શાસ્ત્રોમાં જણાવાયા છે શૌચ અને દાંત સાફ કરવાના પણ નિયમો, જાણો યોગ્ય રીત

ધર્મ ડેસ્ક: હિન્દૂ ધર્મ ગ્રંથોમાં વ્યક્તિની દિનચર્યાનો ઉલ્લેખ કરવામાં આવ્યો છે. ભવિષ્ય પદ્મ તેમજ વિષ્ણુ પુરાણ સહિત ઘણી સ્મૃતિઓમાં મનુષ્યના સવારે ઉઠવાથી લઇ શૌચ, દાંત સાફ તેમજ સ્નાન સહિત રાત્રે સુવા સુધીના નિયમો જણાવવામાં આવ્યા છે. આજે અમે એમાંથી શૌચ અને દાંત સાફ કરવાના નિયમો અંગે જણાવશુ. જેનું પાલન શુદ્ધતા તેમજ સ્વચ્છતા ઉપરાંત વ્યક્તિની ચેતના અને આધ્યાત્મિકતા ઉન્નતિ માટે જરૂરી માનવામાં આવ્યા છે.

શાસ્ત્રો અનુસાર શૌચની વિધિ

પંડિત રામચંદ્ર જોશી અનુસાર, શાસ્ત્રોમાં જણાવવાયુ છે કે વ્યક્તિને બ્રમ્હ મુહૂર્ત એટલે સૂર્યોદયના લગભગ દોઢ કલાક પહેલા ઉઠવું જોઈએ. આંખ ખોલ્યા સાથે જ બંને હાથની હથેળીના દર્શન કરી પૃથ્વી માતાનું અભિવાદન કરી પગ ધરતી પર રાખવું જોઈએ. પછી માંગલિક વસ્તુઓ, માતા-પિતા, ગુરુ તેમજ ઈશ્વરને નમસ્કાર કરી શૌચ માટે જવું જોઈએ. શૌચ સમયે માટીનો પ્રયોગ કરવો જરૂરી છે.

એકવાર પેશાબની નળી અને ત્રણ વાર મળ સ્થાનને માટી અને પાણીથી સાફ કરવું જોઈએ. આ પછી ડાબા હાથને દસ વાર અને બંને હાથને સાત વાર માટીથી ધોવા. પગને માટીથી ત્રણ વાર ધોઈને આઠ વાર કોગળા કરવા જોઈએ. વિષ્ણુ પુરાણ અને વશિષ્ઠ સ્મૃતિ અનુસાર દિવસ દરમિયાન ઉત્તર દિશા તરફ અને રાત્રે દક્ષિણ તરફ મુખ કરીને પેશાબ અને મળ પસાર કરવો જોઈએ. તેનાથી ઉંમર ઓછી થતી નથી. જો તમે સવારે પૂર્વ તરફ અને રાત્રે પશ્ચિમ તરફ મુખ કરીને પેશાબ કરો તો માઈગ્રેન થવાની સંભાવના છે. શૌચના નિયમોને રાત્રે અડધું, માર્ગમાં ચોથાઈ અને દર્દીઓ માટે તેમની ક્ષમતા અનુસાર પાલન કરવાનું વિધાન છે.

આ પણ વાંચો: મકરસંક્રાંતિ પર કરો આ પાંચ વસ્તુઓનું દાન, શનિ સહિત 6 ગ્રહોના દોષ થશે દૂર



શાસ્ત્રો અનુસાર દાંત સાફ કરવાની વિધિ

પંડિત જોશીના જણાવ્યા અનુસાર, શૌચાલય ગયા પછી વ્યક્તિએ શાંતિથી દાંત સાફ કરવા જોઈએ. દાંતન માટે ખેર, કરંજ, કદંબા, બડ, આમલી, વાંસ, કેરી, લીમડો, ચિચડા, બેલ, આક, ગુલર, બદરી, તીંદુકનો ઉપયોગ કરવો જોઈએ. પૂર્વ અને ઉત્તર તરફ મુખ કરીને દાંત સાફ કરવા જોઈએ. પૂર્વ દિશા તરફ મુખ કરીને મંજન કરવાથી ધીરજ, સુખ અને શરીરની તંદુરસ્તી પ્રાપ્ત થાય છે. દક્ષિણ તરફ મુખ કરવાથી દુઃખ થાય છે અને દાંત સાફ કરવાથી પરાજય થાય છે. ઉત્તર-પૂર્વ દિશામાં મુખ રાખીને દાંત સાફ કરવું દરેક રીતે શુભ માનવામાં આવે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Dharm Bhakti, Hindu dharm, Vastu shastra