Dhanu Sankranti: ધન સંક્રાંતિ પર મળે છે આરોગ્યનું વરદાન, જાણો કયા દેવતાની થાય છે પૂજા

ધાર્મિક પંચાંગ અનુસાર, દરેક મહિનામાં સંક્રાંતિ હોય છે. દર સંક્રાંતિનુ પોતાની મહત્વ હોય છે. સૂર્યનું એક રાશિને છોડીને બીજી રાશિમાં પ્રવેશ કરવું સંક્રાંતિ કહેવાય છે. દર વર્ષે પોષ મહિનાની કૃષ્ણ પક્ષની અષ્ટમીની તિથિએ સૂર્ય દેવ ધન રાશિમાં પ્રવેશ કરે છે, જેને ધન સંક્રાંતિ કહેવાય છે. તમામ સંક્રાંતિમાં ધન સંક્રાંતિનું વિશેષ મહત્વ છે.

હિંદુ કેલેન્ડર મુજબ, આ વર્ષે ધન સંક્રાંતિ 16 ડિસેમ્બર 2022ના રોજ છે. સંક્રાંતિના દિવસે દાન અને પુણ્યનું ઘણું મહત્વ છે. આ દિવસે ધાર્મિક સ્થળો પર ભક્તોની ભારે ભીડ જામે છે. ચાલો જાણીએ ધન સંક્રાંતિ પર કયા દેવતાની પૂજા કરવામાં આવે છે અને તેનું શું મહત્વ છે.

ધન સંક્રાંતિનું મહત્વ

પંડિત ઈન્દ્રમણિ ઘનશ્યાલ સમજાવે છે કે સૂર્ય એક રાશિમાંથી બીજી રાશિમાં ગોચર કરે છે. વર્ષના દરેક મહિનામાં સૂર્યદેવ પોતાની રાશિ બદલી નાખે છે. આને ગોચર અથવા સંક્રાંતિ કહે છે. જ્યારે સૂર્ય ધનુ રાશિમાં પ્રવેશ કરે છે ત્યારે તેને ધન સંક્રાંતિ કહેવામાં આવે છે. ખરમાસ આ દિવસથી શરૂ થાય છે. એટલા માટે તમામ શુભ કાર્યક્રમો એક મહિના માટે રોકી દેવામાં આવ્યા છે.

આ પણ વાંચો: Surya Gochar 2022: 16 ડિસેમ્બરથી આ રાશિ પર રહેશે અશુભ પ્રભાવ, બચીને રહેવું

કયા દેવતાની પૂજા કરવામાં આવે છે?

ધાર્મિક શાસ્ત્રો અનુસાર ધન સંક્રાંતિ પર ભગવાન સૂર્યની પૂજા કરવાનું વિશેષ મહત્વ છે. આ દિવસે સૂર્યદેવની પૂજા કરવાથી પાપોમાંથી મુક્તિ મળે છે. આ દિવસે સૂર્ય ભગવાનની સાથે ભગવાન વિષ્ણુ, ભગવાન જગન્નાથ અને ભગવાન શ્રી કૃષ્ણની પૂજા કરવાથી વિશેષ ફળ મળે છે.

આ પણ વાંચો: Surya Gochar 2022: 16 ડિસેમ્બર સૂર્ય દેવતા બદલશે રાશિ, આ રાશિઓની ચમકાવશે કિસ્મત



જો કે ભગવાન સૂર્ય અને શ્રી કૃષ્ણની દરરોજ પૂજા કરવી જોઈએ, પરંતુ ધન સંક્રાંતિના દિવસે બીજ મંત્ર અને સૂર્ય ભગવાનના ગાયત્રી મંત્રનો જાપ ખૂબ જ પુણ્યકારક અને ફળદાયી માનવામાં આવે છે. આ દિવસે પવિત્ર નદીઓમાં સ્નાન કરવાથી પાપોમાંથી મુક્તિ મળે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Dharm Bhakti, Surya Gochar