Margshirsha Purnima 2022: માર્ગશીર્ષ પૂર્ણિમાની જાણી લો સાચી તારીખ, આ છે શુભ મુહુર્ત અને પૂજા વિધિ

માર્ગશીર્ષ પૂર્ણિમાની તિથિને લઇને આ વખતે પણ મૂંઝવણ છે. માર્ગશીર્ષ પૂર્ણિમા બાદથી પોષ માસ શરૂ થઇ જાય છે. આ વખતે માર્ગશીર્ષ પૂર્ણિમા 7 ડિસેમ્બરે સવારે શરૂ થઇ રહી છે અને બીજા દિવસે 8 ડિસેમ્બરે સવારે 8 વાગ્યે સમાપ્ત થશે. તેથી લોકો 7 અને 8 ડિસેમ્બરની તારીખને લઇને મૂંઝવણમાં છે.

સ્નાન અને દાનની પૂર્ણિમા તથા વ્રતની પૂર્ણિમાને લઇને પણ મૂંઝવણ છે. આ દિવસે દત્તાત્રેય જયંતિ ઉજવવામાં આવે છે. આખો દિવસ પૂર્ણિમા તિથિ હોવાના કારણે કેટલાંક લોકો 7 ડિસેમ્બરે પૂર્ણિમા ઉજવી રહ્યાં છે, ત્યાં ઉદયા તિથિ ઉજવનારા લોકો 8 ડિસેમ્બરે પૂર્ણિમા તિથિ ઉજવી રહ્યાં છે.

આ પણ વાંચો :Vastu Tips : થાળીમાં 3 રોટલી મૂકવી અશુભ, ઘરમાં આવે છે દરિદ્રતા, જાણો ભોજન પીરસવાના સાચા નિયમ

કહેવામાં આવે છે કે પૂર્ણિમા તિથિના સ્વામી ચંદ્રમા છે. આ દિવસે દરેક પ્રકારની માનસિક સમસ્યાઓમાંથી છૂટકારો મળી જાય છે. પૂર્ણિમા તિથઇના દિવસે દાન, સ્નાન અને ધ્યાનનું વિશેષ મહત્વ હોય છે. આ દિવસે જે પોતાના પિતૃઓનું તર્પણ કરે છે, તેમને પિતૃદોષમાંથી મુક્તિ મળી જાય છે.

માર્ગશીર્ષ પૂર્ણિમા તિથિ અને શુભ મુહૂર્ત

માર્ગશીર્ષ માસની પૂર્ણિમા 07 ડિસેમ્બરે સવારે 08 વાગીને 01 મિનિટે પ્રારંભ થઇને 08 ડિસેમ્બરે સવારે 08.37 મિનિટ પર સમાપ્ત થશે.

આ પણ વાંચો : Vastu Tips : ઘરના દરવાજા પર મુકી દો આ 4માંથી કોઇ એક શુભ વસ્તુ, સુખ-સમૃદ્ધિ સામે ચાલીને આવશે તમારે દ્વાર

માર્ગશીર્ષ પૂર્ણિમાના દિવસે કેવી રીતે કરશો સ્નાન અને ધ્યાન

• સ્નાન બાદ વ્રતનો સંકલ્પ લો.


• જળમાં તુલસીના પાન નાંખો.


• જળને માથા પર લગાવીને પ્રણામ કરો.


• તે બાદ સૂર્ય દેવને અર્ધ્ય આપો.


• હવે સૂર્યદેવના મંત્રોનો જાપ કરો.


• મંત્ર જાપ બાદ સફેદ વસ્તુઓ અને જળનું દાન કરો.


• રાત્રે ચંદ્રમાને અર્ધ્ય જરૂર આપો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Lord Vishnu, Poonam, Vishnu, Vishnu Bhagwan