Home /News /dharm-bhakti /કુંડળીમાં ચક્ર અને સમુદ્ર યોગ વાળા જીવે છે રાજાશાહી જીવન, ધન ભંડાર રહે છે ભરેલો

કુંડળીમાં ચક્ર અને સમુદ્ર યોગ વાળા જીવે છે રાજાશાહી જીવન, ધન ભંડાર રહે છે ભરેલો

કુંડળી ચક્ર શું કહે છે..

Kundli Bhagya: કુંડળીમાં ચક્ર અને સમુદ્ર યોગ હોવું શુભ માનવામાં આવે છે. બંને યોગ ધન સંપદ્દા સાથે જોડાયેલાં છે. આ વાત દર્શાવે છે કે, વ્યક્તિ ઘણો ધનવાન હશે. આ યોગવાળા જાતકો પૈતૃક સંપત્તિ મળે છે તેઓ ધનવાન ઘરમાં જન્મ લે છે.

    Astrology: જ્યોતિષ શાસ્ત્રમાં વ્યક્તિનાં જન્મ સમયે અને તિથિનાં આધારે કુંડળી નિર્માણનું વર્ણન છે. કુંડળીમાં ગ્રહ નક્ષત્ર અને તેની સ્થિતિ જ વ્યક્તિનાં ભવિષ્ય નિર્ધારિત કરે છે. આપે જ્યોતિષિયોને કુંડળીનાં માધ્યમથી ભવિષ્ય જણાવતા જોયા હશે. જ્યોતિષ શાસ્ત્રમાં ઘણાં યોગનું વર્ણન કરવામાં આવ્યું છે. તેનો સંબંધ આપણાં જીવનમાં ઘટિત ધટનાઓ સાથે થાય છે.

    પંડિત ઇન્દ્રમણિ ધનસ્યાલ જણાવે છે કે, કુંડળીમાં ચક્ર અને સમુદ્ર યોગ હોવું શુભ કહેવાય છે. બંને યોગ ધન સંપદા સાથે જોડાયેલાં છે આ યોગથી વ્યક્તિનાં જીવનમાં ઘણાં બદલાવ આવે છે. આવો જાણીયે કુંડળીમાં ચક્ર અને સમુદ્ર યોગ હોવાનાં લાભ શું છે.

    આવી રીતે બને છે ચક્ર અને સમુદ્ર યોગ-


    જ્યોતિષ શાસ્ત્ર અનુસાર, કુંડળીમાં લગ્નથી શરૂ થનારો વિષમ સ્થાનો પર બધા ગ્રહો હોય તો ચક્ર યોગ રચાય છે. જેમ કે કુંડળીમાં 1, 3, 5, 7, 9, 11 વિષમ સ્થાનો છે. જ્યારે બધા ગ્રહો આ સ્થાનોમાં હોય ત્યારે ચક્ર યોગ બને છે. તે જ સમયે, જો બધા ગ્રહો કુંડળીમાં સમ સ્થાન પર હોય તો તે સમુદ્ર યોગ બનાવે છે. કુંડળીમાં સમ સ્થાનો 2, 4, 6, 8, 10, 12 છે. આ સ્થાનો પર ગ્રહોની હાજરી સમુદ્ર યોગ બનાવે છે.

    આ યોગનો લાભ


    જ્યોતિષના મતે જો કોઈની કુંડળીમાં ચક્ર અને સમુદ્ર બંને યોગ બને છે તો તે ખૂબ જ શુભ માનવામાં આવે છે. તે દર્શાવે છે કે વ્યક્તિ ખૂબ જ ધનવાન હશે. આ યોગો ધરાવતા લોકોનો જન્મ ધનવાન ઘરમાં થાય છે. બીજી તરફ, સામાન્ય પરિવારમાં જન્મ લીધા પછી, તેઓ સંપત્તિથી સંપન્ન થાય છે.

    ચક્ર યોગ વાળી વ્યક્તિ અધિક પરિશ્રમી હોય છે. એવાં લોકોને સફળતા પ્રાપ્ત કરવા માટે ઘણો પરિશ્રમ કરવો પડે છે. સમુદ્ર યોગમાં જન્મેલાં લોકો તેમનું જીવન રાજાની જેમ જીવે છે. તેમની પાસે ક્યારેય ધન દોલતની કમી હોતી નથી. એવાં લોકો ધાર્યુ કામ કરવા માટે પાણીની જેમ પૈસો વાપરે છે. તેમને ટ્રાવેલિંગનો ખૂબ શોખ હોય છે.
    Published by:Margi Pandya
    First published:

    Tags: Astrology

    विज्ञापन
    विज्ञापन