મુંબઈની અંધેરીમાં અમિતાભ બચ્ચને ખરિદ્યું નવું ઘર, જાણી લો તેની કિંમત

મુંબઈની અંધેરીમાં અમિતાભ બચ્ચને ખરિદ્યું નવું ઘર, જાણી લો તેની કિંમત
અમિતાભ બચ્ચન

31 માર્ચ 2021 બાદ મહારાષ્ટ્ર સરકારે મિલકત રજિસ્ટ્રેશન પર છૂટ ન આપવાનો નિર્ણય કર્યો. નાણાકીય વર્ષ 2021-22 માટે સતત રેડી રેકનર રેટ્સ રાખવાનો નિર્ણય કર્યો.

  • Share this:
    એન્ટરટેઇનમેન્ટ ડેસ્ક: બોલિવૂડ અભિનેતા અમિતાભ બચ્ચને મુંબઈની અંધેરીના સુબુર્બમાં રૂ. 31 કરોડમાં ડુપ્લેક્ષ એપાર્ટમેન્ટ ખરીદ્યું છે. એટ્લાંટિસમાં 5,184 સ્ક્વેર ફૂટના આ ડુપ્લેક્ષને ડિસેમ્બરમાં અંતિમ રૂપ આપવામાં આવ્યું હતું અને હાલમાં જ તેનું રજિસ્ટ્રેશન કરવામાં આવ્યું છે. મહારાષ્ટ્ર સરકાર દ્વારા 31 માર્ચ 2021 સુધીમાં 2 ટકા સ્ટેમ્પ ડ્યુટી છૂટની જાહેરાતનો બોલીવુડ અભિનેતાએ લાભ ઉઠાવ્યો છે. રૂ. 31 કરોડના આ ઘર પર 2% સ્ટેમ્પ ડ્યુટી છૂટના કારણે તેમને 62 લાખ ચૂકવવા નથી પડ્યા. આ ડુપ્લેક્ષ 27 અને 28માં માળ પર આવેલ છે અને 6 કાર પાર્કિંગની સુવિધા છે.

    મની કંટ્રોલના રિપોર્ટ અનુસાર જે વિસ્તારમાં ડુપ્લેક્ષ આવેલ છે, ત્યાં પ્રતિ સ્ક્વેર ફૂટનો ભાવ રૂ. 60,000 છે.



    કોવિડ-19ના કારણે લક્ઝરી એપાર્મેન્ટના વેચાણને પ્રોત્સાહન મળી રહ્યું છે. અનેક સેલિબ્રિટીઝ, બિઝનેસમેન અને પ્રોફેશનલ્સે આ બાબતનો લાભ લીધો છે. કોવિડ-19ના કારણે કિંમતોમાં સુધાર થતા અને સ્ટેમ્પ ડ્યુટીની છૂટના કારણે લક્ઝરી એપાર્ટમેન્ટની સરળતાથી ખરીદી કરી શકાય છે.

    26 ઓગસ્ટે મહારાષ્ટ્ર સરકારે 31 ડિસેમ્બર 2020 સુધીમાં હાઉસિંગ રિઅલ એસ્ટેટમાં સ્ટેમ્પ ડ્યુટી 5% થી ઘટાડીને 2% કરવાની જાહેરાત કરી હતી. રિઅલ એસ્ટેટ માર્કેટને પ્રોત્સાહન આપવા માટે આ નિર્ણય લેવામાં આવ્યો હતો. 1 જાન્યુઆરી 2021થી 31 માર્ચ 2021 સુધીમાં સ્ટેમ્પ ડ્યુટી 3% રહી.

    31 માર્ચ 2021 બાદ મહારાષ્ટ્ર સરકારે મિલકત રજિસ્ટ્રેશન પર છૂટ ન આપવાનો નિર્ણય કર્યો. નાણાકીય વર્ષ 2021-22 માટે સતત રેડી રેકનર રેટ્સ રાખવાનો નિર્ણય કર્યો.

    અમિતાભ બચ્ચનની સાથે અભિનેત્રી સની લિયોન, બોલીવુડ ડિરેક્ટર અને પ્રોડ્યુસર આનંદ.એલ. રાય સહિત અનેક સેલિબ્રિટીઝે આ સ્ટેમ્પ ડ્યુટી છૂટનો લાભ લીધો છે.

    આ જ પ્રોજેક્ટ હેઠળ 12 માળ પર સની લિયોને એક એપાર્ટમેન્ટ રજિસ્ટર કરાવ્યો હતો. સની લિયોને આ એપાર્ટમેન્ટ માટે 28 માર્ચના રોજ રૂ. 16 કરોડ આપ્યા હતા.

    ‘તનુ વેડ્સ મનુ’ અને ‘ઝીરો’ જેવી રોમેન્ટિક અને કોમેડી ફિલ્મના ડિરેક્ટર અને પ્રોડ્યુસર આનંદ.એલ. રાયે આ જ પ્રોજેક્ટ હેઠળ ડુપ્લેક્ષ એપાર્ટમેન્ટ રૂ. 25.3 કરોડમાં ખરીદ્યો છે. હાઉસિંગ યુનિટ 27 અને 28માં માળ પર આવેલ છે અને દરેક યુનિટ 5,761 સ્કેવર ફૂટનું છે. આ યુનિટમાં પાંચ કાર પાર્ક કરી શકાય છે.
    Published by:News18 Gujarati
    First published:May 29, 2021, 15:35 IST