Home /News /dharm-bhakti /Vasant Panchami 2023: આ વસંત પંચમી છે ખુબ ખાસ! બનશે ચાર શુભ સંયોગ, શાંતિ અને સમૃદ્ધિ આપશે

Vasant Panchami 2023: આ વસંત પંચમી છે ખુબ ખાસ! બનશે ચાર શુભ સંયોગ, શાંતિ અને સમૃદ્ધિ આપશે

Vasant Panchami 2023

Vasant Panchami 2023: આ વર્ષે 26 જાન્યુઆરી ગુરુવારે વસંત પંચમીનો તહેવાર ઉજવવામાં આવશે. શાસ્ત્રો અનુસાર આ દિવસે માતા સરસ્વતીનો જન્મ થયો હતો. એટલા માટે આ દિવસે માતા સરસ્વતીની પૂજા કરવામાં આવે છે.

News18 Gujarati
Last Updated : January 21, 2023, 15:54 IST

ટ્રેન્ડિંગ ડેસ્ક

હિંદુ કેલેન્ડર મુજબ, દર વર્ષે માહ મહિનાના શુક્લ પક્ષની પાંચમની તિથીએ વસંત પંચમીનો તહેવાર ઉજવવામાં આવે છે. આ વર્ષે 26 જાન્યુઆરી ગુરુવારે વસંત પંચમીનો તહેવાર ઉજવવામાં આવશે. શાસ્ત્રો અનુસાર આ દિવસે માતા સરસ્વતીનો જન્મ થયો હતો. એટલા માટે આ દિવસે માતા સરસ્વતીની પૂજા કરવામાં આવે છે. વસંત પંચમી વસંત ઋતુની શરૂઆત દર્શાવે છે. સનાતન ધર્મમાં માતા સરસ્વતીની પૂજાનું વિશેષ મહત્વ છે, કારણ કે સરસ્વતી માતા જ્ઞાનની દેવી છે. વસંત પંચમી પર માતા સરસ્વતીની પૂજા કરવાથી માતા લક્ષ્મી અને દેવી કાલીના આશીર્વાદ પણ પ્રાપ્ત થાય છે.

વસંત પંચમીનો શુભ સમય

પંચાંગ અનુસાર, મહા શુક્લ પંચમી 25 જાન્યુઆરીએ બપોરે 12.34 વાગ્યે શરૂ થશે અને 26 જાન્યુઆરીએ સવારે 10.28 વાગ્યે સમાપ્ત થશે. આવી સ્થિતિમાં આ વર્ષે વસંત પંચમી 26 જાન્યુઆરી, 2023 ના રોજ ઉદયા તિથિ અનુસાર ઉજવવામાં આવશે.

સરસ્વતી પૂજા માટે શુભ પૂજન મુહૂર્ત

26 જાન્યુઆરી, ગુરુવારે સવારે 07:12 થી બપોરે 12:34 સુધી.

વસંત પંચમી પર 4 શુભ યોગ બનશે

શિવ યોગ: 26 જાન્યુઆરીએ સવારે 03.10 થી બપોરે 03.29 સુધી રહેશે. આમાં ધ્યાન અને પૂજાનું વિશેષ મહત્વ છે.

સિદ્ધ યોગઃ શિવ યોગ સમાપ્ત થયા બાદ સિદ્ધ યોગ શરૂ થશે. જે આખી રાત સુધી ચાલશે. સિદ્ધ યોગ ખૂબ જ શુભ માનવામાં આવે છે

સર્વાર્થ સિદ્ધિ યોગ: આ યોગ 26 જાન્યુઆરીએ સાંજે 06:57 થી બીજા દિવસે 07:12 સુધી રહેશે. આ યોગમાં કરેલા તમામ કાર્યો સફળ, સમૃદ્ધ અને સિદ્ધ થાય છે.

રવિ યોગ: તે સાંજે 06:57 થી બીજા દિવસે સવારે 07:12 સુધી રહેશે. આ યોગમાં થતા તમામ કાર્યોમાં સૂર્ય ભગવાનની કૃપાથી દુર્ગુણો દૂર થાય છે અને શુભની પ્રાપ્તિ થાય છે.

આ પણ વાંચો: વંસત પાંચમીના દિવસે કરો આ ઉપાય, માં સરસ્વતીની કૃપાથી થશે અપાર જ્ઞાન અને બુદ્ધિની પ્રાપ્તિ

વસંત પંચમીના અવસરે પૂજા પદ્ધતિ

- વસંત પંચમીના દિવસે સવારે સ્નાન વગેરેમાંથી નિવૃત્ત થયા પછી સ્વચ્છ પીળા કે સફેદ રંગના કપડાં પહેરવા. ત્યાર બાદ સરસ્વતી પૂજાનો સંકલ્પ લેવો.

- પૂજા સ્થાન પર માઁ સરસ્વતીની મૂર્તિ અથવા ચિત્ર સ્થાપિત કરો. માતા સરસ્વતીને ગંગા જળથી સ્નાન કરાવો. પછી તેમને પીળા વસ્ત્રો પહેરાવો.

- આ પછી પીળા ફૂલ, અક્ષત, સફેદ ચંદન અથવા પીળી રોલી, પીળો ગુલાલ, ધૂપ, દીવો, ગંધ વગેરે અર્પણ કરો. સરસ્વતી માતાને ગલગોટાના ફૂલોની માળા પહેરાવો.

આ પણ વાંચો: નવા વર્ષમાં આ તારીખે આવશે વસંત પંચમીનો તહેવાર, જાણો માતા સરસ્વતીની પૂજા વિધિ અને શુભ મૂહુર્ત

- માતાને પીળા રંગની મીઠાઈઓ અર્પણ કરો. આ પછી સરસ્વતી વંદના અને મંત્રથી માતા સરસ્વતીની પૂજા કરો. જો તમે ઈચ્છો તો પૂજા સમયે સરસ્વતી કવચનો પાઠ પણ કરી શકો છો.

- હવન કુંડ બનાવીને હવન સામગ્રી તૈયાર કરો અને "ચઓમ શ્રી સરસ્વત્યાય નમ: સ્વાહા" મંત્રની માળાનો જાપ કરીને હવન કરો. ઊભા રહીને માઁ સરસ્વતીની આરતી કરો.

First published: January 21, 2023, 15:54 IST

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Dharm Bhakti, Vasant panchami