Agni Panchak 2022: નવા વર્ષ પર 'અગ્નિ પંચક'નો ઓછાયો! આજથી જ ચેતજો, આ વસ્તુઓથી રહેજો દૂર

Agni Panchak Date : પંચકનો સમય અનેક કાર્યો માટે શુભ માનવામાં આવતો નથી. હિન્દુ ધર્મ અને જ્યોતિષ શાસ્ત્રમાં પંચક કાળના 5 દિવસ માટે ઘણા નિયમો આપવામાં આવ્યા છે, જેમાં કેટલીક વસ્તુઓ ખરીદવા અને કેટલાક શુભ કાર્યો કરવાની સખત મનાઈ છે. પરંતુ આ મહિનાનું પંચક લોકો માટે વધુ પરેશાનીનું કારણ બની શકે છે.

હકીકતમાં આજે 27મી ડિસેમ્બર 2022, મંગળવારથી શરૂ થયેલ પંચક 31મી ડિસેમ્બર સુધી ચાલશે અને તે સામાન્ય પંચક નહીં, પરંતુ અગ્નિ પંચક હશે. જો કે, આ સમય દરમિયાન લોકો વર્ષ 2022ને વિદાય આપવા અને વર્ષ 2023ને આવકારવાના જશ્નમાં ડૂબેલા રહેશે. પરંતુ તેઓએ થોડી સાવચેતી પણ રાખવી જોઈએ કારણ કે અગ્નિ પંચક દરમિયાન દુર્ઘટનાઓ ઘટવાની સંભાવના વધારે છે.

આ પણ વાંચો :  shani Gochar 2023 : શનિદેવ 30 વર્ષ પછી બદલશે ચાલ, આ 4 રાશિઓ માટે ખુલશે સૌભાગ્યના દ્વાર

પંચક ડિસેમ્બર 2022 (Panchak December 2022)

જ્યારે ચંદ્ર કુંભ અને મીન રાશિમાં ગોચર કરે છે ત્યારે પંચક થાય છે. આ ઉપરાંત જ્યારે ચંદ્ર ધનિષ્ઠા નક્ષત્ર, શતભિષા નક્ષત્ર, રેવતી નક્ષત્ર, ઉત્તરા ભાદ્રપદ અને પૂર્વાભાદ્રપદના ત્રીજા પદમાં ભ્રમણ કરે છે ત્યારે પંચક પણ થાય છે. આ વખતે મંગળવારથી પંચકની શરૂઆત થઈ રહી છે, જે અગ્નિ પંચક હશે. અગ્નિ પંચકને સૌથી શુભ માનવામાં આવે છે. હિન્દુ પંચાંગ અનુસાર, આ વખતનું પંચક 27 ડિસેમ્બર, 2022, મંગળવારની સવારે 3:31થી શરૂ થશે, જે 31 ડિસેમ્બર, 2022, શનિવારની સવારે 11:47 વાગ્યે સમાપ્ત થશે. આ દરમિયાન સાવચેત રહો.

પંચક દરમિયાન આ બાબતોનું ખાસ ધ્યાન રાખો

પંચક દરમિયાન લાકડા કે લાકડાની વસ્તુઓ ખરીદવી અશુભ માનવામાં આવે છે. આ દરમિયાન કોઈપણ પ્રકારનું ઈંધણ એકઠું કરવું પણ સારું માનવામાં આવતું નથી.

આ પણ વાંચો :  Griha Pravesh Muhurat 2023: નવા વર્ષમાં ગૃહ પ્રવેશ માટે આ તિથિઓ છે શુભ, એક ક્લિકે જુઓ જાન્યુઆરીથી ડિસેમ્બર સુધીની લિસ્ટ

પંચક દરમિયાન પલંગ કે ખાટલા ન ખરીદો. આમ કરવું એ તમારા પોતાના હાથે જીવનમાં મુશ્કેલીઓને આમંત્રણ આપવા સમાન છે.

પંચક દરમિયાન ઘરનું બાંધકામ શરૂ કરવું, ઘરની છતનું કામ કરાવવું પણ ખૂબ જ અશુભ માનવામાં આવે છે. જે ઘરનું બાંધકામ પંચક દરમિયાન શરૂ થાય છે તેમાં રહેતા પરિવારને ઘણી સમસ્યાઓનો સામનો કરવો પડે છે.



પંચક દરમિયાન દક્ષિણ દિશામાં યાત્રા ન કરવી જોઈએ કારણ કે દક્ષિણ દિશાને યમરાજની દિશા માનવામાં આવે છે. તેથી, જો આ દિશામાં મુસાફરી કરવામાં આવે તો, મુસાફરીમાં અકસ્માત અથવા દુઃખ થવાની સંભાવના છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Astro, Astro Tips, Astrology