Navratri 2022: શારદીય નવરાત્રીમાં કરી લો લવિંગના આ સરળ ઉપાય, તાત્કાલિક મળશે લાભ

ધર્મ ડેસ્ક: નવરાત્રીનો તહેવાર ચાલી રહ્યો છે. આ 9 દિવસ દેવી દુર્ગાની પૂજા માટે સૌથી પવિત્ર દિવસો માનવામાં આવે છે. આ નવ દિવસોમાં દરેક મા દુર્ગાની ભક્તિમાં લીન જોવા મળે છે. અલગ-અલગ જગ્યાએ મોટા દુર્ગા પંડાલ બનાવવામાં આવ્યા છે. ઘરોમાં પણ મા દુર્ગાની પૂજા કરવામાં આવે છે. નવરાત્રિના નવ દિવસ દરમિયાન માતા આદિશક્તિના નવ અલગ-અલગ સ્વરૂપોની પૂજા કરવામાં આવે છે. શારદીય નવરાત્રિમાં લોકો માતાની પૂજા કરે છે અને તેમના આશીર્વાદ મેળવે છે.

નવરાત્રિમાં મા દુર્ગાને ઘણી વસ્તુઓ અર્પણ કરવામાં આવે છે. આમાંની એક વસ્તુ છે લવિંગ. જ્યોતિષ અને પંડિત હિતેન્દ્ર કુમાર શર્મા જણાવી રહ્યા છે લવિંગના કેટલાક સરળ ઉપાય.

આ પણ વાંચો:  Durga Ashtami: નવરાત્રીમાં આઠમનો અનન્ય મહિમા, આ ઉપાય કરવાથી માતારાણી પુરી કરશે બધી ઈચ્છા

- ઘરની પરેશાનીઓ દૂર કરવા

જો કોઈ વ્યક્તિના ઘરમાં રોજ ઝઘડા કે નકારાત્મકતા રહેતી હોય તો નવરાત્રિ દરમિયાન કપૂર સાથે લવિંગની જોડી નિયમિત નવ દિવસ સુધી સવારે સળગાવવી જોઈએ. એવું માનવામાં આવે છે કે આવું કરવાથી ઘરમાંથી નકારાત્મકતા દૂર થાય છે અને ઘરમાં સકારાત્મકતાનો સંચાર વધે છે.

- રોગો મટાડવા માટે

જો તમે અથવા તમારા પરિવારનો કોઈ સભ્ય લાંબા સમયથી કોઈ રોગથી પીડિત હોય તો નવરાત્રિના કોઈપણ દિવસે એક તવા પર 6-7 લવિંગ સળગાવીને ઘરના કોઈપણ ખૂણામાં મૂકી દો. જ્યોતિષ શાસ્ત્ર અનુસાર આવું કરવાથી તમને જલ્દી સ્વાસ્થ્ય લાભ મળશે.

આ પણ વાંચો: Navratri 2022 : નવરાત્રીમાં કરી લો આ ઉપાય, દૂર થઇ જશે બધા દુઃખ અને થશે ધન-સંપત્તિનો વરસાદ

- ધન પ્રાપ્તિ માટે

ધન પ્રાપ્તિ અને દેવી લક્ષ્મીના આશીર્વાદ મેળવવા માટે નવરાત્રિ દરમિયાન માતા લક્ષ્મીને ગુલાબના ફૂલ અને થોડા લવિંગ અર્પણ કરવા જોઈએ. જ્યોતિષ શાસ્ત્ર અનુસાર દેવી લક્ષ્મીને ગુલાબ અને લવિંગ અર્પણ કરવાથી ઘરમાં બરકત રહે છે અને ધન પ્રાપ્તિની શક્યતા વધી જાય છે.

- સમસ્યાઓથી છુટકારો મેળવવા માટે

જો તમે લાંબા સમયથી કોઈ સમસ્યાથી પરેશાન છો તો નવરાત્રિ દરમિયાન મંગળવાર અથવા શનિવારે કોઈપણ મંદિરમાં ભગવાન હનુમાનજીની સામે સરસવના તેલનો દીવો પ્રગટાવો અને તેમાં બે લવિંગ મૂકો. આ પછી, હનુમાન ચાલીસાને વિધિપૂર્વક વાંચો અને તમારી સમસ્યા હનુમાનજીને જણાવો. આમ કરવાથી તમારી સમસ્યા જલ્દી દૂર થઈ જશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Navratri 2022, Navratri Pujan