Home /News /dharm-bhakti /

Lord Shiva: શિવજીને પ્રિય બીલીપત્ર તોડવાના અને તેમને અર્પણ કરવાના નિયમો શું છે? જાણો

Lord Shiva: શિવજીને પ્રિય બીલીપત્ર તોડવાના અને તેમને અર્પણ કરવાના નિયમો શું છે? જાણો

ભગવાન શિવને બીલીપત્ર અર્પણ કરવાથી તેમને શીતળતા પ્રાપ્ત થાય છે.

ભગવાન શિવને સૌથી પ્રિય બીલીપત્ર (Bilwa Leaves) છે જેને સંસ્કૃતમાં બિલ્વ પત્ર પણ કહેવામાં આવે છે. ભગવાન શિવ (Lord Shiva)ને બીલીપત્ર અર્પણ કરવાથી તેમને શીતળતા પ્રાપ્ત થાય છે.

    હિંદુ ધર્મ (Hindu Dharma)માં ભગવાન ભોલેનાથને પ્રસન્ન કરવા માટે સોમવારનું વ્રત (Somvar Vrat) રાખવામાં આવે છે, ભગવાન શિવ (Lord Shiva)ની પૂજા કરવામાં આવે છે. સોમવારના વ્રતમાં વિધિ વિધાનથી પૂજા કરવામાં આવે છે. જેમાં ભગવાન શિવની પ્રિય વસ્તુઓ તેમને અર્પણ કરવાનો નિયમ છે. ભગવાન શિવને સૌથી પ્રિય બીલીપત્ર (Bilwa Leaves) છે જેને સંસ્કૃતમાં બિલ્વ પત્ર પણ કહેવામાં આવે છે. ભગવાન શિવને બીલીપત્ર અર્પણ કરવાથી તેમને શીતળતા પ્રાપ્ત થાય છે. સનાતન ધર્મમાં પ્રકૃતિ (Nature) પ્રત્યે કૃતજ્ઞતા અને સ્નેહની ભાવના સર્વોપરી છે. એટલા માટે શાસ્ત્રોમાં ફૂલ-પાન તોડવાના કેટલાક નિયમો જણાવવામાં આવ્યા છે. આવો જાણીએ બીલીપત્ર તોડવાનો અને ભગવાન શિવને અર્પણ કરવાનો શું નિયમ છે.

    માન્યતા છે કે બીલીપત્ર અને જળથી ભગવાન શંકરનું મસ્તિષ્ક શીતળ રહે છે. પૂજામાં તેનો ઉપયોગ કરવાથી તેઓ ખૂબ જલ્દી પ્રસન્ન થાય છે. ભગવાન શિવને બીલીપત્ર અર્પણ કરવા અને તેને તોડવાના કેટલાક નિયમોનું પાલન કરવું જરૂરી છે.

    બીલીપત્ર તોડવાના નિયમ

    માન્યતા અનુસાર ચતુર્થી, અષ્ટમી, નવમી, ચતુર્દશી અને અમાવસ્યા તિથિ, સંક્રાંતિ અને સોમવારે બીલીપત્ર ન તોડવા જોઈએ.

    આ પણ વાંચો: મહાશિવરાત્રિએ શિવજીને ભૂલથી પણ આ પાંચ ચીજો અર્પણ ન કરો, નહીં મળે પૂજાનું ફળ

    ભગવાન શિવને બીલીપત્ર અત્યંત પ્રિય છે, તેથી આ તિથિઓ કે વાર પહેલા તોડવામાં આવેલ બીલીપત્ર ચઢાવવું શુભ માનવામાં આવે છે.

    બીલીપત્ર વિશે શાસ્ત્રોમાં ઉલ્લેખ છે કે જો નવું બીલીપત્ર ન મળે, તો કોઈ બીજા દ્વારા ચઢાવવામાં આવેલ બીલીપત્રને પણ ધોઈને ઉપયોગમાં લઈ શકાય છે.

    સાંજ પછી બીલીપત્ર કે કોઈ પણ વૃક્ષને હાથ ન લગાવવો જોઈએ.

    ડાળીથી એક પછી એક બીલીપત્ર તોડવા જોઈએ. આખી ડાળીને નુકસાન ન પહોંચાડવું જોઈએ.

    બીલીપત્ર તોડતા પહેલા અને તોડ્યા બાદ મનથી પ્રણામ કરવું જોઈએ.

    આ પણ વાંચો: Surya Grahan 2022: વર્ષનું પહેલું સૂર્ય ગ્રહણ ક્યારે અને ક્યાં દેખાશે? જાણો સૂતક કાળ

    ભગવાન શિવને બીલીપત્ર હંમેશા ઊંધું ચઢાવવું જોઈએ. બીલીપત્રનો ચીકણો ભાગ અંદરની તરફ એટલે કે શિવલિંગ તરફ હોવો જોઈએ.

    બીલીપત્રમાં વજ્ર અને ચક્ર ન હોવા જોઈએ.

    બીલીપત્ર 3 થી 11 પાંદડી વાળા હોય છે. તેમાં જેટલા વધુ પત્ર હોય છે ભગવાન શિવને અર્પિત કરવાનો તેટલો જ વધુ લાભ મળે છે.

    જો બીલીપત્ર ન મળે તો માત્ર બીલીના વૃક્ષના દર્શન કરવાથી પણ પાપ અને તાપનો નાશ થાય છે.

    શિવલિંગ પર ચઢાવવામાં આવેલા અન્યના બીલીપત્રની ઉપેક્ષા કે અનાદર ન કરવો જોઈએ. (Disclaimer: આ લેખમાં આપવામાં આવેલી માહિતી સામાન્ય ધારણાઓ પર આધારિત છે. ગુજરાતી ન્યુઝ18 તેની પુષ્ટિ કરતું નથી. તેનો અમલ કરતા પહેલા કૃપા કરીને સંબંધિત નિષ્ણાતનો સંપર્ક કરો)
    Published by:Nirali Dave
    First published:

    Tags: Dharma, Dharma bhakti, Lord shiva, Religion, ધર્મભક્તિ

    આગામી સમાચાર