Jyeshtha Month: ક્યારથી શરૂ થઈ રહ્યો છે જેઠ માસ? જુઓ આ મહિનાના તમામ વ્રત અને તહેવારો

ધર્મભક્તિ ડેસ્કઃ વૈશાખ પૂર્ણિમા પછી જેઠ માસ (Jyeshtha Month) શરૂ થાય છે. આ મહિનામાં સૂર્યદેવની પૂજા (Surya dev puja) કરવાનો અને રવિવારે ઉપવાસ કરવાનો ખૂબ મહિમા છે. આ મહિનામાં પાણીનું દાન (Donation of water) કરવું ખૂબ જ મહત્વ છે. જેઠ માસમાં ગરમી વધુ હોય છે તેથી છોડ અને પ્રાણીઓને પાણી આપવાથી પુણ્ય મળે છે. જેઠ માસ 17 મે, મંગળવારથી શરૂ થઈ રહ્યો છે, આ દિવસે કૃષ્ણ પક્ષની પ્રતિપદા છે.

આ દિવસ મોટો મંગળવાર પણ છે. એકદંત સંકષ્ટી ચતુર્થી, અપરા એકાદશી, માસિક શિવરાત્રી, શનિ જયંતિ, વટ સાવિત્રી વ્રત, ગંગા દશેરા, નિર્જલા એકાદશી જેવા મહત્વના ઉપવાસ અને તહેવારો આ મહિનામાં આવવાના છે. ચાલો જાણીએ આ ઉપવાસ અને તહેવારો ક્યારે અને કયા દિવસે છે.

જેઠ માસ 2022 માં આવતા વ્રત અને તહેવાર

17 મે, મંગળવાર: જેઠ માસ પ્રારંભ, પ્રતિપદા, મંગળવારનુ મોટુ વ્રત
19 મે, ગુરુવાર: એકદંત સંકષ્ટ ચતુર્થી
22 મે, રવિવાર: માસિક કાલાષ્ટમી વ્રત
26 મે, ગુરુવાર: અપરા એકાદશી
27 મે, શુક્રવાર: પ્રદોષ વ્રત
28 મે, શનિવાર: માસિક શિવરાત્રી
30 મે, સોમવાર: જેઠ અમાસ, વટ સાવિત્રી વ્રત, શનિ જયંતિ
03 જૂન, શુક્રવાર: વિનાયક ચતુર્થી
07 જૂન, મંગળવાર: માસિક દુર્ગાશ્ટમી વ્રત
09 જૂન, ગુરુવાર: ગંગા દશેરા
10 જૂન, શુક્રવાર: નિર્જલા એકાદશી
12 જૂન, રવિવાર: પ્રદોષ વ્રત
14 જૂન, મંગળવાર: જેઠ પૂર્ણિમા વ્રત, વટ પૂર્ણિમા વ્રત

આ પણ વાંચોઃ-Chandra Grahan 2022: વર્ષના પહેલા ચંદ્ર ગ્રહણ પર બની રહ્યા છે બે શુભ યોગ, 3 રાશિઓના આવશે અચ્છે દિન

મંગળવારનું મોટું વ્રત: આ દિવસે વ્રત રાખવામાં આવે છે અને સંકટમોચન હનુમાનજીની પૂજા નિયમ પ્રમાણે કરવામાં આવે છે. જ્યેષ્ઠ માસમાં આવતા મંગળવારને મોટો મંગળવાર કહેવામાં આવે છે.

વટ સાવિત્રી વ્રત 2022: અખંડ સૌભાગ્ય આપતું વટ સાવિત્રીનુ વ્રત પણ જેઠ મહિનામાં જ મનાવવામાં આવે છે. આ વર્ષે વટ સાવિત્રી વ્રત સોમવારે 30 મેના દિવસે છે.

આ પણ વાંચોઃ-Astrology: લક્ષ્મી સ્વરુપ માનવામાં આવે છે આ 6 નામવાળી કન્યાઓ

શનિ જયંતી 2022: શનિદેવનો જન્મ જેઠ અમાવસ્યાના દિવસે થયો હતો. આ કારણથી દર વર્ષે જેઠ અમાવસ્યાના દિવસે શનિ જયંતિ ઉજવવામાં આવે છે. આ વર્ષે શનિ જયંતિ 30મી મેએ છે.

ગંગા દશેરા 2022: જેઠ માસના શુક્લ પક્ષની દસમી તિથીએ ગંગા દશેરા ઉજવવામાં આવે છે. આ તિથીએ ગંગા પૃથ્વી પર ઉતરી હતી. આ વર્ષે ગંગા દશેરા 09મી જૂનના દિવસે ગુરુવારે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Dharma Aastha, DharmaBhakti