Festival: મહા પૂર્ણિમાથી નવા સપ્તાહનો પ્રારંભ, જાણો ક્યારે છે સંકષ્ટી ચતુર્થી અને કુંભ સંક્રાંતિ

ધર્મ ડેસ્ક: આજે મહા પૂર્ણિમાથી ફેબ્રુઆરી માસના નવા સપ્તાહનો પ્રારંભ થયો છે. ફેબ્રુઆરીનું બીજું સપ્તાહ 5 ફેબ્રુઆરીથી 11 ફેબ્રુઆરી સુધી છે. આ સપ્તાહના પહેલા દિવસે રવિ પુષ્ય યોગ સહિત ચાર શુભ યોગ બની રહ્યા છે. આ સપ્તાહમાં 6 ફેબ્રુઆરીથી હિન્દૂ કેલેન્ડરના 12માં માસ ફાગણનો પ્રારંભ થઇ રહ્યો છે. આ સપ્તાહમાં મહા પૂર્ણિમા, દ્વિજપ્રિય સંકષ્ટી ચતુર્થી, કુંભ સંક્રાંતિ, સીતા અષ્ટમી અને માસિક કાલાષ્ટમી વ્રત આવવાનું છે. કાશીના જ્યોતિષાચાર્ય ચક્રપાણી ભટ્ટ પાસે જાણીએ છે કે ફેબ્રુઆરીઆ બીજા સપ્તાહના વ્રત અને તહેવાર ક્યારે છે.

ફેબ્રુઆરી 2023ના બીજા અઠવાડિયાના વ્રત અને તહેવારો

05 ફેબ્રુઆરી, દિવસ-રવિવાર: મહા પૂર્ણિમા

મહા પૂર્ણિમા 2023: મહા પૂર્ણિમા વ્રત આજે 05 ફેબ્રુઆરીએ છે. આજે સ્નાન અને દાન કરવાનું વિધાન છે. જેઓ માહ પૂર્ણિમાના વ્રત રાખે છે તેઓ ભગવાન સત્યનારાયણની પૂજા કરે છે અને તેમની વ્રત કથા સાંભળે છે. જે લોકોનો ચંદ્ર નબળો છે, તેમણે મહા પૂર્ણિમાની રાત્રે ચંદ્રની પૂજા કરવી જોઈએ અને તેમને અર્ઘ્ય અર્પણ કરવું જોઈએ. રાત્રે લક્ષ્મીનું પૂજન કરવું પણ ફળદાયી છે.

ફેબ્રુઆરી 06, દિવસ-સોમવાર: ફાગણ માસની શરૂઆત, ફાગણ કૃષ્ણ પ્રતિપદા

ફાગણ માસ 2023નો પ્રારંભ: ફાગણ મહિનો સોમવાર, 06 ફેબ્રુઆરીથી શરૂ થશે. આ દિવસ ફાગણ મહિનાના કૃષ્ણ પક્ષની પ્રતિપદા તિથિ છે. મહાશિવરાત્રી, હોળી, રંગભરી એકાદશી, આમળા એકાદશી જેવા મહત્વના ઉપવાસ અને તહેવારો ફાગણ મહિનામાં આવશે.

આ પણ વાંચો: બૃહસ્પતિ બદલશે રાશિ, જાણો ગુરુની મહાદશાના પ્રભાવ અને ધનવાન બનવાના લાભકારી ઉપાયો

09 ફેબ્રુઆરી, ગુરુવાર: દ્વિજપ્રિયા સંકષ્ટી ચતુર્થી

દ્વિજપ્રિયા સંકષ્ટી ચતુર્થી 2023: દ્વિજપ્રિયા સંકષ્ટી ચતુર્થી વ્રત ફાગણ મહિનાના કૃષ્ણ પક્ષની ચતુર્થી તિથિએ મનાવવામાં આવે છે. દ્વિજપ્રિયા સંકષ્ટી ચતુર્થી વ્રત 09 ફેબ્રુઆરી ગુરુવારે છે. આ દિવસે ભગવાન ગણેશ અને ચંદ્રની પૂજા કરવામાં આવે છે. આ વ્રત રાખવાથી મુશ્કેલીઓ દૂર થાય છે અને કાર્યોમાં સફળતા મળે છે.

13 ફેબ્રુઆરી, દિવસ-સોમવાર: કુંભ સંક્રાંતિ, સીતા અષ્ટમી, માસિક કાલાષ્ટમી વ્રત

કુંભ સંક્રાંતિ 2023: સૂર્યદેવ 13 ફેબ્રુઆરીએ કુંભ રાશિમાં ગોચર કરશે. જે સમયે સૂર્ય કુંભ રાશિમાં પ્રવેશ કરશે, તે સૂર્યની કુંભ સંક્રાંતિનો સમય હશે. કુંભ સંક્રાંતિના દિવસથી કુંભમાં સૂર્ય અને શનિનો સંયોગ બનશે. કુંભ સંક્રાંતિના અવસર પર સ્નાન, દાન અને સૂર્યની પૂજાનું મહત્વ છે. કુંભ સંક્રાંતિથી સૂર્ય કેલેન્ડરમાં કુંભનો નવો મહિનો શરૂ થશે.

આ પણ વાંચો:  18 ફેબ્રુઆરીએ મહાશિવરાત્રિ, 3 દાયકા પછી શુભ સંયોગ, આ વિધિથી કરો ભોલેનાથની પૂજા



સીતા અષ્ટમી 2023: આ વર્ષે સીતા અષ્ટમી 13 ફેબ્રુઆરી, સોમવારે છે. ફાગણ મહિનાના કૃષ્ણ પક્ષની અષ્ટમીના દિવસે માતા સીતા પૃથ્વી પર અવતર્યા હતા, તેથી દર વર્ષે આ તિથિએ સીતા અષ્ટમી ઉજવવામાં આવે છે.

માસિક કાલાષ્ટમી 2023: ફાગણ મહિનાની માસિક કાલાષ્ટમી 13 ફેબ્રુઆરીએ છે. આ દિવસે કાલ ભૈરવની પૂજા કરવામાં આવે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Dharm Bhakti, Festival