Budh Gochar 2023: બુધ ગ્રહે કર્યો મેષ રાશિમાં પ્રવેશ, આ ત્રણ રાશિના જાતકોએ સાવધાન રહેવાની જરૂરત

ધર્મ ડેસ્ક: 31 માર્ચ, શુક્રવારના રોજ બુધનું રાશિ પરિવર્તન થયું છે. બુધ ગ્રહએ બપોરે 03.01 કલાકે મેષ રાશિમાં પ્રવેશ કર્યો છે. રાહુ મેષ રાશિમાં છે અને હવે બુધ પણ આવી ગયો છે. મેષ રાશિમાં બુધ અને રાહુની યુતિ બની છે. 7 જૂન સુધી બુધ મેષ રાશિમાં રહેશે. 07 જૂને સાંજે 07:58 કલાકે બુધ ગ્રહ મેષ રાશિ છોડીને વૃષભ રાશિમાં પ્રવેશ કરશે. આ સાથે રાહુ અને બુધનો સંયોગ સમાપ્ત થશે. મેષ રાશિમાં બુધના ગોચરના કારણે 3 રાશિના જાતકોએ સાવધાન રહેવાની જરૂર છે કારણ કે તેમની કારકિર્દી, સ્વાસ્થ્ય અને આર્થિક બાજુ પ્રતિકૂળ અસર થઈ શકે છે. તિરુપતિના જ્યોતિષી ડૉ. કૃષ્ણ કુમાર ભાર્ગવ પાસેથી જાણીએ કે રાશિઓ પર બુધના ગોચરની શું અસર થશે.

બુધ ગોચર 2023: આ રાશિઓ પર પડશે નકારાત્મક અસર

વૃષભ: મેષ રાશિમાં બુધનું ગોચર તમારી રાશિના જાતકો માટે કરિયરની સમસ્યાઓ ઊભી કરી શકે છે. નોકરીયાત લોકોએ પોતાના કામ પર ધ્યાન આપવું પડશે અને વાદ-વિવાદથી દૂર રહેવું પડશે. કાર્યસ્થળ પર સંયમ રાખીને કામ કરો અને ગુસ્સા પર નિયંત્રણ રાખો. આ સમયમાં ખાલીફોકટના ખર્ચના કારણે તમારી આર્થિક સ્થિતિમાં ગડબડ થઈ શકે છે. આ કારણથી તમારી બચત પર પણ અસર પડી શકે છે. પરિવારમાં મહિલા સભ્યનું સ્વાસ્થ્ય બગડી શકે છે. આ કારણથી પણ પૈસાનો ખર્ચ થઈ શકે છે.

  આ પણ વાંચો: એપ્રિલમાં ચાર મોટા ગ્રહો બદલશે રાશિ, આ 5 રાશિના જાતકોનું લાગશે લોટરી

કન્યા: બુધનું ગોચર કન્યા રાશિના જાતકોના સ્વાસ્થ્યને અસર કરી શકે છે. આ સમયે તમારા ખાવા-પીવા પર નિયંત્રણ રાખો. નાની સમસ્યાને પણ અવગણશો નહીં. ડૉક્ટરની સલાહ લો. તમારી સાથે કેટલીક અણધારી ઘટનાઓ બની શકે છે, જેની તમે અપેક્ષા પણ નહીં કરી હોય. બુધ તમને ખર્ચ કરાવી શકે છે. નકામા કામો અને વસ્તુઓમાં સમય અને પૈસા બંનેનો વ્યય થઈ શકે છે. તેનાથી મન દુ:ખી થશે. કાર્યસ્થળ પર કામના તણાવ રહી શકે છે. સહકર્મીઓ તરફથી સહકાર ન મળવાને કારણે મન પરેશાન રહેશે. વાણી અને વર્તન પર સંયમ રાખો. સમય પૂરો થવામાં વધુ સમય નહીં લાગે. પછી બધું અનુકૂળ રહેશે.

આ પણ વાંચો: આજે બુધનું મેષ રાશિમાં ગોચર, આ સાત રાશિના જાતકોને થશે બંપર લાભ



વૃશ્ચિક: બુધનું રાશિ પરિવર્તન તમને ચેતવનારું છે. તમે તમારા મિત્રો અથવા પરિચિતો દ્વારા છેતરાઈ શકો છો. કોઈના પર આંધળો વિશ્વાસ ન કરો, નહીં તો પસ્તાવો કરવો પડી શકે છે. બીજાની વાતમાં આવીને નિર્ણય ન લો, નુકસાન થઈ શકે છે. વિચારીને જ રોકાણ કરો. અત્યારે કોઈની સાથે પૈસાની લેવડ-દેવડ ન કરો. કોઈને ઉધાર ન આપો. તમારા પૈસા અટકી શકે છે. પૈસા પાછા મેળવવામાં મુશ્કેલી આવી શકે છે. તમારે તમારા સ્વાસ્થ્યનું ધ્યાન રાખવું પડશે. બદલાતી ઋતુમાં ભોજન પર સંયમ રાખો. આ સમયે તમારી આર્થિક સ્થિતિ તંગ બની શકે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Budh Gochar, Dharm Bhakti