સોમવારે પુત્રદા એકાદશી, આ એકાદશી કરવાથી સંતાન ના હોય તેમને પુત્રની પ્રાપ્તિ થાય

સોમવાર તા. ૬ જાન્યુઆરી રોજ પોષ સુદ એકાદશીના રોજ શ્રી સ્વામિનારાયણ મંદિર-કુમકુમ-મણિનગર ખાતે મહંત શાસ્ત્રી આનંદપ્રિયદાસજી સ્વામીની નિશ્રામાં પુત્રદા એકદાશીની ઉજવણી કરવામાં આવશે. આ પ્રસંગે સમૂહપ્રાર્થના, સ્વામિનારાયણ મહામંત્રની ધૂન, વચનામૃત અને જીવનપ્રાણ બાપાશ્રીની વાતોનું પઠન કરવામાં આવશે. સવારે ૮-૦૦ શ્રી સ્વામિનારયણ ભગવાનને વિશિષ્ટ શણગાર સજવામાં આવશે.

સાંજે ૬-૩૦ થી ૭-૧પ સમૂહ પ્રાર્થના - શ્લોકગાન - એકાદશી નિમિત્તે શ્રી મુકતજીવન. ગુરુકુળના વિદ્યાર્થીઓ ઔચ્છવ કરશે. રાત્રે ૯-૦૦ થી ૧૦-૦૦ યુવાનોની સત્સંગ સભા યોજાશે.

કુમકુમ મંદિરના સાધુ પોષસુદ એકાદશી અંગે જણાવ્યું હતું કે, આ પોષસુદ એકાદશી ને પુત્રદા એકાદશી કહેવામાં આવે છે, આ એકાદશી કરવાથી જેમને સંતાન ના હોય તેમને પુત્રની પ્રાપ્તિ થાય છે તથા ભગવાનના અક્ષરધામની પ્રાપ્તિ થાય છે. આ એકાદશી કરનારને અશ્વમેધ યજ્ઞનું ફળ મળે છે. પૂર્વે ભદ્રવતી નગરીના સુકેતુ રાજાએ અને તેમની પત્ની શૈલ્યાએ આ વ્રત કર્યુ હતું તેથી તેમને પુત્રની પ્રાપ્તિ થઈ હતી તેવું ભવિષ્યોત્તર પુરાણમાં કથા વર્ણન કરવામાં આવેલી છે.

આ એકદાશી કરવાથી ઈચ્છિત સંકલ્પો પુર્ણ થાય છે અને પાપોમાંથી મુકિત મળે છે. આધ્યાત્મિક, આધિભૌતિક, આધિદૈવિક તાપમાંથી મુકિત મળે છે. શ્રી સ્વામિનારાયણ ભગવાને પણ આ એકદાશી કરવાની આજ્ઞા વચનામૃત તેમજ શિક્ષાપત્રી ગ્રંથમાં આજ્ઞા કરી છે એકાદશીના દિવસે નકોરડો ઉપવાસ કરવો જાઈએ, કદાચ ના થાય તો ફલાહાર કરવું જાઈએ પણ અનાજ તો ખાવું જ ના જાઈએ. જે આવી રીતે કરે છે વ્રત તેની ઉપર શ્રી સ્વામિનારાયણ ભગવાનની પ્રસન્તા થાય છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Monday