ્યું, "તેથી જે પણ કામ કરવાનું હતું તેને હું સાજો ન થાય ત્યાં સુધી રોકી દેવામાં આવ્યું છે અને કેન્સલ કરવામાં આવ્યું છે... હું જલસામાં આરામ લઉં છું અને જરૂર પડે ત્યારે જ ચાલુ-ફરું છું... પણ હા હું આરામ કરું છું અને મોટાભાગે સૂઈ રહું છું."



આ પણ વાંચો:  Priyanka Chahar Choudhary: રેડ સાડીમાં ટીવીની સંસ્કારી વહુનો કિલર અંદાજ, વારંવાર સરકવા લાગ્યો પાલવ

બિગ બી ફેન્સ મળી શકશે નહીં

પોતાના બ્લોગમાં તેણે એ પણ માહિતી આપી હતી કે તે તેના ફેન્સને મળી શકશે નહીં. તેમનો બ્લોગ તારીખ 4 અને 5 માર્ચ છે. તેમણે લખ્યું છે કે, “આજે સાંજે જલસા ગેટ પર મારા ફેન્સને મળવું મુશ્કેલ હશે અથવા મારે એમ કહેવું જોઈએ કે હું તેમને મળી શકીશ નહીં. એટલા માટે આવતા નહીં. અને જે લોકો આવવા માંગે છે તેમને કહો….બાકી બધુ બરાબર છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Aamitabh Bachchan, Amitabh Bachchan Photos, Amitabh Bachhan, Bollywood Latest News