Sakat Chauth 2023: સંકટ ચોથ પર સર્વાર્થ સિદ્ધિ યોગ, લાભ-ઉન્નતિ માટે આ વિશેષ મુહૂર્તમાં કરો પૂજા

Sakat Chauth 2023: આ વર્ષે સંકટ ચોથનું વ્રત આજે 10 જાન્યુઆરી, મંગળવારે છે. સંકટ ચોથ વ્રતના દિવસે સર્વાર્થ સિદ્ધિ યોગ સહિત ત્રણ શુભ યોગ રચાઈ રહ્યા છે. આ દિવસે ભગવાન ગણેશની પૂજા વિધિપૂર્વક કરવામાં આવે છે અને વ્રત કરવામાં આવે છે. આ વખતે સંકટ ચોથ વ્રત પર ભદ્રાનો ઓછાયો પણ છે. સંકટ ચોથ દર વર્ષે માઘ મહિનાના કૃષ્ણ પક્ષની ચતુર્થી તિથિ પર આવે છે, તેથી તેને માઘની સંકષ્ટી ચતુર્થી તરીકે પણ ઓળખવામાં આવે છે.

આ પણ વાંચો :  Sakat Chauth 2023: ક્યારે છે સંકટ ચોથ? જાણો શુભ-અશુભ મુહૂર્ત અને વિધિ

સર્વાર્થ સિદ્ધિ યોગમાં સંકટ ચોથ 2023

• આ વર્ષે સંકટ ચોથ પર સર્વાર્થ સિદ્ધિ યોગ સહિત ત્રણ શુભ યોગ રચાયા છે.


• સર્વાર્થ સિદ્ધિ યોગ: સવારે 07.15 થી 09.01 સુધી


• પ્રીતિ યોગ: વહેલી સવારથી 11.20 વાગ્યા સુધી


• આયુષ્માન યોગ: સવારે 11.20 કલાકથી આખો દિવસ

સંકટ ચોથ 2023 પૂજાના લાભ - ઉન્નતિ મુહૂર્ત

સંકટ ચોથના દિવસે ભદ્રાની છાયા છે. ભદ્રા સવારે 07:15 થી બપોરે 12:09 સુધી છે. ભદ્રામાં કોઈ પણ શુભ કાર્ય ન કરો, પરંતુ પૂજા કરો, તે વર્જિત નથી. આમ પણ, ભગવાન ગણેશ એવા ભગવાન છે જે તમામ બાધાઓ દૂર કરે છે અને શુભતા પ્રદાન કરે છે.

આ દિવસે, જો તમે ઈચ્છો, તો તમે સર્વાર્થ સિદ્ધિ યોગમાં સંકટ ચોથની પૂજા કરી શકો છો. આ યોગ દરેક મનોકામના પૂર્ણ કરે છે. આ દિવસે સવારે 11:10 થી 12:29 સુધી લાભ અને ઉન્નતિનું મુહૂર્ત છે. આમાં જો તમે ગણપતિ બાપ્પાની પૂજા કરશો તો તેમના આશીર્વાદથી તમને લાભ મળશે અને જીવનમાં પ્રગતિ થશે.

આ પણ વાંચો :  Shani Mahadasha 2023: 17 જાન્યુઆરીએ શનિ બદલશે રાશિ, આ રાશિના જાતકોનો શરુ થશે કપરો સમય

સંકટ ચોથ 2023નું શુભ મુહૂર્ત

• સંકટ ચોથની તિથિનો પ્રારંભ : 10 જાન્યુઆરી, બપોરે 12:09 થી


• સંકટ ચોથની તિથિનું સમાપન : 11 જાન્યુઆરી બપોરે 02 વાગીને 31 મિનિટે


• ચંદ્રનો ઉદય: રાત્રે 08 વાગીને 41 મિનિટ પર


• આજે સાંજે, સંકટ ચોથ પૂજા માટેનું શુભ મુહૂર્ત સવારે 07 વાગીને 24 મિનિટ થી 09 વાગીને 05 મિનિટ સુધી


• સંકટ ચોથ વ્રતમાં રાત્રે ચંદ્રની પૂજા કરો, તો જ તમારું વ્રત પૂર્ણ માનવામાં આવે છે. આ કારણે વ્રત રાખનારાઓ ચંદ્રોદયની રાહ જુએ છે.

સંકટ ચોથ પર શું કરવું અને શું નહીં

સંકત ચોથ વ્રતના દિવસે, તમારે પૂજાના સમયે સંકટ ચોથ વ્રત કથા અવશ્ય વાંચવી અથવા સાંભળવી. આમ કરવાથી તમને વ્રતનું પૂરુ ફળ મળશે. સંકટ ચોથના દિવસે ગણેશજીને કાળા તલ અને ગોળના લાડુ ચઢાવો. ગણેશજી પ્રસન્ન થશે અને તમારી મનોકામનાઓ પૂર્ણ કરશે અને તમારા સંતાનોની રક્ષા કરશે. પૂજામાં ભૂલથી પણ ગણેશજીને તુલસીના પાન ન ચઢાવો, નહીં તો તમારે તેમના ક્રોધનો સામનો કરવો પડશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ganesh Chaturthi, Ganesh Chaturthi Puja, Ganpati, Sankat Chaturthi