Shani Dev: આ દેવતાઓની પૂજા કરવાથી કૃપા વરસાવે છે શનિ દેવ, બનેલી રહે છે સુખ શાંતિ

ધર્મ ભક્તિ: નવગ્રહોમાં શનિ ગ્રહનું મહત્વ વધુ હોય છે. શનિ દેવની કુદ્રષ્ટિથી મનુષ્ય જ નહિ, દેવતા પણ ભયભીત થાય છે. કુંડળીમાં શનિદેવની સ્થિતિ આપણા જીવનમાં શુભ તેમજ અશુભ પ્રભાવ પાડે છે. જો કોઈ જાતકો પર શનિદેવની દૃષ્ટિ હોય છે, તો એમના જીવનમાં એક પછી એક મુશ્કેલીઓ આવવા લાગે છે, માટે શનિને પ્રસન્ન રાખવા માટે શાસ્ત્રોમાં કેટલાક વિશેષ ઉપાય કરવામાં આવ્યા છે. પંડિત ઇન્દ્રમણિ ઘનસ્યાલ જણાવે છે કે દેવતાઓની વિશેષ પૂજા કરવાથી શનિ દેવના પ્રકોપથી બચી શકાય છે. દેવતાઓની પૂજાથી શનિ દેવ પોતાની વક્રદ્રષ્ટિ નાખતા નથી. આઓ જાણીએ છે કે દેવતાઓની પૂજાથી શનિદેવની કૃપા પ્રાપ્ત થાય છે.

ભગવાન શિવની પૂજા

ભગવાન શિવને હિન્દુ ધર્મમાં મુખ્ય દેવતા માનવામાં આવે છે. ભગવાન શિવની આરાધના કરવાથી તમામ મુશ્કેલીઓ દૂર થાય છે. જે ભક્તો ભગવાન શિવની સાચી ભક્તિથી પૂજા કરે છે, શનિદેવ તેમના પર પોતાની ખરાબ નજર નથી નાખતા. ભગવાન શિવની પૂજા કરવાથી શનિદેવની કૃપા પણ પ્રાપ્ત થાય છે. આવી સ્થિતિમાં જો શનિ કુંડળીમાં અશુભ સ્થિતિમાં હોય તો તે વ્યક્તિએ ભગવાન શિવની નિયમિત પૂજા કરવી જોઈએ.

આ પણ વાંચો: Shani Sade Sati: વર્ષ 2023માં આ રાશિઓ પર શરુ થશે શનિની સાડાસાતી અને ઢૈયા, જાણી લો

હનુમાનજીની પૂજા કરો

શાસ્ત્રોમાં હનુમાનજીની પૂજા માટે મંગળવાર અને શનિવાર નક્કી કરવામાં આવ્યા છે. શનિવારે પણ શનિદેવની પૂજા કરવામાં આવે છે. શનિદેવ હનુમાનજીથી ડરે છે કારણ કે જ્યારે શનિદેવને પોતાની શક્તિઓ પર ગર્વ થયો ત્યારે હનુમાનજીએ તેમને પાઠ ભણાવ્યો. આ કારણથી હનુમાનજીની પૂજા કરનારા ભક્તો પર શનિદેવ પોતાની ખરાબ નજર નથી નાખતા. એટલા માટે શનિદેવના પ્રકોપથી બચવા માટે હનુમાનજીની પૂજા સાથે હનુમાન ચાલીસાનો પાઠ કરવો જોઈએ.

આ પણ વાંચો: Astro Tips: સમય રહેતા થઇ જાઓ સાવધાન, આ રીતે ઓળખો ખરાબ સંકેતો



શ્રી કૃષ્ણની પૂજા

શ્રીકૃષ્ણની પૂજા કરવાથી પણ શનિદેવની કૃપા બની રહે છે. શાસ્ત્રો અનુસાર શનિદેવ પણ ભગવાન કૃષ્ણની સ્તુતિ કરે છે. શનિદેવે શ્રી કૃષ્ણના આશીર્વાદ મેળવવા માટે મથુરાના કોકિલા જંગલમાં તપસ્યા કરી હતી, તેથી શ્રી કૃષ્ણની પૂજા કરવાથી શનિદેવનું શુભ ફળ મળે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Dharm Bhakti, Shani dev