Home /News /dharm-bhakti /Dussehra 2022: અહીં દશેરામાં ન રામ હોય છે કે ન રાવણ, જાણો કેમ છે મૈસૂરનો દશેરા ખાસ?

Dussehra 2022: અહીં દશેરામાં ન રામ હોય છે કે ન રાવણ, જાણો કેમ છે મૈસૂરનો દશેરા ખાસ?

અહીં દશેરામાં ન રામ હોય છે કે ન રાવણ, તો પણ કરવામાં આવે છે ઉજવણી

Dussehra 2022: મૈસૂરનો દશેરા અન્ય દશેરા કરતા અલગ છે, કારણ કે અહીં રામની પુજા અને રાવણના પૂતળાનું દહન કરવામાં આવતું નથી. તેના બદલે, દેવી ચામુંડાએ મહિસાસુર રાક્ષસનો વધ કર્યો હતો, તેને લઈને દશેરા ધામધૂમથી ઉજવવામાં આવે છે.

    મૈસુર: દેશભરમાં આજે બુધવારે દશેરા (Mysore Dussehra Celebration 2022) ની ઉજવણી કરવામાં આવી રહી છે. જો કે આ તહેવાર સમગ્ર ભારતમાં ખાસ કરીને ઉત્તર ભારતમાં ઉજવવામાં આવે છે, પરંતુ મૈસુરનો દશેરા સૌથી અલગ અને અનોખો છે. મૈસૂરનો દશેરા અન્ય દશેરા કરતા અલગ છે, કારણ કે અહીં ન રામ હોય છે કે, ન રાવણના પૂતળાનું દહન કરવામાં આવે છે. તેના બદલે, જ્યારે દેવી ચામુંડાએ મહિસાસુર રાક્ષસનો વધ કરવાને લઈને દશેરા ધામધૂમથી ઉજવવામાં આવે છે. નવરાત્રીના પહેલા દિવસથી અહીં દશેરાની ઉજવણી શરૂ થાય છે. લગભગ 10 દિવસ સુધી ચાલનારા આ ફેસ્ટિવલમાં લાખો પ્રવાસીઓ એકઠા થાય છે. દશેરાનો 10 દિવસનો તહેવાર ચામુંડેશ્વરી દેવી દ્વારા મહિષાસુરના વધને ચિહ્નિત કરવા માટે માનવામાં આવે છે. તહેવારની શરૂઆત દેવી ચામુંડેશ્વરી મંદિરમાં પ્રાર્થના સાથે થાય છે.

    આ પણ વાંચો:  હવામાન બદલાયું, વોટરપ્રૂફ રાવણ દહન કરવું બન્યું મુશ્કેલ

    મૈસુરના આ દશેરાનો ઈતિહાસ સદીઓ જૂનો છે. એવું કહેવાય છે કે, ચૌદમી સદીમાં પ્રથમ વખત હરિહર અને બુક્કા નામના બે ભાઈઓએ નવરાત્રિની ઉજવણી કરી હતી. આ પછી, વાડિયાર વંશના શાસક કૃષ્ણરાજા વાડિયારે તેનું નામ દશેરા રાખ્યું અને ત્યારથી 10 દિવસના તહેવારની પરંપરા ચાલી રહી છે. આ વર્ષે મૈસુર આ ભવ્ય ઉત્સવની 408મી વર્ષગાંઠ ઉજવવા જઈ રહ્યું છે. આવો જાણીએ મૈસુરના દશેરાની ખાસ વાતો...

    રાજવંશ વિજયનગરએ કરી હતી શરૂઆત:

    મૈસુર દશેરાનું આયોજન સૌપ્રથમ 1610માં કરવામાં આવ્યું હતું. આ તહેવારની ઉજવણી અહીં 15મી સદીમાં દક્ષિણના સૌથી શક્તિશાળી રાજવંશ વિજયનગર દ્વારા કરવામાં આવી હતી. આ તહેવાર વિજયનગર સામ્રાજ્યના ઇતિહાસમાં મહત્વપૂર્ણ ભૂમિકા ભજવે છે. ઘણા ઈતિહાસકારોએ આ મૈસૂર દશેરાનો તેમના અહેવાલો અને લખાણોમાં વિજયનગરના સૌથી મહત્વપૂર્ણ ધાર્મિક તહેવાર તરીકે ઉલ્લેખ કર્યો છે. તે દરમિયાન, તહેવારની સાથે ઘણા વિશેષ કાર્યક્રમોનું પણ આયોજન કરવામાં આવ્યું હતું, જેમાં ગાયન, પરેડ, સરઘસ વગેરેનો સમાવેશ થતો હતો.

    ચામુંડીની ટેકરી રોશનીથી ઝગમગી ઉઠી છે:

    ચામુંડેશ્વરી દેવી ચામુંડીની ટેકરીઓ પર બિરાજમાન છે. દશેરાના અવસર પર આ ટેકરીને 1.5 લાખથી વધુ ઇલેક્ટ્રિક બલ્બથી શણગારવામાં આવે છે. તે જ સમયે, મૈસૂર મહેલની સજાવટમાં 90 હજારથી વધુ ઇલેક્ટ્રિક બલ્બનો ઉપયોગ કરવામાં આવે છે. દશેરાની શોભાયાત્રામાં, શણગારેલા હાથીઓ પર સાડા 700 કિલોગ્રામ વજનના સોનાના સિંહાસન પર બિરાજ્યા પછી ચામુંડેશ્વરી દેવી નીકળે છે. ચામુંડેશ્વરી દેવીની પ્રથમ પૂજા રાજવી પરિવાર દ્વારા કરવામાં આવે છે. આ સુવર્ણ સિંહાસન મૈસુરના કારીગરો દ્વારા બનાવેલ કારીગરીનો અદભૂત નમૂનો છે, જેનો ઉપયોગ વર્ષમાં માત્ર એક જ વાર વિજયાદશમી પર માતાની સવારી માટે થાય છે.



    શોભાયાત્રા હર્ષોલ્લાસ સાથે નીકળે છે:

    મૈસુર દશેરાના અવસરે મહેલને સજાવવા ઉપરાંત, એક વિશેષ શાહી શોભાયાત્રા પણ કાઢવામાં આવે છે, ગાવાના કાર્યક્રમો થાય છે, જેને જોવા માટે પ્રવાસીઓની ભારે ભીડ ઉમટી પડે છે. આ શોભાયાત્રાનું આયોજન નવરાત્રીના છેલ્લા દિવસે એટલે કે, વિજયાદશમી પર કરવામાં આવે છે, જેને સ્થાનિક રીતે જાંબુ સવારી તરીકે પણ ઓળખવામાં આવે છે. આ યાત્રાનું મુખ્ય આકર્ષણ મા દુર્ગાની મૂર્તિ છે, જે સુશોભિત હાથી પર સુવર્ણ મંડપ (હૌડા) પર મૂકવામાં આવે છે. આ શોભાયાત્રા વાજતે ગાજતે કાઢવામાં આવે છે.
    Published by:Samrat Bauddh
    First published:

    Tags: Dussehra 2022, Ravan Dahan, Vijyadasi Celebration

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन