Home /News /dharm-bhakti /

Kanakadhara Stotram: અપાર ધન-સંપત્તિ આપે છે માતા લક્ષ્મી, શુક્રવારે કરો કનકધારા સ્તોત્રનો પાઠ

Kanakadhara Stotram: અપાર ધન-સંપત્તિ આપે છે માતા લક્ષ્મી, શુક્રવારે કરો કનકધારા સ્તોત્રનો પાઠ

માતા લક્ષ્મીને રીઝવવાં કરો આ ઉપાય

Astrology: કનકધારા સ્તોત્રમાં માતા લક્ષ્મીજીના વિશેષતાઓની સ્તુતિ કરવામાં આવી છે. કહેવાય છે કે દેવતાઓના રાજા ઈન્દ્ર જ્યારે શ્રીહીન થઈ ગયા હતા, ત્યારે માતા લક્ષ્મીએ તેમને બધું જ આપી દીધું હતું. તેમાં ભગવાન વિષ્ણુની પ્રિય દેવી લક્ષ્મીનું સ્વરૂપ વર્ણવવામાં આવ્યું છે.

વધુ જુઓ ...
    Kanakadhara Stotram: ધન અને અન્નની દેવી માતા લક્ષ્મી (Mata Lakshmi)ને પ્રસન્ન કરવા માટે લોકો શુક્રવારે ઉપવાસ (Shukravar Vrat) કરે છે. આ દિવસે દેવી લક્ષ્મીના મંત્રો (Lakshmi Mantra)ના જાપ અને પદ્ધતિસરની પૂજા કરવામાં આવે છે. આ દિવસે માં લક્ષ્મીને સફેદ મીઠાઈ ચઢાવવામાં આવે છે. મંત્ર જાપ સિવાય બીજા પણ ઘણા એવા ઉપાય છે, જેનાથી દેવી લક્ષ્મી પ્રસન્ન થાય છે. આમાંથી એક ઉપાય છે કનકધારા સ્તોત્ર. કનકધારા સ્તોત્રનો પાઠ કરવાથી દેવી લક્ષ્મી પ્રસન્ન થાય છે અને અપાર સંપત્તિ આપે છે. તો ચાલો જાણીએ કનકધારા સ્તોત્ર વિશે.

    આજે શુક્રવારના દિવસે દેવી લક્ષ્મીની પૂજા સમયે તમારે તમારા ઘરમાં કનકધારા યંત્રની સ્થાપના કરવી જોઈએ. સાથે જ દેવી લક્ષ્મીની કૃપા મેળવવા માટે કનકધારા સ્તોત્રનો પાઠ કરવો જોઈએ. તે સંસ્કૃતમાં હોવાથી તેને યોગ્ય રીતે ઉચ્ચારવામાં કાળજી લેવી જોઈએ.

    આ પણ વાંચો-Shankh Upay : નારાજ થઇ ગયા છે માતા લક્ષ્મી? તો શંખના આ ચમત્કારિક ઉપાયો કરશે મદદ

    કનકધારા સ્તોત્રમાં માતા લક્ષ્મીજીના વિશેષતાઓની સ્તુતિ કરવામાં આવી છે. કહેવાય છે કે દેવતાઓના રાજા ઈન્દ્ર જ્યારે શ્રીહીન થઈ ગયા હતા, ત્યારે માતા લક્ષ્મીએ તેમને બધું જ આપી દીધું હતું. તેમાં ભગવાન વિષ્ણુની પ્રિય દેવી લક્ષ્મીનું સ્વરૂપ વર્ણવવામાં આવ્યું છે.

    ધાર્મિક માન્યતાઓ અનુસાર, કનકધારા સ્તોત્રની રચના આદિગુરુ શંકરાચાર્ય દ્વારા કરવામાં આવી હતી. કનકધારા એટલે સોનાનો પ્રવાહ. એવું કહેવાય છે કે જ્યારે આદિગુરુ શંકરાચાર્યએ કનકધારા સ્તોત્રનો પાઠ કર્યો, ત્યારે માતા લક્ષ્મી પ્રસન્ન થયા અને તેમની સામે સોનાની ધારા ખોલી.

    આ પણ વાંચો-Mokshada Ekadashi 2021: આજે છે મોક્ષદા એકાદશી, જાણો પૂજા મહુર્ત, પારણાં સમય અને મહત્વ

    કનકધારા સ્તોત્રની રચનાની વાર્તા

    પૌરાણિક માન્યતાઓ અનુસાર, એક દિવસ આદિગુરુ શંકરાચાર્ય એક ગરીબ બ્રાહ્મણ સ્ત્રીના ઘરે ભિક્ષા માટે ગયા. પરંતુ તેમની પાસે તેમને આપવા માટે કંઈ નહોતું. ઘરમાં માત્ર થોડાં આમળાં પડ્યા હતા. તે સંકોચાતી આમળા લઈને આવી અને શંકરાચાર્યને આપ્યાં. આ જોઈને શંકરાચાર્ય ખૂબ પ્રસન્ન થયા કે તેમની પાસે જે હતું તે લાવ્યા છે.

    શંકરાચાર્યે તરત જ ત્યાં માતા લક્ષ્મીનું ધ્યાન કર્યું અને 22 શ્લોકો ધરાવતા કનકધારા સ્તોત્રની રચના કરી. તેનાથી પ્રસન્ન થઈને દેવી લક્ષ્મી પ્રગટ થયા અને પૂછ્યું કે તમારી શું ઈચ્છા છે. ત્યારે શંકરાચાર્યે કહ્યું કે આ ગરીબ સ્ત્રીની ગરીબી દૂર કરો.

    માતા લક્ષ્મીએ કહ્યું કે આ તેના પાછલા જન્મોનું પરિણામ છે, તેણે તેના પાછલા જન્મમાં કોઈ દાન આપ્યું નથી, તેથી તે આ સમયે ગરીબ છે. કહેવાય છે કે શંકરાચાર્યની પ્રાર્થના પર ફરીથી માતા લક્ષ્મીએ તે મહિલાના ઘરે સોનાના આમળાં વરસાવ્યા હતા. આ રીતે કનકધારા સ્તોત્રની રચના થઈ.

    (Disclaimer : આ લેખમાં આપવામાં આવેલી માહિતી સામાન્ય ધારણાઓ પર આધારિત છે. ગુજરાતી ન્યૂઝ 18 તેની પુષ્ટિ કરતું નથી. તેનો અમલ કરતા પહેલા કૃપા કરીને સંબંધિત નિષ્ણાંતનો સંપર્ક કરો.)
    Published by:Margi Pandya
    First published:

    Tags: Astrology, Dharm Bhakti, Kanakadhara Stotram

    આગામી સમાચાર