Somvati Amavasya: આ તારીખે આવશે વર્ષની પહેલી સોમવતી અમાસ, જાણો શુભ મૂહુર્ત, પૂજા વિધિ અને મહત્વ

દરેક મહિનાના કૃષ્ણ પક્ષના અંતિમ દિવસે અમાસની તિથિ (Amavasya Tithi) હોય છે. આ વર્ષે મહા મહિનાની અમાસ 20 ફેબ્રુઆરી, સોમવારે છે. સોમવારનો દિવસ હોવાને કારણે તેને સોમવતી અમાસ (Somvati Amavasya 2023) કહેવાશે. અમાસના દિવસે ઉપવાસ અને સ્નાન કરવાથી પિતૃદોષ (Pitrudosh) અને કાલસર્પ દોષ (Kalsarp Dosh)થી રાહત મળે છે. તેમજ પૂર્વજોના આશીર્વાદ પણ પ્રાપ્ત થાય છે. આ વર્ષે મહા અમાસ (Maha Amavasya)ને ખૂબ જ ખાસ માનવામાં આવે છે કારણ કે આ દિવસે કેટલાક ખાસ અને દુર્લભ સંયોગ બની રહ્યા છે. તો આવો જાણીએ તેની તારીખ અને મુહૂર્ત (Somvati Amavasya Muhurt & Puja Vidhi).

સોમવતી અમાસ 2023

સોમવતી અમાસ 19 ફેબ્રુઆરીએ સાંજે 04.18 વાગ્યે શરૂ થશે અને 20 ફેબ્રુઆરીએ બપોરે 12.35 વાગ્યે સમાપ્ત થશે. સ્નાન અને દાનનું મુહૂર્ત 20 ફેબ્રુઆરીએ સવારે 07.00 થી 08.25 વાગ્યા સુધી રહેશે, જ્યારે પૂજા મુહૂર્ત સવારે 09.50થી 11.15 વાગ્યા સુધી રહેશે.

જાણો સોમવતી અમાસનું મહત્વ

પૂર્વજોની આત્માની તૃપ્તિ માટે અમાસના તમામ દિવસો તર્પણ અને શ્રાદ્ધની વિધિ માટે યોગ્ય છે. એવું માનવામાં આવે છે કે સોમવતી અમાવસ્યા પર પૂજા અને તર્પણ કરવાથી બમણું ફળ મળે છે. આ વર્ષની મહા અમાસ સોમવાર અને શિવ યોગ સાથે મેળ ખાય છે. આ દિવસ અને યોગ બંને મહાદેવને સમર્પિત છે. આવી સ્થિતિમાં આ દિવસે ભોલેનાથનો અભ્યાસ કરવાથી, મંત્રોનો જાપ કરવાથી, તપ કરવાથી, શ્રાદ્ધ કર્મ વગેરે કરવાથી ઘરમાં સુખ-સમૃદ્ધિ રહેશે. આ શિવયોગ 20 ફેબ્રુઆરીએ સવારે 11.03 થી 21 ફેબ્રુઆરીએ સવારે 06.57 વાગ્યા સુધી હશે.

આ પણ વાંચો: Lord Shiva: આ છે મહાદેવની ત્રણ પ્રિય રાશિઓ, હંમેશા રહે છે શિવજીની કૃપા

કઇ રીતે કરવી પૂજા

અમાસના દિવસે શુભ મુહૂર્તમાં સ્નાન કર્યા બાદ પિતૃઓ માટે શ્રાદ્ધ કર્મ કરો. ત્યારબાદ 5 માળા ગાયત્રી મંત્રનો જાપ કરો. એવું માનવામાં આવે છે કે તેનાથી તમામ પ્રકારના સંકટોનો નાશ થાય છે.

સોમવતી અમાસના દિવસે શિવલિંગની પૂજા દૂધ, દહીં, મધ, ઘી, ગંગાજળ, ખાંડથી કરો. સાથે જ 'ઓમ નમઃ શિવાય' મંત્રનો 108 વખત જાપ કરો. તેનાથી ચંદ્રની સ્થિતિ પણ મજબૂત થાય છે. આ દિવસે શિવ મંદિરમાં ચાંદીથી બનેલા નાગ-નાગિનની પૂજા કરો. પછી તેને સફેદ ફૂલ સાથે વહેતા પાણીમાં પધરાવી દો. તેનાથી કાલસર્પ દોષથી મુક્તિ મળે છે.

આ પણ વાંચો: Surya Rashi Parivartan 2023: વર્ષનું પહેલું સૌથી મોટું રાશિ પરિવર્તન, જાણો જાતકો માટે શુભ રહેશે કે અશુભ?



સોમવતી અમાસના દિવસે પીપળાના ઝાડમાં કાચા સૂતરને 108 વાર લપેટીને તેની પરિક્રમા કરો. ભગવાન વિષ્ણુ અને માતા લક્ષ્મીને 5 પ્રકારના ફળ ચઢાવો અને પછી કન્યાઓને દાન કરો. તેનાથી અખંડ સૌભાગ્ય અને ધનનું વરદાન મળે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Amavasya, Dharm Bhakti