Shanidev: શનિવારે બની રહ્યા 4 શુભ યોગ, શનિદેવને પ્રસન્ન કરવા કરો આ ઉપાય, મળશે મહાદશામાં રાહત

ધર્મ ડેસ્ક: 18 માર્ચ શનિવારના દિવસે 4 શુભ યોગ બની રહ્યા છે, જેમાં તમે શનિદેવની પૂજા કરી સાડાસાતી અને ઢૈયાથી રાહત મેળવી શકો છો. શનિવારનો દિવસ શનિદેવની આરાધના માટે છે. આ દિવસે પાપમોચની એકદાશીનું વ્રત પણ છે. સર્વાર્થ સિદ્ધિ યોગ, શિવ યોગ, શ્રાવણ નક્ષત્ર સહીત 4 શુભ સંયોગ બની રહ્યા છે. એમાં શનિ આરાધના કરવાથી તમારી મનોકામના પુરી થશે અને દુઃખોમાંથી મુક્તિ મળશે.

શનિવારે શ્રવણ નક્ષત્રનો સંયોગ

કાશીના જ્યોતિષ ચક્રપાણિ ભટ્ટ જણાવે છે કે 18 માર્ચ શનિવારે શ્રવણ નક્ષત્ર છે. જે આખો દિવસ રહેશે. શ્રવણ નક્ષત્રના તમામ તબક્કા મકર રાશિમાં હોય છે અને આ નક્ષત્રના ભગવાન શનિ સ્વયં છે. તેઓ મકર રાશિના પણ સ્વામી છે. આ નક્ષત્ર પર શનિનો પ્રભાવ છે. શનિવાર અને શ્રવણ નક્ષત્ર શનિદેવની પૂજા કરવા અને તેમના આશીર્વાદ મેળવવા માટે શુભ છે.

સર્વાર્થ સિદ્ધિ યોગ સહિત 3 શુભ યોગ

શનિવારે સર્વાર્થ સિદ્ધિ યોગ સવારે 06:28 થી મોડી રાત્રે 12:29 સુધી છે. સર્વાર્થ સિદ્ધિ યોગમાં તમે જે પણ ઈચ્છા સાથે શનિદેવની પૂજા કરશો, શનિદેવ તે પૂરી કરશે. સર્વાર્થ સિદ્ધિ યોગમાં કરેલા કાર્યો સફળ થાય છે.

આ સિવાય શનિવારે શિવ યોગ છે, જે સવારથી 11.54 વાગ્યા સુધી છે. શિવ યોગ ધ્યાન, તપસ્યા વગેરે માટે શ્રેષ્ઠ છે. શિવ યોગ પછી સિદ્ધ યોગ થશે.

શનિ ઉપાયો

1. આ શનિવારે શુભ સંયોગ બની રહ્યા છે, આવી સ્થિતિમાં તમારે શનિદેવની પૂજા કરવી જોઈએ. તેમને કાળા તલ, સરસવનું તેલ, વાદળી કપડું વગેરે અર્પણ કરો. શનિ ચાલીસાનો પાઠ કરો. શનિદેવ તમને પરેશાનીઓમાંથી મુક્તિ અપાવશે.

આ પણ વાંચો: આજે છે પાપમોચની અગિયારસ, વ્રત કરવાથી તમામ પાપોમાંથી મળશે મુક્તિ, જાણો મુહૂર્ત અને કથા

2. શનિવારે શનિ રક્ષા સ્તોત્રનો પાઠ કરવો પણ લાભદાયક રહેશે. તે પછી શનિદેવને સાડાસાતી, ઢૈયા અથવા શનિ દોષથી રક્ષણ માટે પ્રાર્થના કરો.

3. શનિવારે ગરીબ અથવા જરૂરિયાતમંદ લોકોને કાળી છત્રી, ધાબળો, અડદ, શનિ ચાલીસા, કાળા તલ, જૂતા, ચંદન વગેરેનું દાન કરો. આ વસ્તુઓના દાનથી શનિદેવ પ્રસન્ન થાય છે.

આ પણ વાંચો: Shanivar Upay: શનિદેવ થઈ જશે એકદમ પ્રસન્ન, શનિવારે કાળી અડદથી કરો બસ આટલું



4. જો તમે શનિવારના દિવસે કાળા કૂતરાને તેલમાં મસળેલી રોટલી ખવડાવો તો પણ લાભ થાય છે.

5. શનિવારે પીપળના વૃક્ષ અથવા શમીના ઝાડની પૂજા કરો, પાણી અને સરસવ અથવા તલના તેલનો દીવો કરો. શનિદેવ પ્રસન્ન રહેશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Dharm Bhakti, Shanidev