Lakshmi Jayanti 2023: આજના દિવસે પ્રકટ થયા હતા માતા લક્ષ્મી, જાણો પૂજાનું શુભ મહુર્ત અને મહત્વ

ધર્મ ડેસ્ક: માતા લક્ષ્મી(Maa Lakshmi) સંપત્તિ અને સમૃદ્ધિની દેવી તરીકે ઓળખાય છે અને દેવી લક્ષ્મીની જન્મજયંતિ લક્ષ્મી જયંતિ(Lakshmi Jayanti 2023) તરીકે મનાવવામાં આવે છે. માનવામાં આવે છે કે દેવી લક્ષ્મીનો જન્મ ફાગણ પૂર્ણિમાના દિવસે સમુદ્ર મંથન દરમિયાન થયો હતો.

દ્રિક પંચાંગ(Drik Panchang) મુજબ, ફાગણ પૂર્ણિમા મોટે ભાગે ઉત્તરા ફાલ્ગુની નક્ષત્ર સાથે સંબંધ ધરાવે છે. જેથી ઉત્તરા ફાલ્ગુનીનો દિવસ લક્ષ્મી જયંતિ સાથે પણ જોડાયેલો છે. સંપત્તિ અને સમૃદ્ધિની દેવી લક્ષ્મીને પ્રસન્ન કરવા માટે લક્ષ્મી જયંતિ મહત્વપૂર્ણ દિવસ છે.

દ્રિક પંચાંગ અનુસાર, આ વર્ષે લક્ષ્મી જયંતિ 7 માર્ચ, મંગળવારના રોજ ઉજવવામાં આવશે. જણાવી દઈએ કે ફાગણ પૂર્ણિમા તિથિ 6 માર્ચે સાંજે 4:17 વાગ્યે શરૂ થશે અને 7 માર્ચે સાંજે 6:09 વાગ્યે સમાપ્ત થશે.

લક્ષ્મી જયંતિ 2023 પૂજા (Lakshmi Jayanti 2023 Puja)

લક્ષ્મી જયંતિના દિવસે ભક્તો લક્ષ્મી હોમ કરે છે. દ્રિક પંચાંગ મુજબ, લક્ષ્મી હોમ દરમિયાન દેવી લક્ષ્મી સહસ્ત્રનામાવલી એટલે કે દેવી લક્ષ્મી અને શ્રી સુક્તમના 1000 નામનો પાઠ કરવામાં આવે છે. આ દિવસે માતા લક્ષ્મીને પ્રસન્ન કરવા માટે આહુતિ માટે મધમાં ડૂબેલા કમળના ફૂલોનો ઉપયોગ કરવામાં આવે છે.

આ પણ વાંચો: આ 5 રાશિના લોકો પર હોય છે માતા લક્ષ્મીની અસીમ કૃપા, નથી રહેતી ધન-દોલતની કમી

લક્ષ્મી જયંતિ 2024 (Lakshmi Jayanti 2024)

દ્રિક પંચાંગ અનુસાર, વર્ષ 2024માં લક્ષ્મી જયંતિ 25 માર્ચ, સોમવારના રોજ ઉજવવામાં આવશે. આ દરમિયાન ફાગણ પૂર્ણિમા તિથિ 24 માર્ચે સવારે 9:54 વાગ્યે શરૂ થશે અને 25 માર્ચે બપોરે 12:29 વાગ્યે સમાપ્ત થશે.

લક્ષ્મી જયંતિ 2023 માટે મેસેજીસ, વોટ્સએપ મેસેજીસ અને સુવિચાર (Lakshmi Jayanti Messages and Quotes)

- લક્ષ્મી જયંતિ પર દેવી લક્ષ્મી તમને અને તમારા પરિવારને ધન અને સમૃદ્ધિ આપે!

- મહાલક્ષ્મી જયંતિ 2023ની શુભકામનાઓ. તમારું જીવન દેવી લક્ષ્મીના આશીર્વાદથી સમૃદ્ધ રહે.

આ પણ વાંચો: કોઈ મહેનત વગર તિજોરી છલકાતી રહેશે, શિવલિંગ પર આ વસ્તુ ચડાવવાથી થશે ભોળા ભંડારી પ્રસન્ન



- માતા લક્ષ્મીની દૈવી શક્તિ હંમેશા તમારી સાથે રહે. મહાલક્ષ્મી જયંતિ 2023ની શુભકામનાઓ!

- લક્ષ્મી જયંતિના શુભ દિવસે હું તમને આરોગ્ય, સફળતા, સંપત્તિ અને સંતોષની કામના કરું છું.

- દેવી લક્ષ્મી તમારા જીવનને ખુશીઓ અને પ્રેમથી ભરી દે. મહાલક્ષ્મી જયંતિ 2023ની શુભકામનાઓ!

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Dharm Bhakti, Goddess Lakshmi