Home /News /dharm-bhakti /

Tulsi Upay: માતા લક્ષ્મીને ખુશ કરવા તુલસીનાં પાણીનો આવી રીતે કરો ઉપયોગ, મળશે સફળતા

Tulsi Upay: માતા લક્ષ્મીને ખુશ કરવા તુલસીનાં પાણીનો આવી રીતે કરો ઉપયોગ, મળશે સફળતા

તુલસીનાં પાણીનો આ ઉપાય અજમાવી જુઓ, માતા લક્ષ્મી રહેશે પ્રસન્ન

ભગવાન કૃષ્ણને તુલસી ખૂબ પ્રિય છે. જેથી ભગવાન કૃષ્ણને તુલસીના પાણીમાં સ્નાન કરાવવાથી તેઓ ખૂબ ખુશ થાય છે અને ભક્તો પર પોતાની કૃપા વરસાવે છે.

    Tulsi Water Upay: હિન્દૂ ધર્મમાં તુલસી માતાને લક્ષ્મી માતાનું જ સ્વરૂપ માનવામાં આવે છે. જેથી હિન્દૂ સંસ્કૃતિ (Hindu Culture)માં ધાર્મિક રીતે તુલસીનું ખૂબ જ મહત્વ છે અને તુલસીની પૂજા કરવામાં આવે છે. દરરોજ તુલસીની પૂજા કરવાથી અને પાણી ચઢાવવાથી માતા લક્ષ્મી (Lakshmi Mata) ખુશ થાય છે, પરિવારમાં શાંતિ રહે છે અને દુઃખનો અંત આવે છે.

    તુલસીના છોડના કારણે ઘરમાં સકારાત્મક ઊર્જા (Positive Energy) રહેતી હોવાનું કહેવાય છે. તુલસીના ફાયદા તો ઘણા લોકોને ખબર હોય છે પણ તુલસીના પાણીના ફાયદા અંગે વધુ લોકો જાણતા નથી. તુલસીના પાન નાંખીને બનાવેલું પાણી પવિત્ર માનવામાં આવે છે. આ પાણીના ઉપયોગથી માતા લક્ષ્મી ખુશ થાય છે અને ઘરમાં પણ સુખ આવે છે. આજે અહીં તુલસીના પાણી સાથે જોડાયેલા કેટલીક ધાર્મીક રીત અંગે જાણકારી આપવામાં આવી છે, જે માતા લક્ષ્મીની કૃપા વરસાવશે અને સુખ-સમૃદ્ધિ લાવશે.

    હઠીલા રોગ - લાંબી માંદગીમાં મળશે મુક્તિ

    ઘરમાં કોઈ લાંબી માંદગીમાં પટકાયું હોય તો તેના પર પાણી છાંટવું જોઈએ. પૂજા કર્યા બાદ એક અઠવાડિયા સુધી આવું કરવું જરૂરી છે. તુલસીનું પાણી છાંટવાથી બીમારીની અસર ઘટે છે અને વ્યક્તિ સાજો થઈ જાય છે તેવી માન્યતા છે.

    ભગવાન કૃષ્ણની કૃપા મેળવવા

    ભગવાન કૃષ્ણને તુલસી ખૂબ પ્રિય છે. જેથી ભગવાન કૃષ્ણને તુલસીના પાણીમાં સ્નાન કરાવવાથી તેઓ ખૂબ ખુશ થાય છે અને ભક્તો પર પોતાની કૃપા વરસાવે છે. જો તમે પણ ભગવાન શ્રીકૃષ્ણની કૃપા મેળવવા માંગતા હોવ તો તમારે તેમને તુલસીના પાણીથી સ્નાન કરાવવું જોઈએ.

    નકારાત્મક શક્તિ દૂર કરવા

    નકારાત્મક શક્તિ ભગાડવા માટે પણ તુલસીનું પાણી ઉપયોગમાં લઈ શકાય છે. આ માટે તુલસીના પાનને આખી રાત પાણીમાં પલાળી રાખો. બાદમાં સવાર સાંજ પૂજા બાદ ઘરના દરેક ખૂણે તુલસીના પાણીનો છંટકાવ કરો. આવું કરવાથી નકારાત્મક શક્તિ દૂર થશે અને સકારાત્મક ઊર્જાનો પ્રવેશ થશે.

    નોકરી ધંધામાં બરકત માટે

    સતત મહેનત કર્યા પછી પણ નોકરી કે ધંધામાં બરકત થતી ન હોય તો તુલસીના પાનને ત્રણ દિવસ પાણીમાં પલાળી રાખો અને ત્યારબાદ સવાર-સાંજ પૂજા બાદ ઓફિસ કે કચેરીમાં આ પાણીનો છંટકાવ કરો. આવું કરવાથી કારોબારની વૃદ્ધિ માટેના માર્ગો ખુલે છે અને સરળતાથી નોકરી પણ મળે છે

    (Disclaimer: આ લેખમાં આપવામાં આવેલી જાણકારી અને સૂચનો સામાન્ય માન્યતા પર આધારિત છે. ન્યૂઝ 18 તેની પુષ્ટિ કરતું નથી. અમલવારી કરતા પહેલા સંબંધિત તજજ્ઞની સલાહ લો.)
    First published:

    Tags: Lifestyle, Religious, Tulsi

    विज्ञापन

    विज्ञापन

    આગામી સમાચાર

    विज्ञापन
    विज्ञापन