Home /News /dharm-bhakti /કયારે છે દેવઉઠી એકાદશી? આ દિવસેથી શરુ થઇ જશે બધા માંગલિક કામો

કયારે છે દેવઉઠી એકાદશી? આ દિવસેથી શરુ થઇ જશે બધા માંગલિક કામો

કયારે છે દેવઉઠી એકાદશી?

Dev Uthani Ekadashi 2022 Date: અષાઢ શુક્લ એકાદશી પર ભગવાન વિષ્ણુ ચાર મહિના માટે યોગ નિદ્રામાં જાય છે. ફરીથી કારતક શુક્લ એકાદશી પર જાગે છે. આ ચાર મહિનામાં ભગવાનની નિંદ્રાને કારણે તમામ શુભ કાર્ય વર્જિત હોય છે અને જ્યારે ભગવાન વિષ્ણુ જાગે છે તો જ કોઈપણ શુભ કાર્ય પૂર્ણ થઈ શકે છે. ભગવાનના જાગરણ કે ઉત્થાનને કારણે તેને દેવઉઠી એકાદશી કહેવામાં આવે છે.

વધુ જુઓ ...
    કારતક માસના શુક્લ પક્ષની એકાદશી તિથિ દેવોત્થાન એકાદશી તરીકે ઓળખાય છે. તેને દેવ ઉઠી એકાદશી અથવા પ્રબોધની એકાદશી પણ કહેવામાં આવે છે. ભગવાન વિષ્ણુ અષાઢ મહિનાના શુક્લ પક્ષની એકાદશીથી ઊંઘમાં જાય છે અને 4 મહિના પછી કારતક મહિનાના શુક્લ પક્ષની એકાદશી તિથિએ જાગી જાય છે, તેથી તેને દેવોત્થાન એકાદશી તરીકે ઓળખવામાં આવે છે.

    જ્યારે ભગવાન વિષ્ણુ ઊંઘમાં જાય છે, ત્યારે ચાર મહિના સુધી તમામ શુભ કાર્યો બંધ થઈ જાય છે. આ પછી, દેવઉઠી એકાદશીના દિવસથી, તમામ શુભ કાર્ય ફરીથી શરૂ થાય છે. દેવઉઠી એકાદશી પર ભગવાન વિષ્ણુ જાગ્યા પછી શુભ કાર્ય શરૂ થાય છે. આ દિવસે તુલસી વિવાહનું પણ આયોજન કરવામાં આવે છે. આ વર્ષે દેવઉઠી એકાદશી 4 નવેમ્બર 2022, શુક્રવારે છે. જ્યારે તેનું પારણ 5 નવેમ્બર 2022ના રોજ થશે. આ દિવસે તુલસી વિવાહનું પણ આયોજન કરવામાં આવે છે.

    • એકાદશી તિથિનો પ્રારંભ - 03 નવેમ્બર, 2022 સાંજે 07:30 વાગ્યે

    • એકાદશી તિથિની સમાપ્તિ - 04 નવેમ્બર, 2022 સાંજે 06.08 વાગ્યે

    • પારણા (ઉપવાસ તોડવાનો) સમય - 05 નવેમ્બર, 2022 સવારે 06:41 થી 08:57 સુધી


    આ પણ વાંચો: Vastu Tips: ઘરની દક્ષિણ દિશામાં ભૂલથી પણ ન રાખતા આ વસ્તુ, કરવો પડી શકે છે આર્થિક તંગીનો સામનો

    દેવઉઠી એકાદશીની પૂજા પદ્ધતિ



    • એકાદશીના દિવસે સવારે વહેલા ઊઠીને સ્નાન કરવું અને વ્રતનું સંકલ્પ કરવું.

    • એકાદશીના દિવસે પૂર્ણ સમય ભગવાન વિષ્ણુનું ધ્યાન કરો.

    • આ પછી, ઘરને સારી રીતે સાફ કરો અને આંગણામાં ભગવાન વિષ્ણુના પગનો આકાર દોરો.

    • આ દિવસે ઘરની બહાર અને પૂજા સ્થાન પર દીવા પ્રગટાવવા જોઈએ.

    • રાત્રે ભગવાન વિષ્ણુ સહિત તમામ દેવતાઓની પૂજા કરવી જોઈએ.

    • આ પછી ભગવાન વિષ્ણુને શંખ અને ઘંટ વગાડીને ઉભા કરવા જોઈએ.


    દેવઉઠી એકાદશી પર તુલસી વિવાહ


    દેવઉઠી એકાદશીના દિવસે તુલસી વિવાહનો પણ રિવાજ છે. આ દિવસે તુલસીજીના લગ્ન શાલિગ્રામ સાથે કરાવવામાં આવે છે. આ લગ્ન પણ સામાન્ય લગ્નની જેમ ધામધૂમથી કરવામાં આવે છે. તુલસી ભગવાન વિષ્ણુને પ્રિય છે અને ભગવાન વિષ્ણુની પૂજામાં તુલસી ચોક્કસપણે સામેલ છે. ભગવાન વિષ્ણુની પૂજા તુલસી વિના પૂર્ણ માનવામાં આવતી નથી. એવું માનવામાં આવે છે કે જે દંપતીને કન્યા નથી, તેઓએ જીવનમાં એકવાર તુલસી વિવાહ અવશ્ય કરવા અને કન્યાદાન કરવું, તેનાથી પુણ્ય મળે છે.

    આ પણ વાંચો: Tulsi Vivah 2022: તુલસી વિવાહ પર કરી લો આ નાનકડું કામ, લગ્ન જીવન હંમેશા રહેશે ખુશીઓથી ભરેલું


    દેવઉઠી એકાદશી પર આ વાતોનું ધ્યાન રાખો


    દેવઉઠી એકાદશીના વ્રત દરમિયાન નિર્જળ કે પાણી પીને જ વ્રત રાખવું જોઈએ. આ વ્રત દરમિયાન બીમાર, વૃદ્ધ અને ગર્ભવતી મહિલાઓ પણ ફળ ખાઈ શકે છે. આ દિવસે ભગવાન વિષ્ણુની પૂજા કરવી જોઈએ. આ સિવાય એકાદશી પર તામસિક ખોરાક (ડુંગળી, લસણ, માંસ, દારૂ, વાસી ખોરાક) ન ખાઓ. આ દિવસે ભગવાન વિષ્ણુના મંત્રોનો જાપ કરવો જોઈએ.
    Published by:Damini Patel
    First published:

    Tags: Dharm Bhakti, Ekadashi, Ekadashi 2022

    विज्ञापन

    विज्ञापन
    विज्ञापन
    विज्ञापन