Rashi Parivartan: એપ્રિલ 2022માં દુર્લભ સંયોગ! શનિ સહિત તમામ 9 ગ્રહ બદલશે રાશિ, જાણો કેવી રહેશે અસર

Rashi Parivartan in April 2022: જ્યોતિષશાસ્ત્ર (Astrology)માં તમામ ભવિષ્યવાણીઓ 9 ગ્રહો અને 27 નક્ષત્રોની સ્થિતિની ગણતરીના આધારે કરવામાં આવે છે. દરેક ગ્રહ અલગ-અલગ સમયગાળામાં પોતાની રાશિ બદલે છે. જેમ કે ચંદ્ર સૌથી ઓછા અઢી દિવસમાં અને શનિ સૌથી વધુ અઢી વર્ષમાં રાશિ બદલે છે. પરંતુ આ વર્ષે એપ્રિલમાં એવી દુર્લભ સ્થિતિ (rare coincidence) બની રહી છે કે આ મહિનામાં તમામ 9 ગ્રહો પોતાની રાશિઓ બદલશે. જ્યોતિષનું માનીએ તો, આવો સંયોગ ભાગ્યે જ બને છે જ્યારે એક જ મહિનામાં તમામ ગ્રહો રાશિઓ (Rashi Parivartan) બદલે. સૌરમંડળના તમામ ગ્રહોની સ્થિતિમાં થઈ રહેલા આ મોટા ફેરફારની અસર દેશ, દુનિયા અને લોકો પર પડશે.

ક્યારે કયો ગ્રહ બદલશે રાશિ

1. એપ્રિલ 2022માં ગ્રહોના પરિવર્તનની શરૂઆત મંગળથી થશે. મંગળ 7 એપ્રિલે મકર રાશિ છોડીને કુંભ રાશિમાં પ્રવેશ કરશે.

આ પણ વાંચો: નવ દિવસ ભૂલથી પણ ન કરતાં આ 7 કામ, નહીં તો આજીવન આવશે પસ્તાવવાનો વારો

2. 8 એપ્રિલે બુધનું ગોચર થશે. તે મીન રાશિથી નીકળીને મેષ રાશિમાં પ્રવેશ કરશે અને 24 એપ્રિલે ફરી રાશિ બદલીને વૃષભ રાશિમાં આવશે.

3. ત્યારબાદ 11 એપ્રિલે રાહુ ઉલટી ચાલ ચાલતા વૃષભ રાશિથી નીકળીને મેષ રાશિમાં પ્રવેશ કરશે.

4. આ દિવસે એટલે કે 11 એપ્રિલે કેતુ વૃશ્ચિક રાશિમાંથી તુલા રાશિમાં પ્રવેશ કરશે.

5. તેના 2 દિવસ બાદ 13 એપ્રિલે ગુરુ ગ્રહ કુંભ રાશિથી નીકળીને મીન રાશિમાં પ્રવેશ કરશે.

6. ત્યારબાદ 14 એપ્રિલે ગ્રહોનો રાજા સૂર્ય મીન રાશિ છોડીને મેષ રાશિમાં પ્રવેશ કરશે.

7. ત્યારબાદ 27 એપ્રિલે શુક્ર ગ્રહ કુંભ રાશિથી નીકળીને મીન રાશિમાં પ્રવેશ કરશે.

8. તેના પછીના દિવસે 28 એપ્રિલે ન્યાયના દેવતા અઢી વર્ષ પછી પોતાની જ રાશિ મકરથી નીકળીને કુંભ રાશિમાં પ્રવેશ કરશે.

9. આ દરમિયાન આખા મહિનામાં દર અઢી દિવસે ચંદ્રમા પણ પોતાની રાશિ બદલતા રહેશે.

આ પણ વાંચો: આત્મવિશ્વાસનો અભાવ દૂર કરવા અપનાવો આ જ્યોતિષ અને વાસ્તુ ટિપ્સ

શનિના રાશિ પરિવર્તનની અસર સૌથી વધુ પડશે

તમામ 9 ગ્રહોની સ્થિતિમાં થઈ રહેલું પરિવર્તન તમામ 12 રાશિઓના જાતકો પર શુભ-અશુભ અસર નાખશે. પરંતુ શનિનું ગોચર (Shani Gochar) સૌથી વધુ અસર કરશે કારણ કે તેની અસર સૌથી વધુ સમય સુધી રહે છે. એપ્રિલ 2022માં થઈ રહેલા શનિનું રાશિ પરિવર્તન ધનુ રાશિના જાતકોની સાડાસાતી ખતમ કરશે. પરંતુ આ સાથે જ મીન રાશિ પર સાડા સાતીનું પ્રથમ ચરણ શરૂ થઇ જશે.

આ સિવાય કુંભ રાશિ પર સાડા સાતીનો બીજો અને મકર પર અંતિમ તબક્કો શરૂ થશે. બીજી તરફ મિથુન અને તુલા રાશિના જાતકોને શનિની ઢૈય્યાથી મુક્તિ મળશે. તેની સાથે જ કર્ક અને વૃશ્ચિક પર ઢૈયા શરૂ થશે. આ રીતે શનિનું રાશિ પરિવર્તન મીન, કર્ક અને વૃશ્ચિક રાશિના લોકો માટે પરેશાની આપનાર સાબિત થશે. (Disclaimer: આ લેખમાં આપવામાં આવેલી માહિતી સામાન્ય ધારણાઓ પર આધારિત છે. ગુજરાતી ન્યુઝ18 તેની પુષ્ટિ કરતું નથી. તેનો અમલ કરતા પહેલા કૃપા કરીને સંબંધિત નિષ્ણાતનો સંપર્ક કરો)

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Astrology in gujarati, Dharm Bhakti, Horoscope in gujarati, Rashi Parivartan, Transit effect, ધર્મભક્તિ