Dhanteras 2021:આજે ધનતેરસ, ત્રિપુષ્કર યોગમાં સોનું, ચાંદી અને વાસણો ખરીદવાથી થશે ફાયદો

ધનતેરસના દિવસે આ વિશેશ યોગમાં થશે ત્રણ ગણો ફાયદો

Dhanteras 2021: ધનતેરસના દિવસે ભગવાન ધનવંતિર ઉપરાંત ભગવાન કુબેર અને માતા લક્ષ્મીની પૂજા કરવામાં આવે છે. એવું માનવામાં આવે છે કે ધનતેરસના દિવસે ખરીદી કરવી ખૂબ જ શુભ હોય છે.

  • Share this:
    Dhanteras 2021: આજે ધનતેરસ છે. ધનતેરસનો તહેવાર દિવાળીના (Diwali 2021) પ્રથમ દિવસે ઉજવવામાં આવે છે જે પાંચ દિવસ સુધી ચાલે છે. તે દિવાળીના 2 દિવસ પહેલા ઉજવવામાં આવે છે. હિંદુ કેલેન્ડર મુજબ, ધનતેરસનો (Dhanteras 2021) તહેવાર કારતક મહિનાના કૃષ્ણ પક્ષની ત્રયોદશી તારીખે આવે છે. એવું માનવામાં આવે છે કે, આ દિવસે ભગવાન ધનવંતરી સમુદ્ર મંથન દરમિયાન સોનાના વાસણ સાથે પ્રગટ થયા હતા. ધનતેરસના દિવસે ભગવાન ધનવંતિર ઉપરાંત ભગવાન કુબેર અને માતા લક્ષ્મીની પૂજા કરવામાં આવે છે. એવું માનવામાં આવે છે કે ધનતેરસના દિવસે ખરીદી કરવી ખૂબ જ શુભ હોય છે. આ કારણથી ધનતેરસના અવસરે સોના-ચાંદીના ઘરેણા, વાસણો, ઘરવપરાશમાં વપરાતી વસ્તુઓ, કાર, મોટરસાયકલ અને જમીન-મકાનનો વર્ષોથી વેપાર થાય છે. એવું માનવામાં આવે છે કે ધનતેરસના દિવસે ખરીદનાર જે પણ વસ્તુઓ લાવે છે, તે આખા વર્ષમાં તેર ગણી વધી જાય છે અને ઘરમાં સુખ-સમૃદ્ધિ આવે છે. સાથે જ ક્યારેય પૈસાની કમી નથી હોતી.

    ધનતેરસ પર ત્રિપુષ્કર યોગમાં ખરીદી કરવાથી થશે ફાયદો

    જ્યોતિષ શાસ્ત્ર અનુસાર આજે ધનતેરસ પર ત્રિપુષ્કર યોગ બની રહ્યો છે. ત્રિપુષ્કર યોગમાં જે પણ કાર્ય કરવામાં આવે છે તેનું ત્રિપુષ્ક ફળ મળે છે. ત્રિપુષ્કર યોગમાં સોના-ચાંદીની ખરીદી ઉપરાંત રોકાણની પણ સારી તક છે. મંગળવાર અને દ્વાદશી તિથિના સંયોગથી ત્રિપુષ્કર યોગ રચાય છે. દ્વાદશી તિથિ 1લી નવેમ્બરે બપોરે 1:21 વાગ્યાથી શરૂ થઈ છે અને 2જી નવેમ્બરના રોજ સવારે 11:30 વાગ્યા સુધી ચાલશે. તેથી આ યોગનો લાભ આજે સવારે 11.30 વાગ્યા સુધી મળશે.

    આ પણ વાંચો: Dhanteras 2021: આ 5 શુભ મુહૂર્ત ખરીદી માટે શ્રેષ્ટ, જાણો ધનતેરસનું ધાર્મિક મહત્વ

     

    ઘનતેરસના લાભ અમૃત યોગ

    આજે ધનતેરસ પર લાભ અમૃત યોગ પણ રચાઈ રહ્યો છે, જે સવારે 10.30 વાગ્યાથી શરૂ થઈને બપોરે 1.30 વાગ્યા સુધી ચાલશે. લાભ અમૃત યોગમાં ખરીદી કરવી પણ ખૂબ જ શુભ માનવામાં આવે છે. આ સિવાય આજે બપોરે 3 થી 4.30 અને સાંજે 7.30 થી 9 વાગ્યા સુધી ખરીદી કરવી શુભ છે.

    આ પણ વાંચો: Aaj nu Rashifal, 02 November 2021: ધનતેરસના દિવસે આ રાશિના જાતકોને થશે મોટો ફાયદો

    પૂજા માટેનો શ્રેષ્ટ સમય

    ધનતેરસ પર ભગવાન ધન્વંતરી અને કુબેરની પૂજા કરવાનો નિયમ છે. 2 નવેમ્બરના રોજ પ્રદોષ કાલ સાંજે 5.37 થી 8.11 સુધી છે. બીજી તરફ, વૃષભ રાશિનો સમયગાળો સાંજે 6.18 મિનિટથી 8.14 મિનિટ સુધી રહેશે. ધનતેરસ પર પૂજાનો શુભ સમય સાંજે 6.18 મિનિટથી 8.14 મિનિટ સુધીનો રહેશે.
    Published by:kuldipsinh barot
    First published: