Amavasya 2023: આજે ભૌમવતી અમાવસ્યા પર રચાઇ રહ્યો છે આ શુભ યોગ, જાણી લો સ્નાન-દાનનું શુભ મુહૂર્ત અને મહત્વ

bhaumvati amavasya 2023: આજે, 21 માર્ચ મંગળવારે ભૌમવતી અમાવસ્યા છે. ચૈત્ર માસના કૃષ્ણ પક્ષની અમાવાસ્યાને કારણે આજે ચૈત્ર અમાવસ્યા છે. મંગળવારની અમાવસ્યાને ભૌમવતી અમાવસ્યા કહેવામાં આવે છે. આ દિવસે સ્નાનનું દાન કરવાથી પુણ્યની પ્રાપ્તિ થાય છે. ભૌમવતી અમાવસ્યા પર વીર હનુમાનની પૂજા કરવામાં આવે છે અને ધરતી પુત્ર કહેવાતા મંગળ દેવની પણ પૂજા કરવામાં આવે છે.

ભૌમવતી અમાવસ્યા પર પંચક છે અને સર્વાર્થ સિદ્ધિ યોગ પણ રચાયો છે. કાશીના જ્યોતિષાચાર્ય ચક્રપાણિ ભટ્ટ પાસેથી ભૌમવતી અમાવસ્યાના શુભ મુહૂર્ત, સ્નાન, દાન અને પૂજા વિધિ વિશે જાણીએ.

આ પણ વાંચો:  Chaitra Navratri 2023: આવતી કાલથી ચૈત્ર નવરાત્રિ, આ ઉપાયો કરવાથી વરસશે મા દુર્ગાની કૃપા

ભૌમવતી અમાવસ્યા 2023 મુહૂર્ત

• ચૈત્ર અમાવસ્યા તિથિ પ્રારંભ: આજે, મંગળવાર, રાત્રે 01:47 વાગ્યાથી


• ચૈત્ર અમાવસ્યા તિથિ સમાપ્ત : કાલે, બુધવાર, રાત્રે 01:52 વાગ્યે


• સર્વાર્થ સિદ્ધિ યોગ: આજે, સાંજે 05:25 વાગ્યાથી આવતીકાલે સવારે 06:23 વાગ્યા સુધી.


• શુભ યોગઃ આજે સવારથી બપોરે 12:42 વાગ્યાસુધી


• શુક્લ યોગ: આજે બપોરે 12:42 વાગ્યાથી


• સ્નાન-દાનનું મુહૂર્ત: સવારે 04:49 થી 05:37 વાગ્યા સુધી, સૂર્યોદય પછી 06:24 વાગ્યા બાદ


• આજનું શુભ મુહૂર્ત: બપોરે 12:04 વાગ્યા થી 12:53 વાગ્યા સુધી


• પંચક: આખો દિવસ

ભૌમવતી અમાવસ્યા 2023 સ્નાન-દાન અને પૂજા વિધિ

આજે સવારે કોઈ પવિત્ર નદીમાં સ્નાન કરો અથવા ઘરે જ ન્હાવાના પાણીમાં ગંગાજળ નાખીને સ્નાન કરો. તે પછી પિતૃઓને જળથી તર્પણ અર્પણ કરો. ત્યારબાદ સૂર્યદેવને જળ, લાલ ફૂલ, લાલ ચંદનથી અર્ઘ્ય ચઢાવો. આ પછી તમે અન્ન, વસ્ત્ર, ફળ, મીઠાઈ વગેરેનું દાન કરો. જો તમે મંગળને બળવાન કરવા માંગો છો તો તમે લાલ ફૂલ, લાલ વસ્ત્ર, મસૂરની દાળ વગેરેનું દાન કરી શકો છો.

આ પણ વાંચો:  Money Mantra 21 March- કન્યા રાશિના લોકોનુ ભૌતિક વસ્તુઓ પર વધશે ધ્યાન, જાણો કેવો રહેશે આપનો આજનો દિવસ

આ અમાવસ્યા મંગળવારના દિવસે છે. આ કારણથી ભૌમવતી અમાવસ્યા પર હનુમાનજી અને મંગળ દેવની પૂજા કરો. હનુમાનજીને સિંદૂર, અક્ષત, ફૂલ, માળા, ધૂપ, દીવો, મોતીચુરના લાડુ અર્પણ કરો. ત્યાર બાદ હનુમાન ચાલીસાનો પાઠ કરો. તમે હનુમાન મંત્રનો જાપ પણ કરી શકો છો. તેના પછી મંગળના બીજ મંત્રનો જાપ કરો.



અમાવાસ્યાના દિવસે પીપળાના વૃક્ષને જળ ચઢાવો અને તેની નીચે દીવો પ્રગટાવો. તેનાથી તમને પિતૃઓ, દેવી-દેવતાઓના આશીર્વાદ મળશે. આજે પંચક છે, પરંતુ આ દરમિયાન તમે પૂજા, સ્નાન, દાન વગેરે કરી શકો છો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Amavasya, Dharm Bhakti, Pitrudosh, Somvati Amas