Home /News /dharm-bhakti /Vidur Niti: વિદુર નીતિના આ 10 નિયમો ગાંઠ બાંધી લો, દરેક ક્ષેત્રમાં મળશે સફળતા; ગરીબી આસપાસ પણ નહીં ભટકે

Vidur Niti: વિદુર નીતિના આ 10 નિયમો ગાંઠ બાંધી લો, દરેક ક્ષેત્રમાં મળશે સફળતા; ગરીબી આસપાસ પણ નહીં ભટકે

મહાત્મા વિદુરે એવા 10 નિયમો બનાવ્યા છે, જે જીવનને સફળ અને સમૃદ્ધ બનાવવામાં મદદરૂપ થાય છે.

Vidur Niti: વિદુર નીતિમાં જણાવવામાં આવેલી આ 10 આદતો વ્યક્તિ જો પોતાના જીવનમાં ઉતારી લે તો તેને જીવનના દરેક ક્ષેત્રમાં સફળતા પ્રાપ્ત થશે. જીવનમાં ક્યારેય આર્થિક તંગી અને ગરીબી નહીં આવે.

News18 Gujarati
Last Updated : January 18, 2023, 06:00 IST

મહાત્મા વિદુર મહાભારતના મુખ્ય પાત્રોમાંથી એક છે. મહાભારત કાળમાં મહાત્મા વિદુર હસ્તિનાપુરના રાજા ધૃતરાષ્ટ્ર (કૌરવોના પિતા)ના મંત્રી હતા. તેઓ નીતિગત અને ધાર્મિક વાતોથી કૌરવો અને પાંડવોને સમજ આપતા હતા. તેમણે મહાભારતના યુદ્ધને ટાળવા માટે અનેક પ્રયાસો કર્યા, પરંતુ દુર્યોધન પોતાની જીદ પર અડગ રહ્યો હતો. તેમની રાજનૈતિક ચતુરતાનો કોઈ તોડ મળી શકે તેમ નથી.

મહાત્મા વિદુરે એવા 10 નિયમો બનાવ્યા છે, જે જીવનને સફળ અને સમૃદ્ધ બનાવવામાં મદદરૂપ થાય છે. વિદુર નીતિના આ 10 નિયમો અપનાવી લેવાથી જીવનમાં ક્યારેય પણ નિષ્ફળતા મળતી નથી. વિદુર નીતિના આ નિયમો વિશે અહીં વિગતવાર જાણકારી આપવામાં આવી છે.

આ પણ વાંચો : Shattila Ekadashi 2023: આવતી કાલે ષટતિલા એકાદશી, આ પાંચ ઉપાય કરવાથી થશે ગરીબી દૂર

વિદુર નીતિની આ બાબતોનું ધ્યાન રાખો

વિદુર નીતિ અનુસાર કામ, ક્રોધ અને લોભ નરકના દ્વાર છે. આ ત્રણ બાબતોને કારણે વ્યક્તિ ક્યારેય પણ જીવનમાં આગળ વધી શકતી નથી. આ 3 બાબતોનો ત્યાગ કરી દેવો જોઈએ.

શંકાસ્પદ વ્યક્તિને ક્યારેય પણ ધન ના આપવું જોઈએ. આ પ્રકારની વ્યક્તિ અન્ય લોકોના ધનનો યોગ્ય ઉપયોગ કરતી નથી.

કોઈપણ કામની શરૂઆત સમજી વિચારીને કરવી જોઈએ. જે કામ લગનથી કરવામાં આવે તેમાં અચૂકથી સફળતા મળે છે.

બળવાન હોવા છતાં અન્ય વ્યક્તિને ક્ષમા કરી દે અને નબળી વ્યક્તિની મદદ કરે છે, તે વ્યક્તિને સ્વર્ગ પ્રાપ્તિ થાય છે.

આ પણ વાંચો : Vasant Panchami 2023: વંસત પાંચમીના દિવસે કરો આ ઉપાય, માં સરસ્વતીની કૃપાથી થશે અપાર જ્ઞાન અને બુદ્ધિની પ્રાપ્તિ

- જે વ્યક્તિ વિશ્વાસપાત્ર ના હોય તેના પર વિશ્વાસ ન કરવો જોઈએ. વિશ્વાસપાત્ર વ્યક્તિ પર જ ભરોસો કરવો જોઈએ, જેનાથી જીવનમાં સફળતા મળે છે.
- સારા કર્મ કરનાર વ્યક્તિની સાથે રહો અને ખરાબ કર્મ કરનાર વ્યક્તિથી દૂર રહો.
- જે વ્યક્તિ પોતાની પાંચ ઈન્દ્રિયને વશમાં રાખી શકતી નથી, તેને ક્યારેય પણ સફળતા મળતી નથી.
- જે વ્યક્તિ જે હંમેશા બીમાર રહે છે. તેને શરીરની સાથે પૈસાની પણ ખોટ સહન કરવી પડે છે. તેથી, તેની બીમારી દૂર થાય તો એ જ સૌથી મોટું સુખ છે.

આળસુ વ્યક્તિની ક્યારેય પણ મદદ ન કરવી જોઈએ, તે વ્યક્તિ ક્યારેય પણ ધન પરત કરતી નથી.

સમ્માન મળવાથી જે વ્યક્તિ પ્રફુલ્લિત ન થાય અને સન્માન ન મળે ત્યાં ગુસ્સો ન કરે તે વ્યક્તિ સર્વશ્રેષ્ઠ ગણવામાં આવે છે. આ વ્યક્તિને જીવનમાં સફળતા મળે છે.

Published by:Bansari Gohel

First published: January 18, 2023, 06:00 IST

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Dharam bhakti, Money Mantra, Secret of success, Success