Mauni Amavasya 2023: આજે મૌની અમાસ, જાણો મુહૂર્ત, પૂજા-વિધિ અને પિતૃ દોષના ઉપાય

આજે 21 જાન્યુઆરીએ મૌની અમાસ વ્રત છે. આજે સવારથી ગંગા સહીત તમામ પવિત્ર નદીઓમાં લોકો સ્નાન કરવા લાગે છે. ત્યાર પછી સૂર્ય દેવ, ભગવાન વિષ્ણુ, પિતૃ દેવ, શનિ દેવની પૂજા કરવાની હોય છે. શનિ દેવની પૂજા એટલા માટે કારણ કે આજે મૌની અમાસ સાથે શનિ અમાસ પણ છે. આજના દિવસે મૌન વ્રત રાખી ઓછામાં ઓછું બોલવાની કોશિશ કરો. ભગવાન વિષ્ણુના મંત્રોનો જાપ કરવો કલ્યાણકારી હોય છે. ભગવાન વિષ્ણુના આશીર્વાદથી મોક્ષ પ્રાપ્ત થાય છે. મૌની અમાસ પર પિતૃ દોષથી મુક્તિ મેળવવાના ઉપાય કરવામાં આવે છે. કાશીના જ્યોતિષાચાર્ય ચક્રપાણી ભટ્ટ પાસે જાણીએ છે મૌની અમાસના મુહૂર્ત, પિતૃ દોષ ઉપાય, વ્રત અને પૂજા વિધિ અંગે.

મૌની અમાસ 2023 મુહૂર્ત

માહ અમાસ તિથિનો પ્રારંભ: આજે, સવારે 06:17 થી
માહ અમાસ તિથિની સમાપ્તિ: કાલે સવારે 02:22 વાગ્યે
સ્નાનનો સમય: સૂર્યોદયથી
બ્રહ્મ મુહૂર્ત: સવારે 05:27 થી 06:20 સુધી

મૌની અમાસનું વ્રત અને પૂજા પદ્ધતિ

1. સવારે સ્નાન કર્યા પછી સૌપ્રથમ સૂર્યદેવને અર્ઘ્ય ચઢાવો. પાણીમાં કાળા તલ, ફૂલ, લાલ ચંદન મિક્સ કરીને જળ ચઢાવો.

2. આ પછી પિતૃઓને જળથી તર્પણ કરો. પૂર્વજોને પાણીથી તૃપ્ત કરવા જોઈએ. આનાથી તેમને સુખ અને શાંતિ મળશે.

3. હવે તમે ભગવાન વિષ્ણુની પૂજા કરો. તેમને પીળા ફૂલ, પંચામૃત, તુલસીના પાન, વસ્ત્ર, અક્ષત, હળદર, ધૂપ, દીવો, નૈવેદ્ય વગેરે અર્પણ કરો. આ દરમિયાન ઓમ નમો ભગવતે વાસુદેવાય નમઃ મંત્રનો જાપ કરો.

4. વિષ્ણુ સહસ્ત્રનામ, વિષ્ણુ ચાલીસા અને મૌની અમાસ વ્રત કથાનો પાઠ કરો. તેનાથી તમારા દુ:ખ દૂર થશે અને તમારી મનોકામનાઓ પૂર્ણ થશે.

આ પણ વાંચો: Mauni Amavasya 2023: મૌની અમાસ પર રચાઇ રહ્યો છે શનિ સંયોગ, ભગવાન વિષ્ણુ-શનિદેવને આ રીતે કરો પ્રસન્ન

5. આજે શનિ અમાસ પણ છે, તેથી તમારે શનિદેવની પૂજા કાળા તલ, સરસવનું તેલ, તલના તેલ વગેરેથી કરવી જોઈએ. શનિ ચાલીસાનો પાઠ કરો.

મૌની અમાસનું દાન

સ્નાન અને પૂજા પછી દાન કરો. તમારી ક્ષમતા અનુસાર કપડાં, ધાબળા, અનાજ, ઘી, ગોળ, કાળા તલ, સોનું, ગાય વગેરેનું દાન કરો.

મૌની અમાસ પર પિતૃ દોષના ઉપાય

1. મૌની અમાસ પર પિતૃ દોષથી મુક્તિ મેળવવા માટે તમારે પિતૃઓનો યજ્ઞ કરવો જોઈએ. તે પછી તમે પિંડ દાન, શ્રાદ્ધ કર્મ વગેરે કરી શકો છો.

2. પિતૃ દોષથી મુક્તિ મેળવવા માટે બ્રાહ્મણોને દાન કરો. દાનથી પણ પૂર્વજો સંતુષ્ટ થાય છે.

આ પણ વાંચો: Mauni Amavasya 2023: મૌની અમાસે સૂર્ય અને શુક્રની યુતિથી રચાશે ખપ્પર યોગ, આ 5 કામ કરવાથી પુણ્યનું ભાથું બંધાશે



3. આ દિવસે પિતૃઓને ભોજન અર્પણ કરો. આ માટે ખોરાક બનાવો અને ગાય, કૂતરા અને કાગડાને ખવડાવો.

4. પિતૃ સ્તોત્રનો પાઠ કરવાથી પિતૃ દોષમાંથી પણ મુક્તિ મળે છે. આ દિવસે તમે ગુરુ પુરાણ સાંભળી શકો છો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Amavasya, Dharm Bhakti