Home /News /dharm-bhakti /

માતા લક્ષ્મીને પ્રસન્ન કરવા કરો આ વ્રત, ઘરમાં આવશે સુખ-સમૃદ્ધિ

માતા લક્ષ્મીને પ્રસન્ન કરવા કરો આ વ્રત, ઘરમાં આવશે સુખ-સમૃદ્ધિ

હિંદુ ધર્મમાં એવું માનવામાં આવે છે કે શુક્રવારે વૈભવ લક્ષ્મીનું વ્રત અને પૂજા કરવાથી માતા લક્ષ્મીની કૃપા પ્રાપ્ત થાય છે

Vaibhav Lakshmi Vrat - જો તમને પણ લાગે છે કે માતા લક્ષ્મી (Maa Lakshmi) તમારાથી નારાજ છે તો તમે પણ વૈભવ લક્ષ્મી વ્રત (Vaibhav Laxmi Vrat) કરી શકો છો

આજના યુગમાં વધતી હરીફાઈની વચ્ચે દરેક વ્યક્તિ પોતાના પરિવાર માટે સુખ અને સમૃદ્ધિ (Happiness And Wealth) ઈચ્છે છે અને આ માટે તે દેવી લક્ષ્મી (Goddess Laxmi)ને પ્રસન્ન કરવા માટે વિવિધ ઉપાયો પણ કરે છે. જેથી ભવિષ્યમાં તેને કે તેના પરિવારમાં ક્યારેય પૈસા કે સમૃદ્ધીની કમી ન રહે. પરંતુ શું તમે જાણો છો કે માત્ર ઉપવાસથી તમે મા લક્ષ્મીને પ્રસન્ન કરી શકો છો. હિંદુ ધાર્મિક પૌરાણિક કથાઓમાં આ વ્રતને વૈભવ લક્ષ્મી વ્રત (Vaibhav Lakshmi Vrat) કહેવામાં આવે છે.

જો તમને પણ લાગે છે કે માતા લક્ષ્મી (Maa Lakshmi) તમારાથી નારાજ છે તો તમે પણ વૈભવ લક્ષ્મી વ્રત (Vaibhav Laxmi Vrat) કરી શકો છો. હિંદુ ધર્મમાં એવું માનવામાં આવે છે કે શુક્રવારે વૈભવ લક્ષ્મીનું વ્રત અને પૂજા કરવાથી માતા લક્ષ્મીની કૃપા પ્રાપ્ત થાય છે અને તેમનો સાથ હંમેશા તમારી સાથે રહે છે. તો ચાલો જાણીએ માતા લક્ષ્મીને પ્રસન્ન કરવા વૈભવ લક્ષ્મી વ્રતની પૂજા વિધિ (Vaibhav Lakshmi Vrat Puja Vidhi) વિશે.

આ પણ વાંચો - Kanakadhara Stotram: અપાર ધન-સંપત્તિ આપે છે માતા લક્ષ્મી, શુક્રવારે કરો કનકધારા સ્તોત્રનો પાઠ

આ ક્યારે કરવું વૈભવ લક્ષ્મીનું વ્રત?

હિંદુ પુરાણો અનુસાર વૈભવ લક્ષ્મી વ્રતનું વ્રત પુરૂષો અને મહિલાઓ બંને કરી શકે છે, પરંતુ પરિણીત મહિલાઓ માટે આ વ્રત વધુ શુભ માનવામાં આવે છે. વ્રતનું પાલન કરવા માટે વ્રતનો સંકલ્પ લેવાની સાથે માતા લક્ષ્મી સામે તમારી ઈચ્છા જણાવવી જોઈએ અને તમારી ક્ષમતા અનુસાર 7, 11 કે 21 શુક્રવાર સુધી વૈભવ લક્ષ્મી વ્રતનું પાલન કરવું જોઈએ.

વૈભવ લક્ષ્મી વ્રતની પૂજા વિધિ

જો કે, વૈભવ લક્ષ્મી વ્રતની પૂજા સાંજે કરવામાં આવે છે, પરંતુ વ્રત રાખવા માટે સ્ત્રી કે પુરુષે સવારથી જ સ્નાન કરીને વ્રતનું પાલન કરવું જોઈએ. ઉપવાસના દિવસે સવારે ફળો ખાઈ શકાય છે. સાંજે ફરીથી સ્નાન કર્યા પછી માતાની ચોકીને પૂર્વમાં મૂકો અને તેના પર લાલ સ્વચ્છ કપડું પાથરી દો. આ ચોકી પર માતા લક્ષ્મીની મૂર્તિ સ્થાપિત કરો. મા લક્ષ્મીનું શ્રીયંત્ર પણ રાખો. હિંદુ માન્યતા અનુસાર દેવી લક્ષ્મીને સફેદ વસ્તુઓ ખૂબ જ પ્રિય છે. તેથી ઘણા પૂજારીઓ પૂજા કરતી વખતે સફેદ વસ્ત્રો પહેરવાની સલાહ પણ આપે છે.

આ પણ વાંચો - Dharm: આવતીકાલથી એક મહિના માટે શરૂ થશે કમુરતા, નહીં થઇ શકે કોઇ માંગલિક કાર્યો

વ્રત દરમિયાન દેવી લક્ષ્મીને સફેદ ફૂલ અને સફેદ રંગની મીઠાઈઓ અર્પણ કરવી જોઈએ. સફેદ ફૂલો ઉપરાંત માતા લક્ષ્મીને ગુલાબ અને કમળના ફૂલ પણ પ્રિય છે. જો તમે ઈચ્છો તો પ્રસાદમાં ચોખાની ખીર બનાવી શકો છો. પૂજા કર્યા પછી, તમારે વૈભવ લક્ષ્મી વ્રત કથાનો પાઠ કરવો જોઈએ. આ પછી તમે સાંજે ભોજન કરી શકો છો. તમે પ્રસાદ તરીકે જે ખીર બનાવી છે તે તમારે પણ ખાવા જોઇએ.
First published:

Tags: ધર્મભક્તિ, હિન્દુ ધર્મ

આગામી સમાચાર