Home /News /dharm-bhakti /

Krishna Janmashtami 2022: જાણો ભગવાન શ્રીકૃષ્ણના ભાઈઓના નામ, જેમને કંસે જેલમાં મારી નાંખ્યા હતા

Krishna Janmashtami 2022: જાણો ભગવાન શ્રીકૃષ્ણના ભાઈઓના નામ, જેમને કંસે જેલમાં મારી નાંખ્યા હતા

બલરામ, સુભદ્રા અને શ્રીકૃષ્ણ

ભગવાન કૃષ્ણ રાજકુમાર વાસુદેવ અને દેવકીના આઠમા પુત્ર છે. કંસે ભગવાન કૃષ્ણના જન્મની સાથે જ તેમના છ ભાઈઓને મારી નાંખ્યા હતા. આજે આપણે અહીં એ જ ભાઈઓ અંગે ચર્ચા કરીશું.

    Krishna Janmashtami 2022: ભગવાન શ્રીકૃષ્ણના જન્મોત્સવની ઉજવણીની તૈયારીઓ શરૂ થઈ ગઈ છે. વૃંદાવન સહિત ભગવાન કૃષ્ણના તમામ મંદિરોમાં સજાવટ અને પેઈન્ટિંગનું કામ શરૂ થઈ ગયું છે. સાથે જ ઠાકોરજીના નવા કપડા સીલાઈ અને તેમાં ઝરીનું કામ થઈ રહ્યું છે. વૃંદાવનમાં કાલે 19મી ઓગસ્ટે ઠાકોરજીની જન્મજયંતિ (Janmashtami 2022) ઉજવવામાં આવશે. ઉલ્લેખનીય છે કે ભગવાન કૃષ્ણ રાજકુમાર વાસુદેવ અને દેવકીના આઠમા પુત્ર છે. કંસે ભગવાન કૃષ્ણના જન્મની સાથે જ તેમના છ ભાઈઓને મારી નાંખ્યા હતા. આજે આપણે અહીં એ જ ભાઈઓ અંગે ચર્ચા કરીશું.

    યદુ વંશમાં મહારાજા ઉગ્રસેનનો એક નાનો ભાઈ દેવક હતો. કંસ મહારાજા ઉગ્રસેનના પુત્ર હતા, જ્યારે દેવકી દેવકની પુત્રી હતી. કંસ તેની પિતરાઈ બહેન રાજકુમારી દેવકીને ખૂબ પ્રેમ કરતો હતો. તેણીએ પોતે દેવકીના લગ્ન યાદવ રાજકુમાર વાસુદેવ સાથે ધામધૂમથી કર્યા હતા. લગ્ન પછી વિદાય વખતે પોતે પોતાની બહેનને સાસરે લઈ જવા રથ ચલાવી મહેલમાંથી બહાર નીકળ્યા જ હતા કે આકાશવાણી સંભળાઈ. જેમાં કહેવામાં આવ્યું હતું કે તે જે બહેનને આટલા પ્રેમથી વિદાય આપી રહ્યો છે, તે જ બહેનના આઠમા પુત્ર દ્વારા તેની હત્યા કરવામાં આવશે.

    આ પણ વાંચો- Budh Gochar 2022: 21 ઓગસ્ટનાં બુધનું ગોચર 3 રાશિઓ માટે છે અશુભ, તેમનાં ખરાબ દિવસો શરૂ

    આકાશવાણીનો અવાજ સાંભળીને કંસ એટલો ગભરાઈ ગયો કે તેણે તરત જ વાસુદેવ અને દેવકીની ધરપકડ કરીને જેલમાં ધકેલી દીધા. ત્યાં તેણે નક્કી કર્યું કે તે વસુદેવ દેવકીના તમામ પુત્રોનો જન્મ થતાં જ મારી નાંખશે. આ તેને અજર અને અમર બનાવશે.

    આ પણ વાંચો- સૂર્યનું સિંહ રાશિમાં ગોચર: આ 3 રાશિઓની બદલાશે કિસ્મત, સૂર્યદેવનાં આશીર્વાદથી આવશે સારા દિવસો

    દેવકીએ નવ બાળકોને જન્મ આપ્યો

    કંસના કારાગારમાં રહેલા વાસુદેવ અને દેવકીએ કુલ નવ બાળકોને જન્મ આપ્યો હતો. જેમાંથી સાત બાળકોનો જન્મ જેલમાં જ થયો હતો. આ છ બાળકોમાંથી કીર્તિમાન, સુશેણ, ભદ્રસેન, ઋજુ, સમ્માર્દન અને ભદ્રને કંસ દ્વારા જન્મતાની સાથે જ પથ્થર પર પટકીને મારી નાંખવામાં આવ્યા હતા. તો સાતમા ગર્ભને બદલી દેવાયું હતું. આ બાળકનો જન્મ ગોકુળમાં રહેતા વસુદેવની પ્રથમ પત્ની રોહિણીના ગર્ભથી થયો હતો. ગર્ભ સંકર્ષણને કારણે આ બાળકનું નામ સંકર્ષણ રાખવામાં આવ્યું હતું, જેને બલદાઉ અથવા બલરામ તરીકે પણ ઓળખવામાં આવે છે. તો આઠમા બાળક તરીકે ભગવાન કૃષ્ણ સ્વયં જેલમાં દેવકીના ગર્ભમાંથી જન્મ્યા હતા. કંસના કારાગારમાંથી દેવકી બહાર આવ્યા પછી નવમા બાળકનો જન્મ થયો હતો. આ બાળક એક છોકરી હતી. જે સુભદ્રા કહેવાઈ હતી.
    Published by:Margi Pandya
    First published:

    Tags: Janmashtami, Janmashtami 2022, Krishna Janmotsav

    विज्ञापन

    विज्ञापन

    આગામી સમાચાર

    विज्ञापन
    विज्ञापन