Maha Shivratri 2023: જાણો ક્યારે ઉજવાશે મહાશિવરાત્રી? જાણો યોગ્ય તારીખ, મહત્વ અને શુભ મુહૂર્ત

ધર્મ ડેસ્ક: મહાશિવરાત્રી એટલે શિવ સાધનાનો મુખ્ય તહેવાર, જે દર વર્ષે ફાગણ મહિનાના કૃષ્ણ પક્ષની ચતુર્દશીએ ઉજવવામાં આવે છે. ધાર્મિક માન્યતા છે કે આ દિવસે ભગવાન ભોળા ભંડારી અને દેવી પાર્વતીના વિવાહ થયા હતા. આ દિવસે શિવે વૈરાગી જીવનનો ત્યાગ કર્યો અને હિમાંચલ રાજા અને મૈના દેવીની પુત્રી માતા પાર્વતીને પોતાની જીવનસંગીની બનાવી હતી. આ વર્ષે મહાશિવરાત્રીની તારીખને લઈને ઘણી જ શંકા-કુશંકાઓ સેવાઈ રહી છે. આવો જાણીએ આ વખતે મહાશિવરાત્રિનું વ્રત કયા દિવસે રાખવામાં આવશે અને શંકર-પાર્વતીની પૂજા માટે કયો શુભ સમય છે.

મહાશિવરાત્રી ક્યારે ઉજવાશે?

ફાગણ મહિનાના કૃષ્ણ પક્ષની ચતુર્દશી તિથિ 18 ફેબ્રુઆરી, 2023ના રોજ રાત્રે 08:02 વાગ્યે શરૂ થઈ રહી છે અને બીજા દિવસે 19 ફેબ્રુઆરી, 2023ના રોજ સાંજે 04:18 વાગ્યે સમાપ્ત થશે.

મહાશિવરાત્રિની પૂજા રાત્રિના ચાર કલાકમાં કરવાનો કાયદો છે. આ સમયે શિવ-પાર્વતીની પૂજા કરવામાં આવે છે. આવી સ્થિતિમાં શિવરાત્રિ વ્રત અને પૂજા 18 ફેબ્રુઆરી, 2023ના રોજ જ કરવામાં આવશે. ચતુર્દશી તિથિ 19 ફેબ્રુઆરી, 2023ના રોજ સાંજે સમાપ્ત થઈ રહી હોવાથી, આ દિવસે સૂર્યોદયથી સૂર્યાસ્ત સુધી શિવ સાધના કરવી શ્રેષ્ઠ રહેશે.

મહાશિવરાત્રી 2023 મુહૂર્ત

પ્રથમ પ્રહર રાત્રી પૂજા - સાંજે 06.21 કલાક થી રાત્રે 09.31 કલાક સુધી
દ્વિતિય પ્રહર રાત્રી પૂજા - રાત્રે 09:31 કલાકથી 19 ફેબ્રુઆરી 2023, સવારે 12:41 કલાક સુધી
તૃતીય પ્રહર રાત્રી પૂજા - સવારે 12:41 કલાકથી 03:51 કલાક સુધી (19 ફેબ્રુઆરી 2023)
ચતુર્થ પ્રહર રાત્રી પૂજા - 03:51 કલાકથી - 07:00 કલાક સુધી (19 ફેબ્રુઆરી 2023)

મહાશિવરાત્રી પારણ સમય – સવારે 07:00 કલાકથી બપોરે 03:31 કલાક સુધી (19 ફેબ્રુઆરી 2023)

આ પણ વાંચો: Shani Ast 2023: આજે મધરાત્રે શનિ થશે અસ્ત, આ પાંચ રાશિના જાતકોની ચમકશે કિસ્મત

મહાશિવરાત્રીના વ્રતનુ મહત્વ

મહાશિવરાત્રીનો તહેવાર શિવભક્તો માટે ખૂબ જ મહત્વપૂર્ણ માનવામાં આવે છે. જો કે દર મહિને કૃષ્ણ ચતુર્દશીની તિથિએ માસિક શિવરાત્રિ ઉજવવામાં આવે છે, પરંતુ મહાશિવરાત્રિના દિવસે શિવ શંભુ અને માતા પાર્વતીની પૂજા કરનારાઓનું લગ્નજીવન મુશ્કેલી મુક્ત રહે છે. મહાશિવરાત્રિનું વ્રત યોગ્ય વરની ઈચ્છા માટે શ્રેષ્ઠ માનવામાં આવે છે.

આ પણ વાંચો: Lord Shiva: ભૂલથી પણ ભોલેનાથને ન ચઢાવતા હળદર, આ ત્રણ વસ્તુનો ઉપયોગ પણ છે વર્જિત

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Dharm Bhakti, Mahashivratri