Vastu tips: આ પાંચ મહિનાઓમાં નવું ઘર બનાવવું છે લાભદાયી, જાણો આ શુભ મહિનાઓ

Vastu tips: નવું ઘર બનાવવું અને તેમાં ખુશીથી રહેવું એ દરેકનું સપનું હોય છે. પરંતુ દરેકનું આ સપનું પૂરું થતું નથી. ઘણી વખત ઘર બનાવ્યા પછી પણ લોકો તેમાં આરામથી રહી શકતા નથી. તેનું એક કારણ એ પણ હોઈ શકે છે કે મકાનના નિર્માણનો મહિનો યોગ્ય ન હોય ત્યારે એવું બની શકે છે.

આવી સ્થિતિમાં આજે અમે તમને જ્યોતિષ અને વાસ્તુશાસ્ત્ર અનુસાર ઘર નિર્માણ માટેના શુભ અને અશુભ મહિનાઓ વિશે જણાવી રહ્યા છીએ. આ બાબતોને ધ્યાનમાં રાખીને જો ઘરનું નિર્માણ શુભ મહિનામાં કરવામાં આવે તો ઘર અને પરિવાર સુખ-સમૃદ્ધિથી ભરાઈ શકે છે.

આ પણ વાંચો : Grah Gochar 2022: ડિસેમ્બર માસમાં ગ્રહોની સ્થિતિ આ રાશિના લોકોને બનાવશે માલામાલ, જાણી લો

ઘરનું બાંધકામ કરવા માટેનો શુભ મહિનો

પંડિત રામચંદ્ર જોશીના જણાવ્યા અનુસાર, વર્ષના 12 મહિનામાંથી પાંચ હિંદુ મહિનામાં ઘરનું બાંધકામ શરૂ કરવા માટે શુભ માનવામાં આવે છે. આ મહિનાઓ છે, વૈશાખ, શ્રાવણ, કારતક, માર્શિશ અને ફાલ્ગુન. આ માન્યતા અનુસાર, આ મહિનામાં ઘરનું બાંધકામ શરૂ કરવાથી ઘરમાં દરેક પ્રકારની ખુશીઓ આવે છે. આમાં વૈશાખ મહિનામાં ઘર બનાવવાની શરૂઆત કરવાથી ધન, પુત્ર અને આરોગ્યની પ્રાપ્તિ થાય છે. શ્રાવણ મહિનામાં ઘરનું બાંધકામ શરૂ કરવાથી પ્રાણીઓ, પૈસા અને મિત્રોની સંખ્યામાં વધારો થાય છે. કારતક મહિનામાં નવું મકાન બાંધવાથી પુત્ર, આરોગ્ય અને ધનની પ્રાપ્તિ થાય છે. જ્યારે માર્ગશીર્ષ મહિનામાં ઘરનું નિર્માણ કરવાથી સારા ભોજન અને ધન તથા ફાલ્ગુન મહિનામાં ગૃહબાંધકામ થી વંશમાં વધારો થાય છે. કેટલાક ગ્રંથોમાં અષાઢ માસ ઘરના બાંધકામની શરૂઆત કરવા માટે પણ શુભ માનવામાં આવ્યો છે. જો કે, આ મહિનામાં ઘર બનાવવું પશુઓનો નાશ કરે છે.

આ પણ વાંચો :Astro Tips: પહેલી રોટલી ગાય અને અંતિમ રોટલી કુતરા માટે, જાણો આ કરવા પાછળનું શું છે કારણ

ગૃહ નિર્માણનો અશુભ માસ

પંડિત જોશીના મતે જ્યોતિષ અને વાસ્તુશાસ્ત્રમાં ચૈત્ર, જ્યેષ્ઠ, ભાદ્રપદ, અશ્વિન, પોષ અને માઘ મહિનામાં ઘર બાંધવા પર પ્રતિબંધ છે. શાસ્ત્રો અનુસાર ચૈત્ર મહિનામાં ઘરનું બાંધકામ કરવાથી રોગ અને દુ:ખ આવે છે. જ્યેષ્ઠ મહિનામાં ઘરનું નિર્માણ શરૂ કરવું મુશ્કેલી અને મૃત્યુનું કારણ છે. ભાદરવા માસમાં નવું મકાન બાંધવાથી મિત્રોનો અભાવ, દરિદ્રતા અને વિનાશની સંભાવના રહે છે. અશ્વિન માસમાં ગૃહબાંધકામથી કલેશ અને પત્નીનો નાશ થાય છે, પોષ માસમાં ઘરના બાંધકામ થી ચોરોનો ભય વધે છે અને માઘ માસમાં ગૃહનિર્માણથી અગ્નિનો ભય વધે છે. આવી સ્થિતિમાં આ મહિનાઓમાં હંમેશા ઘરનું બાંધકામ કરવાનું ટાળવું જોઈએ.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Vastu, Vastu dosh, Vastu shastra, Vastu tips