Aaj Nu Panchang: આજે દેવશયની એકાદશી આજથી ગૌરી વ્રતનો પ્રારંભ, જાણો શુભ મુહૂર્ત અને રાહુકાળ

ધર્મ ભક્તિ ડેસ્ક: જ્યોતિષાચાર્ય અમિત ત્રિવેદી (jyotishacharya Amit Trivedi) જણાવે છે, તારીખ - 10 જુલાઈ 2022, રવિવાર, આજથી ગૌરીવ્રતનો (Gauri Vrat 2022) પ્રારંભ થશે (કુંવારીકાઓને સવારે પૂજન માટેનો સમય દિનવિશેષમાં દર્શાવ્યો છે) અને આજે દેવશયની પણ એકાદશી છે. (Devshayani Ekadashi 2022) એકાદશીને નંદા તિથિનો દરજ્જો આપવામાં આવ્યો છે, એટલે કે શુભ તિથિ. વળી, આ સુદ પક્ષની એકાદશી છે તેથી તેનું મહત્ત્વ થોડું વિશેષ છે. આજે દેવો પોઢી જશે. દેવતાગણ પોઢી જવાનો અર્થ એ નથી કે બધુ જ કાર્ય ઠપ્પ. દેવતાગણ પોઢવું એટલે હવે શુભકાર્યોમાં દેવતાનું આવાહન શક્ય નહીં બને પણ, જપ-તપમાં ચાતુર્માસનું  (Chaturmas 2022) અનેકગણું મહત્ત્વ કહ્યું છે. એટલે એક પ્રકારે, ચાતુર્માસ ભોગનો સમય નથી પણ ભક્તિનો સમય છે. આજથી સ્વામિનારાયણ સંપ્રદાય, જૈન સંપ્રદાય, વૈષ્ણવ સંપ્રદાય વગેરે અનેક ધાર્મિક નાના-મોટા સંપ્રદાય-પંથોના ભક્તો વિવિધ નિયમો ધારણ કરશે. જેમ કે, ધારણા-પારણા, એકાસણા, એકટાણાં, મંત્રજાપ, શાસ્ત્રોક્ત પઠન-પાઠન, દાનધર્મ વગેરે જેવા જેને અનુકૂળ તેવા નિયમ ધારણ કરશે અને પુણ્યબળ એકઠું કરશે. હવે, દેવઊઠી એકાદશી સુધી લગ્નાદિ મુહૂર્તો નહીં મળે પણ તારીખ 4 ઓક્ટોબર 2022ના રોજ દેવઊઠી એકાદશીના દિવસથી વળી લગ્નાદિક કાર્યોના મુહૂર્ત પ્રાપ્ત થઈ શકશે.

ચંદ્રમાસ – અષાઢ સુદ એકાદશી, બપોરે 2.15થી બારસ
ચંદ્રરાશિ – વૃશ્ચિક (ન,ય)
નક્ષત્ર – વિશાખા, સવારે 9.56થી અનુરાધા
યોગ - શુભ
કરણ – વિષ્ટી, બપોરે 2.15થી બવ
બ્રહ્મમુહૂર્ત - સવારે 4.39 થી 5.22 (પ્રાણાયામ તેમજ ધ્યાન માટે શ્રેષ્ઠ સમય)
સૂર્યોદય - સવારે 6.02
સૂર્યાસ્ત- સાંજે 7.28
ચંદ્રોદય - બપોરે 2.52
ચંદ્રાસ્ત - રાત્રે 1.37
ગોધૂલી - સાંજે 7.08થી 7.32 (શુભ સમય)
ગુલીક – સાંજે 5.35થી 7.13, રાત્રે 11.23 થી 12.00
યમઘંટક - બપોરે 1.30 થી 2.19
રાહુકાળ – સાંજે 4.30થી 6.00
વિજય મુહૂર્ત - બપોરે 12.32 થી 12.56

આજના દિવસનું વિશેષ -

• દેવશયની (દેવપોઢી) એકાદશી
• ચાતુર્માસ પ્રારંભ
• ગૌરીવ્રત નિમિત્તે પૂજનનું શુભ મુહૂર્ત સવારે 7.48થી 11.06
• વૈધૃતિ મહાપાત સાંજે 6.09 થી રાત્રે 12.27 (અશુભ સમય)

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Aaj nu panchang, Asath Mahino, Chaturmas 2022, Devshayani ekadashi 2022