Home /News /dharm-bhakti /ચંદ્ર ગ્રહણના કારણે બદલાઇ જશે દેવ દિવાળીની તારીખ, આ છે સાચી તિથિ અને શુભ મુહૂર્ત

ચંદ્ર ગ્રહણના કારણે બદલાઇ જશે દેવ દિવાળીની તારીખ, આ છે સાચી તિથિ અને શુભ મુહૂર્ત

દેવ દિવાળી 2022 શુભ મુહૂર્ત

Dev Diwali 2022 : હિન્દુ ધર્મમાં દિવાળીની જેમ દેવ દિવાળીનું પણ વિશેષ મહત્વ છે. આ તહેવારને રોશનીનો તહેવાર પણ કહેવામાં આવે છે. દેવ દિવાળીનો આ તહેવાર દિવાળીના બરાબર 15 દિવસ પછી ઉજવવામાં આવે છે.

    Dev Deepawali 2022 Puja Vidhi and Significance: દેવ દિવાળી દર વર્ષે કારતક માસની પૂર્ણિમાની તિથિ પર ઉજવવામાં આવે છે. હિન્દુ ધર્મમાં દિવાળીની જેમ દેવ દિવાળીનું પણ વિશેષ મહત્વ છે. આ તહેવારને રોશનીનો તહેવાર પણ કહેવામાં આવે છે. દેવ દિવાળીનો આ તહેવાર દિવાળીના બરાબર 15 દિવસ પછી ઉજવવામાં આવે છે.

    દેવ દિવાળી મુખ્યત્વે કાશીમાં ગંગા નદીના કિનારે ઉજવવામાં આવે છે. એવું માનવામાં આવે છે કે આ દિવસે દેવતાઓ કાશીની પવિત્ર ભૂમિ પર અવતરે છે અને દિવાળી ઉજવે છે. દેવતાઓની આ દિવાળી પર વારાણસીના ઘાટોને માટીના દીવાઓની રોશનીથી શણગારવામાં આવે છે.

    આ પણ વાંચો : આ 4 રાશિઓની ખુશીઓ પર 'ગ્રહણ' લગાવશે વર્ષનું છેલ્લું ચંદ્ર ગ્રહણ, પડશે નકારાત્મક પ્રભાવ

    કાશી શહેરમાં આ દિવસે એક અલગ જ ઉલ્લાસ જોવા મળે છે. ચારે બાજુ ખૂબ જ રોશની કરવામાં આવે છે. દેવ દિવાળીની રાત્રે ગંગા ઘાટનો નજારો મનમોહક હોય છે. આવી સ્થિતિમાં, ચાલો જાણીએ કે આ વર્ષે દેવ દિવાળી ક્યારે છે, શું છે શુભ મુહૂર્ત અને પૂજાની વિધિ...

    દેવ દિવાળી 2022 ક્યારે છે?


    હિંદુ પંચાંગ મુજબ, દેવ દિવાળી દર વર્ષે કાર્તિક પૂર્ણિમાના દિવસે ઉજવવામાં આવે છે. આ વખતે કાર્તિક પૂર્ણિમા 08 નવેમ્બર 2022ના રોજ છે. પરંતુ વર્ષ 2022નું છેલ્લું ચંદ્ર ગ્રહણ કારતક પૂર્ણિમાના દિવસે થવા જઈ રહ્યું છે અને ગ્રહણ દરમિયાન પૂજા કરવી શુભ માનવામાં આવતી નથી. આવી સ્થિતિમાં, જ્યોતિષીઓનું માનવું છે કે આ વર્ષે દેવ દિવાળી 07 ઓક્ટોબરે ઉજવવામાં આવશે.

    આ પણ વાંચો : મની પ્લાન્ટ કરતાં પણ વધારે શુભ છે આ છોડ, ઘરમાં લગાવતાં જ થશે ધન વર્ષા

    દેવ દિવાળી 2022 શુભ મુહૂર્ત


    કાર્તિક પૂર્ણિમા તિથિ 07 નવેમ્બરે સાંજે 4.15 વાગ્યાથી શરૂ થઈ રહી છે. આ તિથિ 08 નવેમ્બરે સાંજે 4:31 વાગ્યે સમાપ્ત થઈ રહી છે. ઉદય તિથિ અનુસાર, દેવ દિવાળી 8 નવેમ્બરે ઉજવવી જોઈએ. પરંતુ દેવ દિવાળી ચંદ્રગ્રહણ અને પ્રદોષ કાળના પૂજા મુહૂર્તને ધ્યાનમાં રાખીને 07 નવેમ્બરે ઉજવવામાં આવશે. 07 નવેમ્બરના રોજ, પ્રદોષ કાળમાં પૂજાનું શુભ મુહૂર્ત સાંજે 5.14 થી 7.49 સુધીનું છે.

    દેવ દિવાળીનું મહત્વ


    પૌરાણિક કથા અનુસાર, કારતક પૂર્ણિમાના દિવસે ભગવાન શિવે ત્રિપુરાસુર રાક્ષસનો વધ કર્યો હતો. ત્રિપુરાસુરના વધ પછી તમામ દેવી-દેવતાઓએ એકસાથે ખુશી મનાવી હતી. એવું માનવામાં આવે છે કે આ દિવસે ભગવાન શિવની સાથે તમામ દેવી-દેવતાઓ પૃથ્વી પર અવતરે છે અને દીવો પ્રગટાવીને ખુશીઓ મનાવે છે. આ જ કારણ છે કે કાશીમાં કાર્તિક પૂર્ણિમાના દિવસે દેવ દિવાળી મનાવવાની પરંપરા સદીઓથી ચાલી આવે છે.

    દેવ દિવાળી પર દીપ દાનનું મહત્વ


    દેવ દિવાળીના દિવસે ગંગા સ્નાનનું ઘણું મહત્વ શાસ્ત્રોમાં જણાવવામાં આવ્યું છે. એવું માનવામાં આવે છે કે આ દિવસે ગંગામાં સ્નાન કરવાથી આખું વર્ષ શુભ ફળ મળે છે. તેમજ આ દિવસે પવિત્ર નદીમાં સ્નાન કર્યા બાદ દીપદાન કરવું પણ શુભ છે. આ દીપદાન નદીના કિનારે કરવામાં આવે છે.
    Published by:Bansari Gohel
    First published:

    Tags: Chandra grahan, Dev diwali, Diwali, Lord Vishnu

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन