શા માટે સૂર્યદેવને કહેવામાં આવે છે નવ-ગ્રહોના રાજા? જાણો ભગવાન સૂર્યની કયા દિવસે કરવામાં આવે છે પૂજા

સનાતન ધર્મમાં તમામ દેવી-દેવતાઓનું પોત-પોતાનું મહત્વ અને સ્થાન હોય છે, પરંતુ શું તમે ક્યારેય વિચાર્યું છે કે કરોડો દેવી-દેવતાઓમાં સૌથી ઉપર કોણ અને નીચે કોણ? શું દેવતાઓનો કોઈ ક્રમ નિર્ધારિત હોય છે? ધાર્મિક ગ્રંથોમાં સૂર્ય ભગવાનનું મહત્વનું સ્થાન જણાવવામાં આવ્યું છે. સૂર્યદેવને ગુરુનું બિરુદ આપવામાં આવ્યું છે અને તેમને નવગ્રહોના રાજા કહેવામાં આવે છે. આજે આપણી પૃથ્વી પર જીવન માત્ર સૂર્યદેવના કારણે જ શક્ય છે. ભગવાન સૂર્યદેવ વિશે ગ્રંથો અને પુરાણોમાં વિવિધ સંદર્ભો જોવા મળે છે. આવો જાણીએ દેવી-દેવતાઓમાં સૂર્ય ભગવાનનું સ્થાન શું છે અને કયા દિવસે તેમની પૂજા કરવામાં આવે છે.

સૂર્યદેવનું સ્થાન

પંડિત ઈન્દ્રમણિ ઘનશ્યાલના મતે ભગવાન સૂર્યદેવનું પંચદેવમાં સ્થાન છે. પંચદેવમાં ભગવાન ગણેશ, દુર્ગા, શિવ, વિષ્ણુ અને સૂર્યદેવનો સમાવેશ થાય છે. સનાતન ધર્મમાં પહેલા આ દેવતાઓની પૂજા કરવાનો નિયમ છે. આવી સ્થિતિમાં સૂર્યને તમામ દેવતાઓમાં વિશેષ સ્થાન પ્રાપ્ત થયું છે. હિંદુ ધર્મ અનુસાર, સૂર્ય ભગવાન એકમાત્ર એવા દેવતા છે જે પ્રત્યક્ષ રીતે દેખાય છે. એવું માનવામાં આવે છે કે જે વ્યક્તિ સાચી ભક્તિથી પંચદેવની પૂજા કરે છે તેને કીર્તિ, પુણ્ય અને પ્રતિષ્ઠા મળે છે. જ્યોતિષ શાસ્ત્ર અનુસાર, સૂર્ય ભગવાન વાયુ તત્વના સ્વામી છે, તેથી તેમની પૂજા અર્ઘ્ય અને નમસ્કાર દ્વારા કરવાનો નિયમ છે.

આ પણ વાંચો: Vastu Tips: ઘરમાં આ પાંચ વૃક્ષ-છોડ લગાવવાનું ટાળો, થઇ શકે છે આર્થિક નુકસાન

સૂર્યદેવની પૂજા

ધાર્મિક શાસ્ત્રોમાં સૂર્યદેવની પૂજાનું વિશેષ મહત્વ જણાવવામાં આવ્યું છે. સૂર્ય ભગવાન તેજ, યશ, વૈભવ અને સકારાત્મક શક્તિના દેવતાનું પ્રતિક છે, તેથી સૂર્ય દેવની પૂજા કરવાથી માન-સન્માન અને કીર્તિ મળે છે. હિન્દુ ધર્મમાં, રવિવાર એ સૂર્યની ઉપાસના માટે નિયુક્ત દિવસ છે. દર રવિવારે સૂર્ય ભગવાનને અર્ઘ્ય અને નમસ્કાર અર્પણ કરવાથી તમામ પ્રકારની પરેશાનીઓ દૂર થાય છે. રોગોથી મુક્તિ મળે છે અને ઘરમાં સુખ-સમૃદ્ધિ રહે છે, તેથી દરરોજ સૂર્યને જળ અર્પિત કરીને પૂજા કરવી જોઈએ.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Dharm Bhakti, Surya Dev