39 વર્ષે લગ્ન અને તરત જ નસીબ ખુલ્યું, ઓસ્કાર જીતે ભારતનું ગૌરવ વધાર્યું, જાણો કોણ છે ગુનીત મોંગા?

મુંબઈ : અમેરિકાના લોસ એન્જલસ શહેરમાં યોજાયેલા એકેડેમી એવોર્ડ્સમાં ભારતનો દબદબો રહ્યો હતો. અહીં ભારતીય ફિલ્મ નિર્માતાઓના ખાતામાં કુલ 2 એવોર્ડ આવ્યા છેે. એક એવોર્ડ SS રાજામૌલીની ફિલ્મ RRRના ગીત નાટુ નાટુને મળ્યો હતો. અને બીજો ઓસ્કાર નિર્માતા ગુનીત મોંગા અને દિગ્દર્શક કાર્તિકી ગોન્સાલ્વીસને મળ્યો હતો, જેમણે બોલિવૂડનો ચહેરો બદલી નાખ્યો છે. નેટફ્લિક્સ પર ગુનીત મોંગાની શોટ ફિલ્મ ડોક્યુમેન્ટ્રી 'ધ એલિફન્ટ વ્હિસ્પર્સ'ને 59મા ઓસ્કાર એવોર્ડથી સન્માનિત કરવામાં આવી હતી.

ગુનીત મોંગા ભારતની પ્રથમ મહિલા ફિલ્મ નિર્માતા છે, જેણે ઓસ્કાર જીતીને ઈતિહાસ રચ્યો છે. હાલમાં જ ગુનીત મોંગાએ તેના બોયફ્રેન્ડ સની કપૂર સાથે લગ્ન કર્યા છે. લગ્ન પછી જ ગુનીતનું નસીબ ખુલ્યું અને ગુનીતે ઓસ્કાર જીતીને ઈતિહાસ રચ્યો. ગુનીત મોંગાને માત્ર બોલિવૂડમાં જ નહીં પરંતુ દુનિયામાં એક મોટા ફિલ્મ મેકર માનવામાં આવે છે. ગુનીતે તેના નિર્માણ શિખાયા એન્ટરટેઈનમેન્ટ બેનર હેઠળ અગાઉ પણ ઘણી શાનદાર ફિલ્મોનું નિર્માણ કર્યું છે. ગુનીતે ધ લંચબોક્સનું નિર્માણ પણ કર્યું હતું, જેની ગણતરી ઈરફાન ખાનની કારકિર્દીની શ્રેષ્ઠ ફિલ્મોમાં થાય છે. તેની સાથે ગુનીતે મસાન, ગેંગ્સ ઓફ વાસેપુર, પગલૈટ, સોરાયાપટ્ટુ જેવી ફિલ્મો પણ બનાવી છે.

12મી ડિસેમ્બરે થયા હતા લગ્ન 

ગુનીત મોંગાએ ગયા વર્ષે 12 ડિસેમ્બરે તેના બોયફ્રેન્ડ સની કપૂર સાથે લગ્ન કર્યા હતા. લગ્નની તસવીરો પણ સામે આવી હતી. જેમાં ગુનીત પંજાબી સ્ટાઇલના આ લગ્નમાં ખૂબ જ સુંદર લાગી રહી હતી. ગુનીત લાંબા સમયથી સની કપૂરને ડેટ કરી રહ્યી હતી. ઘણા સમયથી બંને લગ્નનું પ્લાનિંગ પણ કરી રહ્યા હતા. આ પછી, ગયા વર્ષ 2022 માં, બંનેએ લગ્ન કર્યા. લગ્નના થોડા મહિના પછી જ ઓસ્કારની જાહેરાત કરવામાં આવી હતી. જેમાં ગુનીતની શોર્ટ ફિલ્મ પસંદ કરવામાં આવી હતી. હવે ગુનીતે ઓસ્કાર જીતીને ઈતિહાસ રચી દીધો છે. હવે વિશ્વના દિગ્ગજ દિગ્દર્શકો પણ ગુનીતને સલામ કરી રહ્યા છે.

આ પણ વાંચો : કેન્દ્ર સરકાર સમલૈંગિકોને માન્યતા આપવાનો વિરોધ કેમ કરી રહી છે? કાયદા મંત્રી રિજિજુએ કારણ જણાવ્યું

ગુનીત મોંગાની ગણતરી વિશ્વની ટોચની 12 મહિલાઓમાં થાય છે.

જણાવી દઈએ કે, ગુનીત મોંગાએ ઓસ્કાર જીતતાની સાથે જ તેના કરિયરની ચર્ચા થવા લાગી હતી. ઘણા લોકોએ તેમના વ્યવસાયના ઇતિહાસ વિશે જાણવાનો પ્રયાસ પણ કર્યો છે. ગુનીતે બોલિવૂડને મસાન જેવી ઘણી શાનદાર ફિલ્મો આપી છે. એટલું જ નહીં, ગુનીતની ગણતરી વૈશ્વિક મનોરંજન ઉદ્યોગની ટોચની 12 મહિલાઓમાં પણ થાય છે. હોલિવૂડ રિપોર્ટરે 50 મહિલાઓની યાદીમાં ગુનીતનું નામ આપ્યું છે, જેણે શાનદાર ફિલ્મો આપીને બોલિવૂડનો ચહેરો બદલી નાખ્યો. ગુનીત શિખાયા એન્ટરટેઈનમેન્ટ પ્રોડક્શન પણ ચલાવે છે. ગુનીતે મસાન, ગેંગ્સ ઓફ વાસેપુર, હરામખોર, મોનસૂન શૂટઆઉટ, ઝુબાન અને લંચબોક્સ જેવી ઘણી શાનદાર ફિલ્મો આપી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Oscar 2023, Oscar Award