Makar Sankranti 2023: જાણો સૂર્ય કેટલા વાગ્યે કરશે મકર રાશિમાં પ્રવેશ, રાશિ અનુસાર કરો આ ઉપાય

જ્યોતિષી ગણનાઓ અનુસાર સૂર્ય મકર રાશિમાં ગોચર આજે 14 જાન્યુઆરીએ કરશે. આ ગોચર કાળમાં જ મકરસંક્રાંતિનો પર્વ ઉજવવામાં આવશે અને સૂર્ય દેવની આરાધના કરવામાં આવશે છે. હિન્દૂ ધર્મમાં મકરસંક્રાંતિ પર્વનું વિશેષ મહત્વ છે.

મકરસંક્રાંતિ પર્વ આ નામોથી પણ પ્રચલિત છે

મકરસંક્રાંતિનો તહેવાર ભારતના જુદા જુદા ભાગોમાં લોહરી, ભોગી પાંડુગા, પોંગલ, પેડા પાંડુગા, ઉત્તરાયણ, માઘ બિહુ જેવા વિવિધ નામો અને પરંપરાઓ સાથે ઉજવવામાં આવે છે. મકર સંક્રાંતિ એ બે શબ્દો મકર અને સંક્રાતિથી બનેલો છે. મકરનો અર્થ મકર રાશિ છે અને સંક્રાંતિનો અર્થ થાય છે પરિવર્તન. જ્યોતિષ શાસ્ત્ર અનુસાર જ્યારે સૂર્ય દેવ મકર રાશિમાં પ્રવેશ કરે છે ત્યારે તેને મકરસંક્રાંતિ કહેવામાં આવે છે.

સૂર્યનું મકર રાશિમાં ગોચર 14 જાન્યુઆરી, 2023ના રોજ 08.22 મિનિટે થશે. શનિ મકર રાશિનો સ્વામી છે. આવી સ્થિતિમાં, સૂર્યના આ ગોચરની ઘણી અસરો જોવા મળશે. સૂર્ય અને શનિને એકબીજાના શત્રુ ગ્રહો માનવામાં આવે છે, પરંતુ બંને વચ્ચે પિતા-પુત્રનો સંબંધ છે. આ દરમિયાન સૂર્યદેવ શનિ પ્રત્યેના તેમના ક્રોધને ભૂલી જશે અને તેમને આશીર્વાદ આપશે.

આ પણ વાંચો: Makar Sankranti 2023: મકરસંક્રાંતિ પર આ રીતે કરશો સ્નાન, તો ધોવાઈ જશે બધા પાપ, આ રહી સંપૂર્ણ રીત

મકરસંક્રાંતિ પર રાશિ પ્રમાણે કરો આ ઉપાય

- મેષ: તાંબાના વાસણમાં દરરોજ સૂર્યને જળ અર્પિત કરો.
- વૃષભ: તમારા પિતા અને પિતા જેવા લોકોનું સન્માન કરો અને ઘર છોડતા પહેલા તેમના આશીર્વાદ લો.
- મિથુન: દરરોજ આદિત્ય હૃદય સ્તોત્રનો પાઠ કરો.
- કર્કઃ સૂર્યદેવની પૂજા કરો અને દરરોજ સૂર્ય નમસ્કાર કરો.
- સિંહ: સારા સ્વાસ્થ્ય માટે આદુ, તલ અને ગોળનું નિયમિત સેવન કરો.
- કન્યા: મકરસંક્રાંતિના દિવસે નાના બાળકોને ગોળ અને તલનું દાન કરો.
- તુલા: તમારા પિતા અને પિતા જેવા લોકોને ઊની વસ્ત્રો ભેટમાં આપો.
- વૃશ્ચિક: રોજ સવારે પાણીમાં ગુલાબની પાંખડીઓ નાખીને સૂર્યને જળ અર્પિત કરો.

આ પણ વાંચો: Makar Sankranti: મકરસંક્રાંતિના દિવસે શા માટે ખાવામાં આવે છે ખીચડી? ખીલજીના આક્રમણ સાથે જોડાયેલી પરંપરા



- ધનુ: સવારે વહેલા ઉઠીને તમારા પિતાની સેવા કરો અને તેમના ચરણ સ્પર્શ કરો.
- મકરઃ- ગાયને રોજ ગોળ સાથે ઘઉંના લોટની રોટલી આપો.
- કુંભ: ગરીબ અને જરૂરિયાતમંદોને તલ અને ગોળની મીઠાઈ અને ધાબળાનું દાન કરવું
- મીન: દરરોજ ગાયત્રી મંત્રનો જાપ કરો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Dharm Bhakti, Makar sankranti, Makarsankranti, Sun Transit, Surya Gochar