Vasant Panchami 2023: વસંત પંચમીએ કરો ખાલી આટલું, લવ લાઈફની અડચણ અને દાંપત્ય જીવનમાં ખટરાગ થઈ જશે દૂર

વસંત પંચમી (Vasant Panchami) 26 જાન્યુઆરીએ છે. સામાન્ય રીતે વસંત પંચમી જ્ઞાનની દેવી સરસ્વતીની આરાધનાનો દિવસ ગણાય છે. જોકે, આ દિવસ પ્રેમ અને ઉત્સાહના દેવતા કામદેવ (Kamdev)ને પણ સમર્પિત છે. ધાર્મિક માન્યતાઓ અનુસાર વસંત પંચમીના દિવસે કામદેવ પોતાની પત્ની રતિ સાથે ધરતી પર આવે છે. આ દિવસે વસંત ઋતુનું આગમન થાય છે. કામદેવ લોકોમાં પ્રેમ અને ઉત્સાહ ફેલાવે છે.

વસંત પંચમીએ કામદેવ અને રતિ (Kamdev and Rati)ની પૂજા પણ થાય છે. જે લોકોના લગ્નમાં વિલંબ થતો હોય, લવ લાઈફ કે દાંપત્ય જીવન સારું ન રહેતું હોય તો આ દિવસે કામદેવ અને રતિની પૂજા કરવી જોઈએ. તેની અસરથી તમારી લવ લાઈફ કે દાંપત્ય જીવન મધુર રહેશે.

ભગવાન શંકરે કામદેવને કર્યા હતા ભસ્મ

તિરૂપતિના જ્યોતિષ ડો.કૃષ્ણ ગ્રીમર ભાર્ગવ સમજાવે છે કે એકવાર ભગવાન શિવ ગુસ્સે થઈ ગયા હતા અને કામદેવને ભસ્મ કર્યા હતા. ત્યારે રતિએ તેમને કામદેવને ફરીથી સશરીર પરત લાવવા વિનંતી કરી હતી. પછી ભગવાન શિવે કહ્યું કે કામદેવ દેહ વગર રહેશે. તેઓ ભવના રૂપમાં રહેશે, દ્વાપર યુગમાં તેમને ભગવાન શ્રીકૃષ્ણના પુત્ર પ્રદ્યુમ્નના રૂપમાં ફરીથી દેહ મળશે.

આ પણ વાંચો: Vasant Panchami 2023: વસંત પંચમીના દિવસે ઘરને આપો ફેસ્ટિવલ લુક, ખુણા-ખુણામાં જોવા મળશે રોનક

વસંત પંચમી 2023 કામદેવ પૂજા વિધી

વસંત પંચમીના અવસર પર સ્નાન કર્યા બાદ કામદેવ અને રતિની પૂજા કરવી જોઈએ. વિવાહિત યુગલો અથવા પ્રેમીઓએ કામદેવ અને રતિની પીળા ફૂલો, ગુલાબ, અક્ષત, પાન, સોપારી, અત્તર, ચંદન, માળા, ફળો, મીઠાઈઓ, સૌંદર્ય સામગ્રી વગેરેની સાથે પૂજા કરવી જોઈએ. લગ્નમાં વિલંબ થઈ રહ્યો હોય તે લોકોએ રતિને 16 શૃંગારના સમાન અર્પણ કરવો જોઈએ.

કામદેવનો મંત્ર

તમે 'ઓમ કામદેવાય વિદ્મહે, રતિ પ્રિયયી ધીમહિ, તન્નો અનંગ પ્રચોદયાત્' મંત્ર જાપ કરો. જો તમે કામદેવના સાબર મંત્ર 'ઓમ નમો ભગવતે કામદેવાય યસ્ય યસ્ય દૃષ્યો ભવામિ યસ્ય યસ્ય મમ મુખમ્ પશ્યતિ તન તન મોહયતુ સ્વાહા' નો જાપ પણ કરી શકો છો. આનાથી કામદેવ ખુશ થાય છે. પ્રેમ સંબંધો મધુર રહે છે. દાંપત્ય જીવન સુખી રહે છે.

આ પણ વાંચો: Vasant Panchami 2023: વસંત પંચમીના દિવસે કરો આ 7 કામ, માતા સરસ્વતી થશે પ્રસન્ન, દરેક ક્ષેત્રે મળશે સફળતા



2023માં વસંત પંચમી મુહૂર્ત

મહા શુક્લ પંચમી તિથિનો પ્રારંભ: 25 જાન્યુઆરી બપોરે 12:34 કલાકે

મહા શુક્લ પંચમી તિથિનું સમાપન: 26 જાન્યુઆરી સવારે 10:28 કલાકે

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Dharm Bhakti, Sarasvati Puja, Vasant panchami