Kedarnath Yatra : બાબા ભોલેનાથના દર્શને જતા ભક્તોએ ક્યારેય ન કરવી આ ભૂલો, થઈ શકે છે જીવનું જોખમ

ધર્મભક્તી ડેસ્કઃ 2022 માટે ચારધામ યાત્રા (chardham yatra) શરૂ થઈ ગઈ છે. ગત સપ્તાહે જ કેદારનાથ ધામના (kedarnath dham) કપાટ ખુલી ગયા છે. કેદારનાથ મંદિર હિંદુઓના મુખ્ય તીર્થસ્થાનોમાંનું એક છે. આ મંદિર ભારતના ઉત્તરાખંડ (Uttrakhant) રાજ્યમાં આવેલું છે. દર વર્ષે લાખો ભક્તો ભોલેનાથના દર્શન કરવા માટે દેશના વિવિધ રાજ્યોમાંથી કેદારનાથ મંદિરની મુલાકાતે આવે છે.

આ મંદિરની ખાસિયત એ છે કે મંદિર ખૂબ જ ઊંચાઈ પર આવેલું છે, તેથી હવામાનને ધ્યાનમાં રાખીને મંદિરના કપાટ એપ્રિલથી નવેમ્બરની વચ્ચે જ ખોલવામાં આવે છે. આ પછી ભારે હિમવર્ષાના કારણે મંદિરના દરવાજા ભક્તો માટે બંધ કરી દેવામાં આવે છે.

ભગવાન શિવના આસ્થાસ્થાન કેદારનાથ ધામના દરવાજા 3 મે, 2022ના રોજ ખોલવામાં આવ્યા હતા. કોરોના મહામારીને કારણે બે વર્ષ પછી કેદારનાથ ધામની યાત્રા શરૂ થઈ શકી છે અને બાબાના કપાટ ખુલતા જ ભક્તોની ભીડે તમામ રેકોર્ડ તોડી નાંખ્યા છે.

જો તમે પણ ઉત્તરાખંડ સ્થિત કેદારનાથ ધામની યાત્રાનું આયોજન કરી રહ્યાં છો તો કેટલીક બાબતોનું ચોક્કસથી ધ્યાન રાખવું જરૂરી છે. ચાલો જાણીએ કેદારનાથ યાત્રા પર જતી વખતે તમારે શું કરવું જોઈએ અને કઈ ભૂલોને અવશ્ય ટાળવી જોઈએ.

- જો તમે કેદારનાથ ધામ જવાનું પ્લાનિંગ કરી રહ્યાં છો, તો ધ્યાનમાં રાખો કે શિયાળાની વધુ પડતી ઠંડીમાં કે ચોમાસાના ખરાબ વાતાવરણમાં જવાનું ટાળો. પહાડી વિસ્તારોમાં ચોમાસા દરમિયાન પૂર કે ભૂસ્ખલનનું જોખમ ઘણું વધારે હોય છે. આવી સ્થિતિમાં સમય દરમિયાન મુસાફરીની યોજના જોખમી બને છે, તેથી આ સમયગાળાને અવોઈડ કરો.

- ટ્રીપ પર જતી વખતે એ વાતનું ધ્યાન રાખો કે જો તમે ઉનાળાની ઋતુમાં જઈ રહ્યા હોવ તો પણ તમારે તમારી સાથે શિયાળાના કપડાં લેવા જ જોઈએ.

- પર્વતોમાં ગમે ત્યારે વરસાદ પડી શકે છે, તેથી મુસાફરી કરતી વખતે તમારી સાથે છત્રી, રેઈનકોટ અવશ્ય રાખો.

- ગૌરીકુંડથી કેદારનાથ ધામ જવા માટે સામાન્ય વ્યક્તિને કુલ 5-6 કલાક લાગે છે, તેથી ઉતાવળ કરવાને બદલે આરામથી ચાલો. ચાલતી વખતે નાસભાગ ન કરો નહીં તો શ્વાસ લેવામાં તકલીફનો સામનો કરવો પડી શકે છે.

- તમારી યાત્રા વહેલી સવારે શરૂ કરો, જેથી કરીને તમે દિવસ સુધી આરામથી કેદારનાથ ધામ પહોંચી શકો. દર્શન કર્યા પછી અહીં રાતનો આરામ કરો અને બીજા દિવસે સવારે ગૌરીકુંડની પરત યાત્રા શરૂ કરો.

-જો તમે એક જ દિવસમાં દર્શન કરવા, ચઢવા અને પાછા ફરવાનું વિચારી રહ્યા છો, તો તમે સાંજ સુધીમાં અથવા રાત્રે ગૌરીકુંડ પહોંચી જશો, પરંતુ ગૌરીકુંડથી સોનપ્રયાગ સુધી તમને સમસ્યાનો સામનો કરવો પડી શકે છે. રાત્રીના સમયે ગૌરીકુંડથી સોનપ્રયાગ સુધીની ટ્રેનોમાં સીટો મેળવવામાં ઘણી મુશ્કેલીઓ આવે છે. ઉપરાંત, ગૌરીકુંડમાં ઘણી ઓછી હોટેલો અથવા લોજને કારણે તમને અહીં રૂમ શોધવામાં મુશ્કેલી પડી શકે છે.

- કેદારનાથ યાત્રા માટે 12 વર્ષથી ઓછી ઉંમરના બાળકોને ક્યારેય લઈ જશો નહીં. ત્યાંના હવામાન વિશે કોઈ ચોક્કસ જાણકારી મેળવી શકાતી નથી. આ ઉપરાંત અહીં ઓક્સિજનનું સ્તર પણ ઘણું ઓછું છે, જેના કારણે બાળકોનું સ્વાસ્થ્ય કથળવાની ભીતિ રહેલી હોય છે.

- જો તમે કોઈપણ મુશ્કેલી વિના કેદારનાથ ધામ પહોંચવા માંગો છો તો તમે ડોલી પર પણ જઈ શકો છો, જેનું ભાડું 8000થી 10,000 રૂપિયાની આસપાસ છે. કંડીની રાઉન્ડ ટ્રીપનું ભાડું 5000 રૂપિયાની આસપાસ છે અને ખચ્ચર માટે રાઉન્ડ ટ્રીપનું ભાડું 5થી 6 હજાર રૂપિયા છે. જો તમે હેલિકોપ્ટરથી જવાનું વિચારી રહ્યા છો તો તેનું ભાડું લગભગ 7 હજાર રૂપિયા છે.

- વધુ સારા ફોન નેટવર્ક માટે કેદારનાથ યાત્રા પર જતી વખતે BSNL, Vodafone અને Reliance Jioનું સિમ સાથે રાખો.

- તમારું ટ્રાવેલ કાર્ડ અને આધાર કાર્ડ સાથે રાખવાનું ભૂલશો નહીં.

- રાત્રે કેદારનાથ મંદિરની મુલાકાત લેવાનું ટાળો કારણ કે રાત્રે જંગલી પ્રાણીઓથી ખતરો હોઈ શકે છે.

- યાત્રા પર જતા પહેલાં ટોર્ચ અને એક્સ્ટ્રા બેટરી સાથે રાખો,

- કેદારનાથ યાત્રાના થોડા દિવસો પહેલાં શ્વાસથી જોડાયેલી એક્સરસાઇઝ જરુર કરો,

- હોટેલની બુકીંગ એડવાન્સમાં કરી લો.

- સ્ટેટ હેલ્થ ડિપાર્ટમેન્ટના એક ડેટા પ્રમાણે 3 મેના રોજ ચાર ધામ યાત્રામાં 20 લોકોના મોત થયા હતા તેમાથી ઘણાને શ્વાસની તકલીફ હતી, જેમની ઉંમર 60 વર્ષથી પણ વધુ હતી. જો તમને પણ આવી કોઇ સમસ્યા છે, તો આ પ્લાન કેન્સલ કરી દો.

આ પણ વાંચોઃ-Chandra Grahan 2022: વર્ષના પહેલા ચંદ્ર ગ્રહણ પર બની રહ્યા છે બે શુભ યોગ, 3 રાશિઓના આવશે અચ્છે દિન

કેદારનાથ ધામ યાત્રાની સામાન્ય જાણકારી

ઉંચાઇ સમુદ્રથી 3553 મીટર ઉપર
યાત્રા કરવાનો યોગ્ય સમય - ગરમીમાં(મે-જૂન), શિયાળામાં (સપ્ટેમ્બર,ઓક્ટોબર)
નજીકનું એરપોર્ટ- દેહરાદુન જોલીગ્રાન્ટ એરપોર્ટ
નજીકનું રેલવે સ્ટેશન - દેહરાદૂન રેલવેસ્ટેશન
કેદારનાથ ટ્રેંકિગ ડિસ્ટેંસ-14થી 18 કિલોમીટર (એક સાઇડ)

આ પણ વાંચોઃ-Jyeshtha Month: ક્યારથી શરૂ થઈ રહ્યો છે જેઠ માસ? જુઓ આ મહિનાના તમામ વ્રત અને તહેવારો

બસ દ્વારા કેદારનાથ કેવી રીતે પહોંચશો?

- દિલ્હીથી કેદારનાથ માટે કોઈ સીધી બસ નથી. ત્યાં પહોંચવા માટે તમારે પહેલા કાશ્મીરી ગેટ ઈન્ટરસ્ટેટ બસ સ્ટેન્ડથી હરિદ્વાર અથવા ઋષિકેશ જવા માટે બસ લેવી પડશે. રોડવેઝ બસનું ભાડું 300 રૂપિયા છે, પરંતુ જો તમે ઈચ્છો તો પ્રાઈવેટ બસ પણ લઈ શકો છો. ઋષિકેશ પહોંચ્યા પછી તમારે અહીંથી સોનપ્રયાગ જવા માટે બસ પકડવી પડશે. તમારે વહેલી સવારે સોનપ્રયાગ જવા માટે બસ લેવી પડશે.

- જો તમે વહેલી સવારે સોનપ્રયાગ માટે બસ લઈને જશો તો સાંજ સુધીમાં ત્યાં પહોંચી જશો. આ પછી તમને ગૌરીકુંડ જવા માટે સોનપ્રયાગથી શેરિંગ ટેક્સી મળશે. સોનપ્રયાગથી ગૌરીકુંડનું અંતર 8 કિલોમીટર છે. ગૌરીકુંડ પહોંચ્યા પછી તમારે કેદારનાથ ધામની પગપાળા યાત્રા કરવી પડશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Chardham Yatra, Kedarnath