Home /News /dharm-bhakti /Makar Sankranti 2023: મકરસંક્રાંતિ પર દાનનો વિશિષ્ટ મહિમા, જાણો તમારી રાશિ પ્રમાણે શું દાન કરવું જોઈએ?

Makar Sankranti 2023: મકરસંક્રાંતિ પર દાનનો વિશિષ્ટ મહિમા, જાણો તમારી રાશિ પ્રમાણે શું દાન કરવું જોઈએ?

Makar Sankranti Daan According to Rashi

Makar Sankranti Daan According to Rashi: સનાતની પરંપરામાં મકરસંક્રાંતિના તહેવાર પર દાન-પુણ્ય કરવાનો અનેરો મહિમા છે. જ્યારે આજે આપણે અહી વિદ્વાન જ્યોતિષાચાર્ય પાસેથી જાણીશું કે તમારી રાશિ પ્રમાણે શું દાન કરવું જોઈએ? અને સૂર્ય ને કઈ રીતે અર્ધ્ય આપવો...

વધુ જુઓ ...
  • News18 Gujarati
  • Last Updated :
  • Ahmadabad (Ahmedabad) [Ahmedabad], India
Makar Sankranti Daan According to Rashi: સનાતની પરંપરામાં મકરસંક્રાંતિના તહેવાર પર દાન-પુણ્ય કરવાનો અનેરો મહિમા છે. આ પવિત્ર તહેવાર પર લોકો પોતપોતાની યથા શક્તિ પ્રમાણે દાન-પુણ્ય કરતાં હોય છે. પરંતુ જો જાતકો પોતાની રાશિ પ્રમાણે દાન-પુણ્ય કરે છે તો તેને વધુ વિશિષ્ટ લાભ મળે છે. આ બાબતે ન્યૂઝ 18 સાથે ખાસ વાત કરતાં જ્યોતિષાચાર્ય રોહિત જીવાણી જણાવે છે કે, મકરસંક્રાંતિ નું પર્વ નજીક આવી રહ્યું છે, 14 જાન્યુઆરી (makar sankranti 2023) શનિવારે રાત્રે 8.46 કલાકે સૂર્ય મહારાજ મકર રાશિમાં પ્રવેશ કરશે જયારે શનિ મહારાજ તેના ત્રણ દિવસ પછી જ મકરમાંથી કુંભ રાશિમાં પ્રવેશ કરશે.

કર્મનો ન્યાય કરતા શનિ મહારાજ સૂર્યના જ પુત્ર છે અને મકરસંક્રાંતિ પર સૂર્ય તેના પુત્રની રાશિમાં આવે છે. જ્યારે આ વર્ષે સંયોગ એવો છે કે સૂર્ય પુત્રની પ્રથમ રાશિ મકરમાં આવે છે અને ત્રણ દિવસ પછી જ શનિ મહારાજ મકર રાશિ છોડી પોતાની બીજી રાશિ કુમ્ભમાં ભ્રમણ શરુ કરશે.

બીજો સંયોગ એ છે કે મકરસંક્રાંતિ પુણ્યકાળ રવિવારે જ આવે છે કેમ સૂર્ય મકરમાં રાત્રે પવેશ કરે છે. જેથી રાત્રે સ્નાન અને દાન નથી કરવામાં આવતુ. આ માટે ઉદય તિથિની માન્યતા છે એટલે કે જ્યારે સૂર્યોદય થશે, તે સમયે મકરસંક્રાંતિ સ્નાન (makar sankranti snan) અને દાન કરવામાં આવશે.

આ પણ વાંચો:  Makar Sankranti 2023: મકરસંક્રાંતિ પર્વ લાવ્યું ઘણા વિશિષ્ઠ સંયોગ, વર્ષો પછી ત્રણ દિવસના ટૂંકા ગાળામાં સૂર્યનું રાશિ પરીવર્તન

કઈ રાશિએ શું દાન (makar sankranti rashi dan) કરવું અને સૂર્યને કઈ રીતે અર્ધ્ય આપવો?


વધુમાં જ્યોતિષાચાર્ય રોહિત જીવાણી જણાવે છે કે, મકરસંક્રાંતિનો પુણ્યકાળ બીજે દિવસે એટલેક રવિવારે સવારે સૂર્યોદયથી લઈને સાંજે 5.25 સુધી છે આ પણ સંયોગ છે કે મકરસંક્રાંતિ પુણ્યકાળ રવિવારે જ આવી રહ્યો છે. જે મકરસંક્રાંતિની અસરને વધુ મજબૂત બનાવે છે.

મકરસંક્રાંતિ પર તલના તેલનું મર્દન કરી પવિત્ર નદીમાં સ્નાન કરવાથી નવી ઉર્જા પ્રાપ્ત થાય છે. મકર સંક્રાંતિ પર પુણ્ય કાળ માં "ૐ રિમ સૂર્યાય નમઃ" મંત્રની 11 માળા કરવાથી સૂર્યની સારી ઉર્જા પ્રાપ્ત થાય છે. આ ઉપરાંત કઈ રાશિ એ શું દાન કરવું અને સૂર્ય ને કઈ રીતે અર્ધ્ય આપવો તે અત્રે જાણવું છું.

મેષ (અ,લ,ઈ) : મેષ રાશિના જાતકોએ ગુલાબી કે લાલ વસ્ત્ર, ગાયનું ઘી, શેરડી, ગોળ ,ઘઉં, સુવર્ણ, મસૂર, કાળા તલ, મગફળીના દાણા સાબુદાણા, સુખડીનું દાન કરવું.પાણી માં લાલ ફૂલ,કંકુ અને ચોખા પધરાવી સૂર્યને અર્ધ્ય આપવો.

વૃષભ (બ,વ,ઉ) : વૃષભ રાશિના જાતકોએ ક્રીમ, સફેદ કે ચળકતું વસ્ત્ર, શેરડી, દહીં, બદામ, તાજા ફળ, ચાંદી, સફેદ તલ, વાલ, અખરોટ, ચંદન-સુખડનું દાન કરવું.પાણી માં સફેદ ફૂલ,સાકાર અને ચોખા પધરાવી સૂર્યને અર્ધ્ય આપવો.

મિથુન (ક,છ,ઘ) : મિથુન રાશિના જાતકોએ લીલું વસ્ત્ર, મગ, ઘાસચારો, શાકભાજી,શેરડી,કાળા તલ, ફટકડી, તાંબાના વાસણ, મહેંદી, બદામનું દાન કરવું.પાણી માં દુર્વા,ગંગાજળ અને મગ પધરાવી સૂર્યને અર્ધ્ય આપવો.

કર્ક (ડ,હ) : કર્ક રાશિના જાતકોએ સફેદ કે ક્રીમ વસ્ત્ર, ચાંદી, ચાંદીના વાસણ, આમળા, કાજુ, તાજા ફળ, મોતી, મોતીના આભૂષણ, દૂધ, દહીં, ઘી સફેદ તલ, ચોખાનું દાન કરવું.પાણી માં સફેદ ફૂલ,કંકુ અને ચોખા પધરાવી સૂર્યને અર્ધ્ય આપવો.

સિંહ (મ,ટ) : સિંહ રાશિના જાતકોએ તાજા ફળ, નારંગી વસ્ત્ર,સુવર્ણ, મકાઈ, મરચા, પિસ્તા, ઘઉં, સુખડી, ગોળ, શેરડી સફેદ તલ, સૂર્ય પ્રતિમાનું દાન કરવું.પાણી માં સૂર્યમુખી ફૂલ,ગોળ અને ચોખા પધરાવી સૂર્યને અર્ધ્ય આપવો.

કન્યા (પ ,ઠ ,ણ ): કન્યા રાશિના જાતકોએ લીલું વસ્ત્ર ,મગ, ઘાસચારો, શાકભાજી, શેરડી, કાળા તલ, ફટકડી, તાંબાના વાસણ, મહેંદી, બદામ,ચણોઠીનું દાન કરવું.પાણી માં દહીં,મધ અને ચોખા પધરાવી સૂર્યને અર્ધ્ય આપવો.

તુલા (ર,ત) : તુલા રાશિના જાતકોએ ક્રીમ, સફેદ કે ચળકતું વસ્ત્ર, શેરડી, દહીં, બદામ, ફળ, ચાંદી, સફેદ તલ, વાલ, અખરોટ, ચંદન-સુખડ,હીરાનું દાન કરવું.પાણી માં દૂધ,મધ અને ચોખા પધરાવી સૂર્યને અર્ધ્ય આપવો.

વૃશ્ચિક (ન ,ય) : વૃશ્ચિક રાશિના જાતકો એ લાલ કે ગુલાબી વસ્ત્ર,ગાયનું ઘી, શેરડી, ગોળ, સુવર્ણ, મસૂર,કાળા તલ,સાબુદાણા ,સુખડી નું દાન કરવું.પાણી માં લાલ ફૂલ,કંકુ,ગોળ અને ચોખા પધરાવી સૂર્યને અર્ધ્ય આપવો.

ધન (ધ ,ભ ,ફ ,ઢ ) : ધન રાશિના જાતકો એ પીળું વસ્ત્ર,સુવર્ણ, વિદ્યાર્થી ને નોટબૂક પુસ્તકો, પપૈયું, બદામ, શેરડી, ચણા, ચણાની વસ્તુઓ, તાજા ફળ, શ્રીફળ, દેવની પ્રતિમા, તુલસી માલાનું દાન કરવું.પાણી માં પીળા ફૂલ,હળદર અને ચોખા પધરાવી સૂર્યને અર્ધ્ય આપવો.

મકર (ખ ,જ ) : મકર રાશિના જાતકોએ કાળું કે ડાર્ક કલરનું વસ્ત્ર, કાળા તલ, અડદ, સ્ટીલના વાસણ, કાળી દ્રાક્ષ, પગરખાં, ધાબળો, મહેંદી, તલ નું તેલ,ફાનસનું દાન કરવું.પાણી માં મધ અને ચોખા પધરાવી સૂર્યને અર્ધ્ય આપવો.

આ પણ વાંચો:  વાસ્તુશાસ્ત્ર પ્રમાણે યોગ્ય દિશામાં રાખો જૂતા ચપ્પલ, પછી જુઓ ચમત્કાર

કુંભ (ગ ,સ,શ ) : કુમ્ભ રાશિના જાતકોએ કાળું કે ડાર્ક કલરનું વસ્ત્ર, કાળા તલ, અડદ, સ્ટીલના વાસણ, કાળી દ્રાક્ષ, પગરખાં, ધાબળો, મહેંદી, તલનું તેલ, પથારીનું દાન કરવું.પાણી માં ઘી,સાકાર અને ચોખા પધરાવી સૂર્યને અર્ધ્ય આપવો.

મીન (દ ,ચ ,ઝ ,થ) : મીન રાશિના જાતકોએ પીળું વસ્ત્ર, સુવર્ણ, વિદ્યાર્થીને નોટબૂક પુસ્તકો, પપૈયું, બદામ, શેરડી,ચણા, ચણાની વસ્તુઓ, તાજા ફળ, શ્રીફળ, દેવની પ્રતિમા, ધાર્મિક પુસ્તકનું દાન કરવું.પાણી માં પીળું ફૂલ,હળદર ,મધ અને ચોખા પધરાવી સૂર્યને અર્ધ્ય આપવો.

જ્યોતિષાચાર્ય રોહિત જીવાણીનો ટૂંકો પરિચય: જ્યોતિષાચાર્ય શ્રી રોહિત જીવાણી છેલ્લા 25 વર્ષથી વૈદિક જ્યોતિષ અને વાસ્તુશાસ્ત્ર સાથે સંકળાયેલા છે. દેશ- પરદેશમાં તેમના લેખ વંચાય છે અને સમયની એરણે તેમના કથન સત્ય પુરવાર થતા જોવા મળ્યા છે. કાર્મિક જ્યોતિષમાં તેમનું રિસર્ચ સંશોધકોનું ધ્યાન ખેંચનારુ છે. તેમનો સંપર્ક સૂત્ર 7990500282 છે. 
Published by:Rahul Vegda
First published:

Tags: Aaj nu rashifal, Astrology, Makarsankranti

विज्ञापन

ન્યૂઝ 18 ગુજરાતી ટ્રેન્ડિંગ

વધુ વાંચો
विज्ञापन
विज्ञापन
विज्ञापन